ពិធីនៃការការចុះ MoU នេះ មានគោលបំណងរួមគ្នាស្ថាបនាខ្សែសង្វាក់ផលិតកម្មស្វាយចន្ទីសរីរាង្គ ដែលមានស្តង់ដារ គុណភាព និងនិរន្តរភាព ដើម្បីលើកកម្ពស់ជីវភាពកសិករ និងការអភិវឌ្ឍវិស័យកសិកម្មសរីរាង្គនៅកម្ពុជា។

ក្នុងកិច្ចសហការនេះ មានសហគមន៍កសិកម្មចន្ទីចំនួន ៥ សហគមន៍ ចូលរួម，មាន ៤ សហគមន៍មកពីស្រុករវៀង និង ១ សហគមន៍មកពីស្រុកជាំក្សាន្ត ខេត្តព្រះវិហារ។ សហគមន៍ទាំងនេះអាចផលិតស្វាយចន្ទីសរីរាង្គបានប្រមាណ ជាង ២០០ តោន ដែលមានតម្លៃតាមទីផ្សារជាក់ស្តែង។

ក្រោម MoU នេះ ក្រុមហ៊ុន Ample Agro Product និង S’trei Corporation Co., Ltd នឹងផ្តល់ការគាំទ្រ​ដូចជា៖

 1. ជំនួយបច្ចេកទេស និងហិរញ្ញវត្ថុ ដើម្បីជួយសហគមន៍ទទួលបានវិញ្ញាបនបត្រស្វាយចន្ទីសរីរាង្គ

 2. ទទួលបញ្ជាទិញស្វាយចន្ទីពីសហគមន៍ ដើម្បីយកទៅកែច្នៃ និងផ្គត់ផ្គង់ទៅទីផ្សារអន្តរជាតិ ជាពិសេសទីផ្សារអឺរ៉ុប (អាល្លឺម៉ង់) និងសហរដ្ឋអាមេរិក

ជាមួយគ្នានេះ ក្រុមហ៊ុន Ample Agro Product បានបញ្ជាក់ថា គោលដៅរបស់ខ្លួនមិនត្រឹមតែកែច្នៃស្វាយចន្ទីធម្មតា និងសរីរាង្គប៉ុណ្ណោះទេ ប៉ុន្តែបន្តអភិវឌ្ឍខ្សែសង្វាក់ផលិតកម្មឲ្យស្របតាមគោលការណ៍៖

 • Fair Trade — ផ្តល់តម្លៃយុត្តិធម៌ និងចែករំលែកតម្លៃបន្ថែមទៅកាន់កសិករ

 • Forest Alliance / Rainforest Alliance-aligned — អភិរក្សធនធានធម្មជាតិ កាត់បន្ថយការបំផ្លាញព្រៃឈើ និងលើកកម្ពស់កសិកម្មដែលគោរពបរិស្ថាន

សូមបញ្ជាក់ផងដែរថា “ពេលកសិកររឹងមាំ គុណភាពក៏រឹងមាំ។ ពេលដី និងព្រៃឈើត្រូវបានថែរក្សា អនាគតកូនចៅយើងក៏រឹងមាំដែរ” នេះជាទស្សនៈដែលជំរុញឲ្យ Ample Agro Product និង S’trei Corporation Co., Ltd ជ្រើសរើស “ដំណើររួមគ្នា” ជាមួយសហគមន៍ ដើម្បីអភិវឌ្ឍវិស័យស្វាយចន្ទីសរីរាង្គកម្ពុជា ឱ្យមានភាពរឹងមាំ និងចីរភាពយូរអង្វែង៕