មួយរយៈចុងក្រោយ ករណីឆ្លងវីរុសកូវីដ១៩ហាក់កើនឡើងខ្ពស់ មួយថ្ងៃឆ្លងជាង៦០០ទៅ៧០០នាក់ ដែលជាតួលេខគួរប្រុងប្រយ័ត្នទោះបីជាពលរដ្ឋកម្ពុជាបានចាក់វ៉ាក់ស៊ាំងរួចហើយក៏ដោយ។ ការឆ្លងភាគច្រើនគឺកើតឡើងនៅទីប្រជុំជន ជាពិសេសគឺតាមផ្សារអាហារ បន្លែ ផ្លែឈើ ហេតុនេះខាងនាយកដ្ឋានប្រយុទ្ធនឹងជំងឺឆ្លង CDC ក៏បានចេញមុខប្រាប់ពីរបៀប៣យ៉ាងដែលបងប្អូនអាចធ្វើពេលដើរផ្សារកុំឱ្យឆ្លងកូវីដ១៩ ជាពិសេសគឺដែលតា។
ទម្លាប់ទី១. ត្រូវរក្សាសុវត្ថិភាពយ៉ាងតិច១ម៉ែត្រកន្លះនៅពេលកំពុងជ្រើសរើសទំនិញ និងនៅពេលគិតលុយ ហើយសូមចូលរួមកាត់បន្ថយរយៈពេលក្នុងការទិញទំនិញផងដែរ។
ទម្លាប់ទី២. ពាក់ម៉ាសឱ្យបានត្រឹមត្រូវនិងរក្សាអនាម័យដៃឱ្យស្អាតជានិច្ច
ទម្លាប់ទី៣. បើមានរោគសញ្ញាសង្ស័យណាមួយ អ្នកមិនត្រូវចេះក្រៅជាដាច់ខាត
ទោះបីទម្លាប់៣នេះ ហាក់ដូចងាយៗប៉ុន្តែការពិតជាក់ស្តែងគឺពិបាកក្នុងការធ្វើ ដូចនេះទើបយើងឃើញមានបងប្អូនឆ្លងកូវីដនៅតាមផ្សារច្រើន ហើយក៏រាតត្បាតចេញពីផ្សារច្រើនដូចគ្នា។ អាស្រ័យហេតុនេះ ប្រសិនបើត្រូវចេញទៅផ្សារ ត្រូវទន្ទេញទម្លាប់៣នេះឱ្យចាំមាត់ ជៀសវៀងទៅផ្សារ តែជាប់ដែលតាមកផ្ទះ៕