មេជីវិតឈ្មោលរបស់បុរសមានរាប់លានក្បាលហើយនៅក្នុងចំណោមនោះ មានតែមេជីវិតមួយតែប៉ុណ្ណោះអាចបង្កកំណើតមានជីវិតលើផែនដីនេះបាន។ មានបុរសខ្លះមានមេជីវិតមែន តែមេជីវិតមិនគ្រប់លក្ខណៈ ឬខ្សោយកម្លាំងមិនអាចបង្កកំណើតបាននោះទេ។ ដូច្នេះ! បុរសៗ ត្រូវមានសុខភាពល្អដើម្បីមានមេជីវិតឈ្មោលល្អ ហើយបុរសត្រូវការអាហារមានជាតិវិតាមីនទាំង ៣នេះ៖
១. វីតាមីន C ជាសារធាតុប្រឆាំងអុកស៊ីតកម្មដែលដើរតួយ៉ាងសំខាន់ក្នុងការមានកូនរបស់បុរសឱ្យមានសុខភាពល្អ។ ការបន្ថែមវីតាមីនC ត្រូវបានបង្ហាញឱ្យប្រសើរឡើងថាមពលមេជីវិត ហើយជួយការពារ DNA មេជីវិតឈ្មោលពីការបំផ្លាញភាពតានតឹងអុកស៊ីតកម្មផងដែរ។ អាហារមានវីតាមីនC នៅក្នុងផ្លែឈើ និងបន្លែដូចជាម្ទេសផ្អែម គីវី ផ្លែស្ត្របឺរី ប៉េងប៉ោះ ប្រូខូលី ស្ពៃក្តោប ដំឡូង ផ្លែប៉ោម ផ្លែប័រ និងផលិតផលទឹកដោះគោ...។
២. ការបន្ថែមវីតាមីនD ធ្វើឱ្យប្រសើរឡើងនូវចលនារបស់មេជីវិតឈ្មោល និងបង្កើនកម្រិតអ័រម៉ូនតេស្តូស្តេរ៉ូនបុរសបានល្អ។ អាហារសម្បូរវីតាមីន D រួមមានដូចជា ត្រីខ្លាញ់ ត្រីសាម៉ុង ត្រីធូណា ថ្លើមសាច់គោ ឈីស ស៊ុត ទឹកដោះគោជូរ និងផ្សិត...។
៣. វីតាមីនE ជួយកែលម្អគុណភាពមេជីវិតឈ្មោល មានសារធាតុប្រឆាំងអុកស៊ីតកម្មការពារមេជីវិតឈ្មោលពីការខូចខាត។ អាហារសម្បូរវីតាមីនE ជួយបង្កើនគុណភាពមេជីវិតឈ្មោលដូចជា ប្រេងពោត ប្រេងផ្កាឈូករ័ត្ន និងប្រេងសណ្តែកសៀង។ មានបន្លែនិងផ្លែឈើដូចជា ប្រូខូលី ផ្កាខាត់ណាខៀវ ស្ពៃខ្មៅ ល្ពៅ ផ្លែល្ហុង គ្រាប់អាល់ម៉ុន... ពួកអាហារទាំងអស់នេះសុទ្ធតែប៉ូវមេជីវិតបានល្អបំផុត៕ អត្ថបទដោយ៖ ទ្រ សុភាព