លោក Elon Musk និយាយថា “ខ្ញុំព្យាយាមគេងតិច ហើយធ្វើការងារច្រើនកាលពីមុន ប៉ុន្តែលទ្ធផលខួរក្បាលរបស់ខ្ញុំមិនសូវជាល្អប៉ុន្មានទេ”។ លោកជានាយកប្រតិបត្តិក្រុមហ៊ុន Tesla, SpaceX និង Twitter តែងតែធ្វើការស្ទើតែគ្មានពេលដេកឡើយ តាមបទសម្ភាសន៍ជាមួយលោក David Faber ក្នុងស្ថានីយទូរទស្សន៍ CNBC លោក Musk ប្រាប់ថា ឥឡូវនេះខ្ញុំដេក៦ម៉ោងក្នុងមួយយប់”។ គាត់ប្តូរទម្លាប់គេងច្រើនឡើងវិញ កុំឱ្យគាត់ឈឺចាប់ផ្នែកខួរក្បាល ព្រោះតែគាត់គិតច្រើន ហើយបញ្ហាគេងតិច ធ្វើឱ្យគាត់ខ្វះគំនិតច្នៃប្រតិដ្ឋថ្មីដែរ។ បើក្រុមហ៊ុនគាត់គ្មានគំនិតថ្មីៗ ទេ ច្បាស់ជាដួលរំលំមិនខានទេ។ ព្រោះគេងតិចនាំបាត់បង់កោសិកាខួរក្បាល កាត់បន្ថយគំនិតថ្មីៗ និងអារម្មណ៍ឆេវឆាវដែរ។
បរិមាណនៃការគេងរបស់មនុស្សមានការប្រែប្រួលពីមនុស្សម្នាក់ទៅមនុស្សម្នាក់ ប៉ុន្តែមនុស្សពេញវ័យភាគច្រើនដែលមានអាយុពី ១៨ ទៅ៦០ឆ្នាំគួរតែគេងយ៉ាងហោចណាស់ប្រាំពីរម៉ោងក្នុងមួយយប់ នេះបើយោងតាមមជ្ឈមណ្ឌល គ្រប់គ្រងនិងការពារជំងឺអាមេរិកដែរ( CDC) ។ ព្រោះការគេងមិនលក់មានទំនាក់ទំនងទៅនឹងជំងឺបេះដូង ជំងឺតម្រងនោម លើសឈាម ទឹកនោមផ្អែម ជំងឺដាច់សរសៃឈាមខួរក្បាល ធាត់ និងជំងឺធ្លាក់ទឹកចិត្តផងដែរ។
សូម្បីតែលោក Bill Gates ក៏បានសរសេរដែរថា “ការគេងមួយយប់របស់ខ្ញុំ ជាមួយនឹងការគេងមិនគ្រប់គ្រាន់ចំនួន៨ម៉ោង បានធ្វើឱ្យលោកខាតបង់លើការងារអស់យ៉ាងច្រើន”។ ចំណែកលោក Jeff Bezos ក៏បាននិយាយដែរថា ខ្ញុំផ្តល់អាទិភាពដល់ការគេងជារឿងទីមួយ ពេលខ្ញុំគេងបានគ្រប់គ្រាន់នោះ ខ្ញុំធ្វើការក្នុងក្រុមហ៊ុន Amazonបានលទ្ធផលល្អដែរ។ សម្រាប់ខ្ញុំ វាធ្វើឱ្យខ្ញុំមានអារម្មណ៍ថា មានថាមពល និងរំភើប”។ តាមអ្នកចិត្តសាស្រ្តលោក Adam Borlandបានប្រាប់គេហទំព័រ Cleveland Clinic ក្នុងឆ្នាំ២០២១ ថា ធ្វើការលើស ៥៥ម៉ោងស្រ្តេសខ្លាំងបណ្តាលគេងអត់លក់ក្នុងមួយសប្តាហ៍អាចបង្កើនឱកាសវិវត្តទៅជាជំងឺបេះដូង និងដាច់សរសៃឈាមខួរក្បាលលឿនផងដែរ៕
អត្ថបទដោយ៖ ទ្រ សុភាព
បងប្អូនចូលរួមដោយសេរី...ជួបគ្នាថ្ងៃទី ០២ ទី០៣ ខែធ្នូឆ្នាំ ២០២៣ នេះ...
