បើយោងតាម Parenting Science បានលើកឡើងថា លោក James Flynn បានធ្វើការវិភាគលើការសិក្សាកន្លងមកអំពី សមិទ្ធផល និង IQ គាត់រកឃើញថា ភាគច្រើនជនជាតិចិនផ្ដល់លើលទ្ធផលជាជាងកកម្រិតIQ។ ហេតុអ្វីទៅ?

នៅក្នុងនោះ លោកសាស្ដ្រចារ្យច្បាប់ Yale Amy Chua បាននិយាយថា គេសិក្សារបស់ឃើញ ម្ដាយជនជាតិចិនជោគជ័យលើការចិញ្ចឹមកូន ដោយសារតែពួកគេបង្កើនភាពតឹងរឹងជាងម្ដាយលោកខាងលិច។ ជាការពិតណាស់ មានភស្ដុតាងមួយចំនួនបានលើកឡើងថា ឪពុកម្ដាយបានកំណត់លទ្ធផលខ្ពស់ចំពោះការសិក្សារបស់កូនៗនៅសាលា។ មួយវិញទៀត ឪពុកម្ដាយចិនបានចំណាយពេលវេលាជាច្រើនក្នុងការជំរុញឱ្យកូនរបស់ពួកគេសិក្សាច្រើន អនុវត្តច្រើន និងសម្រេចលទ្ធផលឱ្យបានខ្ពស់។

ជាការពិតណាស់ ឪពុកម្ដាយចិនភាគច្រើនប្រើប្រាស់សិទ្ធជាឪពុកម្ដាយ ដើម្បីឱ្យកូនរបស់ពួកគេខិតខំរៀនសូត្រជាជាងឪពុកម្ដាយលោកខាងលិច។ នៅក្នុងនោះ ការស្រាវជ្រាវជាច្រើនទស្សវត្សរ៍បានបង្ហាញថា ក្មេងជនជាតិចិនមានគុណសម្បត្តិធំៗចំនួន២គឺ៖

១.ឪពុកម្ដាយសង្កត់ធ្ងន់លើការខិតខំប្រឹងប្រែងមិនមែនសមត្ថភាពពីកំណើតនោះទេ។

២.មិត្តភ័ក្ដិរបស់កុមារតែងគាំទ្រគ្នាទៅវិញទៅមកនៅពេលពួកគេខិតខំធ្វើការនៅសាលា។

គួរបញ្ជាក់ថា ជនជាតិចិនមានជំនឿថា មានតែការខិតខំប្រឹងប្រែងនោះទេដែលទទួលបានជោគជ័យ ហើយការខិតខំប្រឹងប្រែងគឺធាតុផ្សំសំខាន់នៃភាពជោគជ័យរបស់ជនជាតិចិន។ ជាពិសេសម្ដាយជនជាតិនិយាយថា ពួកគេបង្រៀនកូនខិតខំប្រឹងប្រែង កុំចុះចាញ់។

បើយោងតាមការស្រាវជ្រាវរបស់លោក James Flynn បានបង្ហាញថា របៀបដែលឪពុកម្ដាយចិនចិញ្ចឹមកូនច្បាស់លាស់ និងបង្រៀនឱ្យកូនរបស់ពួកគេខ្លាំង ពូកែ ឆ្លាតរួមមាន៖

១.ឪពុកម្ដាយចិញ្ចឹមកូនបែបផ្ដាច់ការ ដោយមានភាពស្រលាញ់ ប៉ុន្តែអ្វីៗស្ថិតក្រោមការគ្រប់គ្រងរបស់ឪពុកម្ដាយ។ ចំពោះអ្នកវិញអាចប្រើវិធីបែបនេះបាន ប៉ុន្តែមិនត្រូវផ្ដាច់ការខ្លាំងពេកនោះទេ។

២.ឪពុកម្ដាយចិញ្ចឹមកូនបែបតឹងរឹង ប៉ុន្តែក៏នៅតែមានភាពស្និទ្ធស្នាលជាមួយកូនៗរបស់ពួកគេដែរ។ មួយវិញទៀត ទំនាក់ទំនងរវាងកូន និងឪពុកម្ដាយចិនមានភាពស៊ីជម្រៅ។

៣.ការចិញ្ចឹមកូនរបស់ជនជាតិចិនមានភាពច្បាស់លាស់ និងមានប្រយោជន៍ចំពោះអនាគតរបស់កូន ដែលពួគគេជឿលើការខិតខំប្រឹងប្រែង មិនចុះចាញ់នោះទេ។

ដូច្នេះរាល់ចំណុចខាងលើនេះជាក្បួនជាច្បាប់នៃការចិញ្ចឹមកូនរបស់ជនជាតិចិនប៉ុណ្ណោះ ប៉ុន្តែយើងអាចយកមកកែច្នៃជាការចិញ្ចឹមកូនរបស់យើងបាន ចំណាំថា មិនត្រូវប្រើសិទ្ធផ្ដាច់ការពេកនោះទេ ។