ជំងឺគ្រុនពោះវៀន គឺជាប្រភេទនៃការឆ្លងបាក់តេរី ដែលជាធម្មតាឆ្លងតាមរយៈការទទួលទានអាហារ និងទឹកប្រើប្រាស់ជាប្រចាំថ្ងៃ។ រោគសញ្ញានៃជំងឺគ្រុនពោះវៀន អាចរួមមាន គ្រុនក្តៅ ឈឺក្បាល អស់កម្លាំង ស្រកទម្ងន់ រាគ ឈឺពោះ និងបាត់បង់ចំណង់អាហារ -ល-។

ផ្អែកតាមប្រភព healthline បានលើកឡើងថា ចំពោះរបបអាហារអ្នកជំងឺគ្រុនពោះវៀន គឺផ្តោតលើការបន្ថយញុំាប្រភេទអាហារពិបាកក្នុងការរំលាយ ញុំាទឹកឱ្យបានច្រើន និងប្រភេទអាហារដែលជួយជំរុញថាមពលដល់សរីរាង្គកាយបានគ្រប់គ្រាន់។

ខាងក្រោមនេះ គឺជាក្រុមអាហារដែលអ្នកជំងឺគ្រុនពោះវៀនអាចទទួលទានបាន ដោយផ្តោតសំខាន់ទៅលើ ប្រភេទអាហារមានជាតិសរសៃទាប បន្លែឆ្អិន ផ្លែឈើទុំ និងគ្រាប់ធញ្ញជាតិ។

- បន្លែឆ្អិន៖ ដំឡូង, ការ៉ុត, សណ្តែកបៃតង, មើមយ៉េន, មឹក

- ផ្លែឈើ៖ ចេកទុំ, ផ្លែឪឡឹក, ផ្លែប៉ោម...

- អាហារងាយរំលាយៗ៖ បបរ, ស៊ុប...

- ប្រូតេអ៊ីន៖ ស៊ុត, មាន់, ត្រី, តៅហ៊ូ...

- ផលិតផលទឹកដោះគោ៖ ទឹកដោះគោដែលគ្មានជាតិខ្លាញ់...

- ភេសជ្ជៈ៖ ទឹក តែរុក្ខជាតិ ទឹកដូង ទឹកទំពាំងបាយជូរ...។

ចំពោះអាហារគួរជៀសវាង អ្នកជំងឺមិនគួរទទួលអាហារដែលមានជាតិសរសៃខ្ពស់ ឬក្រុមអាហារដែលពិបាកក្នុងការរំលាយអាហារឡើយ រួមបញ្ចូលទាំងផ្លែឈើមួយចំនួន បន្លែឆៅ គ្រាប់ធញ្ញជាតិ។

- បន្លែឆៅ៖ ផ្កាខាត់ណាខៀវ, ខាត់ណា, ស្ពៃក្តោប, ខ្ទឹមបារាំង

- ផ្លែឈើ៖ ផ្លែឈើស្ងួត ផ្លែប៊ឺរីឆៅ ម្នាស់ និងគីវី

- អាហារពិបាករំលាយ៖ សូម្បីតែបាយអង្ករធម្មតា ឬសម្បូបអង្ករសំរូប...

- គ្រាប់ធញ្ញជាតិ៖ អាល់ម៉ុ, វ៉ាល់ណាត់, គ្រាប់ល្ពៅ, សណ្តែក..

- អាហារហឹរ៖ ម្ទេស, ម្រេច...

- អាហារមានជាតិខ្លាញ់៖ នំដូណាត់, មាន់បំពង, ដំឡូងបារាំង...។

ជាមួយគ្នានេះដែរ សម្រាប់ក្រុមបុគ្គលដែលបានជាសះស្បើយពីជំងឺគ្រុនពោះវៀនហើយក៏មិនគួរធ្វេសប្រហែសដែរ សូមព្យាបាលថែរក្សាសុខភាពមានលំហាត់ប្រាណប្រចាំថ្ងៃ ចៀសវាងញុំាអាហារផ្អែម ហឹរ ប្រៃ និងផ្អាប់ពេក សូម្បីតែស្រា បារី ក៏គួរតែកាត់ផ្តាច់ ដើម្បីថែសុខភាពឱ្យកាន់ល្អប្រសើរជានិច្ច៕

អត្ថបទដោយ៖ ប៉ាវ ភក្តី