សុខភាពជារឿងសំខាន់ក្នុងជីវិតមនុស្សម្នាក់ៗ ផងដែរ។ ពេលអ្នកធាត់អាចនាំជំងឺដាក់ខ្លួនច្រើនមុខដូចជាលើសឈាម បញ្ហាបេះដូង និងបញ្ហាផ្នែកអារម្មណ៍។ តាមលោកគ្រូ ត្រឹង ចាន់ ជាអ្នកហាត់កាយវប្បកម្ម និងជាគ្រូហាត់ប្រាណជាច្រើនឆ្នាំបានលើកឡើងថា បើអ្នកចង់សម្រកគីឡូ អ្នកគួរព្យាយាមក្រោកពេលព្រឹកហាត់ប្រាណ វាជាពេលដុតខ្លាញ់បានល្អ ហើយវាជាពេលរាងកាយអ្នកមានថាមពលផងដែរ។ គ្រាន់តែអ្នកព្យាយាមហាត់ប្រាណ ២០នាទី ហើយផឹកទឹកក្តៅបន្ថែម លទ្ធផលស្រកគីឡូរបស់អ្នកកាន់តែងាយ”។ ក្រោកពេលព្រឹកហាត់ប្រាណ ដើម្បីឈ្នះអារម្មណ៍ខ្ចិល ឱ្យអ្នកឆាប់ស្រកគីឡូបានលឿនបំផុត។
លោកគ្រូបានបន្តថា ជាពិសេសបើអ្នកបានលើកដុំដែកជាលំហាត់ប្រាណធ្វើឱ្យជាតិខ្លាញ់បំលែងទៅជាសាច់ដុំលឿន។ ការលើកទម្ងន់កម្រិតល្មម(តាមកម្រិតខ្លួនឯង)ជួយបេះដូងឱ្យផលិតឈាមទៅរាងកាយ និងឈាមរត់ទៅកាន់់ខួរក្បាលបានគ្រប់គ្រាន់នៅពេលព្រឹកផងដែរ។ វាជួយកម្ចាត់ជាតិពុលពីរាងកាយ និងបញ្ចុះគីឡូឱ្យមានសុខភាពល្អ។ មានរឿងមួយទៀត អ្នកគួរធ្វើបន្ថែមគឺរបរអាហារដើម្បីផ្តល់ថាមពលឱ្យរាងកាយរបស់អ្នកបន្ទាប់ពីហាត់ប្រាណហើយ ឱ្យទៅបំពេញការងារដោយមានទំនុកចិត្តបំផុត។
ហើយលោកគ្រូ ចាន់ បានលើកឡើងថា អ្នកគួរហូបអាហារជាបន្លែច្រើនប្រភេទដែលមានជាតិប្រូតេអ៊ីន និងវីតាមីន។ បើអ្នកចង់បានសុខភាពរឹងមាំ រាងកាយគ្មានខ្លាញ់ អ្នកត្រូវយកចិត្តទុកដាក់លើរបសអាហារដែលមានសុខភាពល្អ ជាពិសេសញ៉ាំផ្លែឈើមានផ្លែប៉ោម ផ្លែប័រ ផ្លែចេក និងបន្លែមានបន្លែសាឡាត ស្ពៃ និងស៊ុតនៅពេលព្រឹក ដើម្បីគីឡូរបស់អ្នកស្រកតាមហ្នឹងដែរ”។ ប៉ុន្តែបើអ្នកមិនកាត់បន្ថយជាតិស្ករ និងហូបអាហារដដែលដូចដើមនោះ ទោះបីអ្នកខំលំហាត់ប្រាណ រាងកាយរបស់អ្នកបន្តផ្ទុកខ្លាញ់ច្រើនដែរ។
តាមលោកគ្រូ ត្រឹង ចាន់បាននិយាយថា “អ្នកធ្វើលំហាត់ប្រាណលើកទម្ងន់ជួយឱ្យស្បែកអ្នកតឹង(ស្អាត) គ្មានភាពយារ និងធ្វើឱ្យរាងកាយ និងកម្លាំងរបស់អ្នកខ្លាំងជាងមុន។ ចំពោះអ្នកមានស្បែងយារ ទោះបីគាត់តមអាហារ គ្មានលំហាត់ប្រាណត្រឹមត្រូវ នេះជាបញ្ហាដែលធ្វើឱ្យគាត់មានជាតិនៅត្រង់ក្បាលពោះ។ ពេលអ្នកធ្វើលំហាត់ប្រាណត្រឹមត្រូវ វាដុតជាតិខ្លាញ់បានល្អកន្លែងក្បាលពោះនេះឯង៕ អ្នកអាចទាក់ទំនងលោកគ្រូត្រឹង ចាន់ Tring Chan 0972324527 Trainer
អត្ថបទដោយ៖ ទ្រ សុភាព