ជំងឺមហារីកស្បែកជាជំងឺកាចសាហាវមួយក្នុងចំណោមជំងឺមហារីកផ្សេងៗទៀត។ ហើយជំងឺមហារីកស្បែកនេះ ងាយកើតចំពោះអ្នកមានស្បែកសៗច្រើន បើធៀបនឹងអ្នកមានស្បែកខ្មៅដែលមានសារធាតុការពាយម្យ៉ាងអាចការពារស្បែក និងទប់ស្កាត់​ជំងឺនេះបានយ៉ាងល្អ។

វេជ្ជបណ្ឌិតគួច ម៉េងលី បានមានប្រសាសន៍ថា ជនជាតិស្បែកសភាគច្រើនចូលចិត្តដេកហាលថ្ងៃនៅ​ឆ្នេរសមុទ្រហើយងាយកើតជំងឺមហារីក ព្រោះស្បែកសអត់មានប្រព័ន្ធម៉ាឡេនិនដូចអ្នកស្បែកខ្មៅៗនោះទេ។ អ្នកស្បែកសៗ ពេលត្រូវកម្តៅថ្ងៃច្រើន​ងាយនឹងកើតជំងឺមហារីកស្បែក។

លោកវេជ្ជបណ្ឌិតបានបន្តថា «ដូចខ្ញុំអីបើហាលថ្ងៃ ឬត្រូវកម្តៅថ្ងៃច្រើនអាចនឹងកើតជំងឺនេះ តែបើក្មួយៗស្បែកខ្មៅត្រូវ១០០ដងទៀត ក៏មិនងាយកើតដូចខ្ញុំដែរ។ ដូច្នេះអ្នកស្បែកខ្មៅៗល្អម្យ៉ាងដែល វាមិនងាយកើតជំងឺមហារីកស្បែក ទោះត្រូវពន្លឺថ្ងៃច្រើនក្តី តែបើអ្នកសៗអាចប្រឈមខ្លាំង»។

ជាសរុបពលរដ្ឋខ្មែរយើងដែលមានស្បែកសៗ គួរចេះការពារខ្លួនពីកម្តៅថ្ងៃឱ្យបានល្អចៀសវាងកើតជំងឺមហារីកស្បែកធ្ងន់ធ្ងរនាំឱ្យគ្រោះថ្នាកដល់ជីវិត៕

អត្ថបទដោយ៖ ម៉ន វុទ្ធា