តាមសាព័ត៌មានអន្តរជាតិ BBC បានចុះផ្សាយថា “គ្រូពេទ្យសរសៃប្រសាទឈានមុខគេបានលើកឡើងថា ការវះកាត់ខួរក្បាលដោយប្រើបញ្ញាសិប្បនិម្មិតនេះ អាចធ្វើឡើងក្នុងរយៈពេលពីរឆ្នាំទៅមុខទៀត ដើម្បីមានមានសុវត្ថិភាព និងមានប្រសិទ្ធភាពបំផុត”។ តាមការជ្រាវស្រាវ និងការពិសោធន៍អស់ជាច្រើនឆ្នាំងកន្លងមកនេះចេញមកលទ្ធផលធំធេងណាស់។ តាមសាកលវិទ្យាល័យ University College London បានបញ្ជាក់ថា ការវះកាត់ដោយប្រើ AI នេះទៅលើដុំសាច់តូចៗ និងរចនាសម្ព័ន្ធសំខាន់ៗ ដូចជាសរសៃឈាមនៅកណ្តាលខួរក្បាល វាមានការលំបាកណាស់។

តាមលោកគ្រូពេទ្យវះកាត់សរសៃប្រសាទ Hani Marcus បាននិយាយថា "បើអ្នកមានសមត្ថភាពស្ទើក្នុងវិធីសាស្រ្តវះកាត់នោះ អ្នកនឹងមានហានិភ័យ ហើយជារឿងប្រថុយ ក្នុងការពិបាកយកដុំសាច់ចេញមកឱ្យបានល្អ”។ គាត់និយាយបន្តថា “ទោះបីខ្ញុំមានបទពិសោធន៍ច្រើនឆ្នាំក៏ដោយ ការជំនួយពី AI អាចធ្វើការងារបានប្រសើរជាងមុន និងល្អជាងមុន។ នៅក្នុងរយៈពេលពីរបីឆ្នាំទៀត យើងនឹងឃើញប្រព័ន្ធ AI ប្រតិបត្តិការច្រើនជាងមនុស្សមិនធ្លាប់ធ្វើ ឬមិនធ្លាប់បានឃើញពីមុន"។ គម្រោងការណ៍មួយនេះ គេចាប់ផ្តើមជាក់ស្តែងបានខ្លះៗ(តិចតួច) គេនៅបន្តច្នៃប្រតិដ្ឋឧបករណ៍វះកាត់ប្រព័ន្ធ AIនេះកាន់តែទំនើប និងមានសុវត្ថភាពបំផុតចំពោះមនុស្ស។ សូម្បីតែវេជ្ជបណ្ឌិត Nicola Newell ជាអ្នកចូលរួមច្នៃប្រតិដ្ឋឧបករណ៍AI គាត់យល់ឃើញថា “ខ្ញុំពិតជាមានអារម្មណ៍រំភើបណាស់ ហើយវាមានប្រយោជន៍ពិតមែន”៕

អត្ថបទដោយ៖ ទ្រ សុភាព