ទឹកដូង(coconut warter) គឺជាទឹកផ្លែឈើធម្មជាតិមួយដែលមានរសជាតិឆ្ងាញ់និងមានប្រយោជន៍ជាច្រើនមហាសាលជំនួយដល់សុខភាព។ ទឹកដូងបានក្លាយជាភេសជ្ជៈពេញនិយម មួយល្អសម្រាប់សុខភាពខ្លាំងបំផុតនាពេលបច្ចុប្បន្ននេះ។
ផ្សារភ្ជាប់ជាមួយខ្លឹមសារខាងលើនេះក្រុមការងារចាបបៃតង សូមលើកយកអត្ថប្រយោជន៍របស់ទឹកផ្លែដូងខ្ចីជំនួយដល់សុខភាពមិនអាចកាត់ថ្លៃបាន។ នេះបើយោងតាមរយៈគេហទំព័រ pharmeasy បានរៀបរាប់ថា ទឹកដូងត្រូវបានគេប្រើប្រាស់រាប់រយឆ្នាំណាស់មកហើយ នៅទូទាំងពិភពលោក ក៏ព្រោះអត្ថប្រយោជន៍ច្រើនពេកក្រៃ ដោយក្នុងទឹកដូងខ្ចី៩៥ភាគរយទៅហើុយគឺជាទឹក ហើយមានផ្ទុកនូវ ជាតិរ៉ែ វីតាមីន ប៉ូតាស្យូម សូដ្យូម ម៉ាញេស្យូម អាស៊ីតអាមីនូ ជាពិសេសទឹកមានមានកម្រិតជាតិស្ករទាបបំផុតទាបជាងផ្លែឈើដទៃ។
ខាងក្រោមនេះគឺជាអត្ថប្រយោជន៍របស់ទឹកដូងខ្ចីជំនួយសុខភាព កាន់តែផឹកកាន់តែប៉ូវរាងកាយ
-ជួយគ្រប់គ្រងជំងឺទឹកនោមផ្អែម៖ ជាការពិតណាស់ជំងឺទឹកនោមផ្អែមសព្វថ្ងៃកំពុងកើនឡើងខ្លាំងដោយសារតែមនុស្សភាគច្រើនញ៉ាំរបបអាហារខុស។ ក្នុងនោះដែរ អង្គការសុខភាពពិភពលោក (WHO) បាននិយាយថា អត្រាជំងឺទឹកនោមផ្អែមជាសាកលក្នុងចំណោមមនុស្សពេញវ័យដែលមានអាយុលើសពី១៨ ឆ្នាំបានកើនឡើងពី ៤.៧% ដល់ ៨.៥% ក្នុងឆ្នាំ ២០១៤។ វាមិនបញ្ចប់ត្រឹមនេះទេ ព្រោះ WHO ក៏បាននិយាយផងដែរថាជំងឺទឹកនោមផ្អែម អាចជាមូលហេតុទី៧នៃការធ្វើឱ្យមនុស្សស្លាប់ច្រើននៅឆ្នាំ ២០៣០។ ដូច្នេះហើយ យោងតាមរយៈការសិក្សាស្រាវជ្រាវបាន បង្ហាញថា ទឹកដូងអាចជួយគ្រប់គ្រងកម្រិតជាតិស្ករក្នុងឈាម និងធ្វើឱ្យរោគសញ្ញាជំងឺទឹកនោមផ្អែមប្រសើរឡើង ព្រោះទឹកដូងគឺជាប្រភពដ៏នៃម៉ង់ហ្គាណែស ដែលអាចបង្កើនភាពប្រែប្រួលអាំងស៊ុយលីន និងកាត់បន្ថយកម្រិតជាតិស្ករក្នុងឈាមរបស់អ្នក។
-ជួយកាត់បន្ថយសម្ពាធឈាមខ្ពស់៖ ទឹកដូងអាចជួយគ្រប់គ្រងសម្ពាធឈាម។ ការស្រាវជ្រាវបានបង្ហាញថា របបអាហារសម្បូរប៉ូតាស្យូម អាចជួយទ្រទ្រង់សុខភាពបេះដូង តាមរយៈការគ្រប់គ្រងសម្ពាធឈាម និងថែមទាំងការពារប្រឆាំងនឹងជំងឺដាច់សរសៃឈាមខួរក្បាលទៀតផង។ នេះបើយោងតាមរយៈដែរ អង្គការសុខភាពពិភពលោក (WHO) បាននិយាយថា ជំងឺលើសឈាមគឺជាមូលហេតុចម្បងនៃការស្លាប់មុនអាយុនៅទូទាំងពិភពលោក។ នុស្សពេញវ័យប្រមាណ ១.២៨ពាន់លាននាក់ដែលមានអាយុពី ៣០-៧៩ ឆ្នាំនៅទូទាំងពិភពលោកមានជម្ងឺលើសឈាម ដែលភាគច្រើន (ពីរភាគបី)។ការប៉ាន់ប្រមាណ ៤៦% នៃមនុស្សពេញវ័យដែលមានជំងឺលើសឈាម មិនដឹងថាពួកគេមានជំងឺនេះទេ។
-ជួយកាត់បន្ថយភាពអស់កម្លាំងនិងស្រ្តេស៖ ប្រសិនណាអ្នកកំពុងមានអាការដូចជា អស់កម្លាំង ស្ត្រេស មានអារម្មណ៍ថាងងុយគេង និងមិនចង់ញ៉ាំ ឬធ្វើអ្វីទាល់តែសោះ ការទទួលទានទឹកដូងមួយពែងអាចជួយឱ្យអ្នក មានអារម្មណ៍ធូរស្រាល ហើយវាធ្វើឱ្យចិត្តស្ងប់ កាត់ស្ត្រេស។
បន្ថែមពីលើនេះទៀត បរិមាណដែលសមស្របសម្រាប់មនុស្សពេញវ័យ និងមនុស្សចាស់ គួរផឹកគឺចន្លោះពី ២៥០ទៅ៥០០មីលីលីត្រក្នុងមួយថ្ងៃ គ្រប់គ្រាន់ហើយ។
សរុបមកវិញខាងលើនេះគឺជាអត្ថប្រយោជន៍របស់ទឹកដូង តែមិនមែនក្នុងន័យឱ្យអ្នកផឹកទឹកដូងដើម្បីអាចព្យាបាលជំងឺខាងលើនេះបាននោះទេ។ ចំណែកផលប៉ះពាល់ក៏មានដូចគ្នាផងដែរក្នុងនោះ ទឹកដូងអាចធ្វើឱ្យអ្នកមានជំងឺខ្សោយតម្រងនោមមានបញ្ហ ព្រោះទឹកដូងមានជាតិសូដ្យូម។ ចំពោះស្រ្តីមានផ្ទៃពោះ បំបៅដោះកូន អ្នកកំពុងត្រៀមខ្លួនវះកាត់ផ្សេងៗមុនញុំាត្រូវពិគ្រោះជាមួយអ្នកជំនាញជាមុនសិន៕
អត្ថបទដោយ៖ ប៉ែត ធីតា