រាល់បុគ្គលអស្ចារ្យមានចំណុចចាប់ផ្តើមមួយដូចគ្នា គឺការតស៊ូនេះឯង។ សូម្បីលោក Arnold Schwarzeneggerកើតនៅប្រទេសអូទ្រីស បានតស៊ូមករស់នៅអាមេរិក ដើម្បីក្លាយជាលេងកាយវប្បកម្មដែលឈ្នះពាន់រង្វាន់ជាប់ៗ គ្នាចំនួន ៧ដង ដែលធ្វើឱ្យជោគជ័យដល់កម្រិតបុគ្គលខ្លាំងម្នាក់នៅអាមេរិក។ ហើយមានសំនួរមួយថា តើArnold ហាត់ប្រាណប៉ុន្មានដងក្នុងមួយថ្ងៃ?

លោក Arnold Schwarzenegger អតីតលោក Olympia ជាមនុស្សល្អបំផុតដើម្បីស្វែងរកការលើកទឹកចិត្ត ខណៈដែលគាត់នៅពេលនេះ មានអាយុ ៧៣ ឆ្នាំ។ គាត់បាននិយាយថា “ខ្ញុំរកឃើញថាមពលរបស់ខ្ញុំដោយការធ្វើអ្វីដែលខ្ញុំស្រលាញ់ ហើយដែលនាំខ្ញុំធ្វើឱ្យខ្លាំង ដើម្បីឱ្យដល់គោលដៅរបស់ខ្ញុំ។ ខ្ញុំ​​អាន​ពីគោលដៅជាប្រចាំថ្ងៃ ទោះបីខ្ញុំដេក ក៏ខ្ញុំនៅជាមួយគោលដៅរបស់ខ្ញុំដែរ។ ខ្ញុំមាន​ចក្ខុវិស័យ​បែបនេះ ធ្វើឱ្យខ្ញុំជាមនុស្សម្នាក់មាន​ថាមពលម្នាក់​​»។ ហើយសំនួរថា គាត់ហ្វឹកហាត់ប៉ុន្មានដងក្នុងមួយថ្ងៃ?

ចម្លើយ គឺលោក Arnold Schwarzenegger បានធ្វើលំហាត់ប្រាណមួយសប្តាហ៍ ចំនួន៦ថ្ងៃ ហើយនៅក្នុងមួយថ្ងៃ គាត់ហាត់ចំនួន ២ដងដោយមានគោលដៅកំណត់ក្រុមតាមសាច់ដុំនីមួយៗ ៣ ដងក្នុងមួយសប្តាហ៍ ខណៈពេលដែលកំពុងរៀបចំសម្រាប់ការប្រកួតកីឡាកាយវប្បកម្ម ដែលជាបរិមាណដ៏គួរឱ្យកត់សម្គាល់ សូម្បីតែតាមលក្ខណៈស្តង់ដារកីឡាកាយវប្បកម្មអាជីពក៏ដោយ។

ហើយគាត់ហ្វឹកហាត់នេះ មួយថ្ងៃចំនួន ៥ម៉ោង ទៅ៦ម៉ោងក៏មានដែរ។ គាត់ហ្វឹកហាត់ខ្លាំង ហើយគាត់រីករាយជាមួយវា ដើម្បីការប្រកួតប្រជែងកាយវប្បកម្មនៅ Olympiaដោយការឈ្នះច្រើនដងបែបនេះ ធ្វើឱ្យគាត់ល្បីឈ្មោះ និងបានក្លាយជាតារាតារាហូលីវ៉ូតម្នាក់។ នៅឆ្នាំ ២០០៣ គាត់បានប្រឡូងចូលវិស័យនយោបាយ និងបានក្លាយជាអភិបាលក្រុងនៃរដ្ឋកាលីហ្វ័រញ៉ា ដល់ឆ្នាំ ២០១១ ផងដែរ៕

អត្ថបទដោយ៖ ទ្រ សុភាព