នៅពេលយើងបន្តការសិក្សាអំពីវីរុស Covid 19 វាពិតជាមានលផប៉ះពាល់ទៅលើរាងកាយ និងសួត។ តែឥឡួវនេះគ្រួទេព្យកំពុងតែស្វែងយល់ពីគោលដៅមួយទៀត គឺខួរក្បាល។ ក្រុមវេជ្ជបណ្ឌិតនៅជុំវិញពិភពលោកបានរាយការណ៍ថា អ្នកឆ្លងវីរុស Covid 19 ក្នុងការករណីធ្ងន់ធ្ងរ តែងមានអារម្មណ៍ច្របូកច្របល់ពេលខ្លះ និងបង្ហាញរោគសញ្ញាតាមស្ថានភាពផ្លូវចិត្តតែងមានការផ្លាស់ប្តូរ។ វេជ្ជបណ្ឌិតជាច្រើនម្នាក់បានកត់សម្គាល់ថា អ្នកជំងឺភាគច្រើនមានបញ្ហាស្រដៀងៗគ្នា។

វេជ្ជបណ្ឌិត Lorenzo Norris ជាអ្នកវិទ្យាសាស្រ្តសុខាភិបាលនៃសាកលវិទ្យាល័យចចវ៉ាស៊ីនតោន បាននិយាយថា អ្នកជំងឺមានសញ្ញាគួរឲ្យព្រួយបារម្ភដែលគ្មានអ្នកណាម្នាក់បានដឹងច្បាស់ថា តើវីរុសនេះ វាបានប៉ះពាល់ដល់ខួរក្បាលយ៉ាងមិចទេ។ ហើយលោកបានបន្តប្រាប់ ABC News ថា មន្ទីរពេទ្យរបស់លោកបានរកឃើញអ្នកជម្ងឺឆ្លងពី Covid 19 មួយចំនួនធំដែលមានបញ្ហាភ្លេចភ្លាំងដោយមិនអាចគិតពីប្រវត្តិសុខភាពរបស់ខ្លួនពីមិនបានឡើយ។ ហើយត្រូវប្រើការព្យាបាលយ៉ាងយូរដើម្បីជាសះស្បើយពីជំងឺខួរក្បាលនេះ។

ទោះបីជាមានទិន្នន័យមិនសូវច្បាស់លាស់ តែតាមការសិក្សាមួយនៅទីក្រុងវូហាននៃប្រទេសចិន បានរកឃើញរោគសញ្ញាខួរក្បាលនេះថា ១ភាគ៣ ចំពោះអ្នកកើត Covid 19 មានសភាពធ្ងន់ធ្ងរ វាមានការប៉ះពាល់ដល់ប្រព័ន្ធសរសៃប្រសាទ ហើយចំពោះអ្នកជម្ងឺ ២ភាក៣ទៀត មានអារម្មណ៍ធុងថប់ ឬអារម្មណ៍មិនល្អ។ មានវេជ្ជបណ្ឌិតជាច្រើនឆ្ងល់ថា តើ Covid 19​ អាចធ្វើការប៉ះពាល់ដល់ខួរក្បាលដោយរបៀបណា?

តាមលោកវេជ្ជបណ្ឌិត Beatriz Korc ប្រធានផ្នែកផ្នែករោគស្រ្តីនៅមជ្ឈមណ្ឌលមហារីក Sloan Kettering បានប្រាប់ ABC News ថា ការភ្លេចភ្លាំងពី Covid 19 វាបណ្តាលមកពីវិរុសបំផ្លាញជាលិកាខួរក្បាល ឬសរសៃឈាមរបស់វាផ្ទាល់តែម្តង។ មានចំណុចមួយទៀត ដែលបណ្តាលឲ្យមានការភ្លេចភ្លាំង គឺបញ្ហាការដង្ហើមធ្ងន់ធ្ងរ វាធ្វើឲ្យអុកស៊ីសែននៅក្នុងឈាមមានកម្រិតទាប។

វេជ្ជបណ្ឌិត Abad បានប្រាប់ ABC News ថា ដើម្បីព្យាបាលជម្ងឺខួរក្បាលនេះ វាត្រូវចំណាយពេលយូរជាងមុនសម្រាប់អ្នកជម្នឺឲ្យបានជាសះស្បើយតាមស្ថានភាពផ្លូវចិត្តឡើងវិញ។ យើងមានការព្រួយបារម្ភថា ពួកគេមានកំណកឈាមតូចៗដែលនៅក្នុងខួរក្បាល វាបង្កឲ្យមានអារម្មណ៍ច្របូកច្របល់។ បើស្ថានភាពកម្រិតអុកស៊ីសែនរបស់ពួកគេមានភាពល្អប្រសើរ ដូច្នេះវាមិនមែនជាបញ្ហាធំដុំនោះទេ៕

ប្រភពៈ ABC News

ប្រែសម្រួលដោយ៖ទ្រ សុភាព