ទម្លាប់ទី២ ផឹកទឹកឱ្យបានគ្រប់គ្រាន់ និងញ៉ាំអាហារពេលព្រឹកដើម្បីសម្រកគីឡូ។ រាងកាយរបស់អ្នកទំនងជាខ្សោះជាតិទឹកបន្ទាប់ពីគេងអស់មួយយប់។ ផឹកទឹកភ្លាមៗ ពេលអ្នកក្រោកពីដំណេកជួយផ្តល់ជាតិទឹក និងជួយតម្រងនោមរបស់អ្នកកម្ចាត់ជាតិពុល។ បន្ទាប់ពីអ្នកភ្ញាក់ពីគេងពីរទៅបីម៉ោង អ្នកគួរហូបអាហារសម្បូរជាតិប្រូតេអ៊ីនដែលមានសុខភាពល្អដូចជា ទឹកដោះគោជូរ កាហ្វេ សាច់មាន់ ត្រី ស៊ុត ផ្លែឈើ នំប៉័ងស្រូវសាលី...ជួយអ្នកស្រកគីឡូ។

សម្រាប់ទម្លាប់ទីបីវិញគឺហាត់ប្រាណបញ្ចុះខ្លាញ់ បង្កើនអារម្មណ៍រីករាយ។ ការហាត់ប្រាណពេលព្រឹកមានប្រយោជន៍សម្រាប់សុខភាពផ្លូវកាយ(ដុតខ្លាញ់) និងផ្លូវចិត្ត(អារម្មណ៍រីករាយ បាត់ភាពស្មុគស្មាញ)។ ព្រោះវាជួយរំញោចរាងកាយឱ្យបញ្ចេញអរម៉ូនរីករាយ និងបន្ធូរអារម្មណ៍ឱ្យអ្នកមានសមត្ថភាពអាចផ្តោតគំនិតលើកិច្ចការប្រចាំថ្ងៃបានលទ្ធផលល្អបំផុត។ អ្នកអាចធ្វើលំហាត់ប្រាណដូចជា ដើរ រត់តិច ហាត់យូហ្គា លើកដុំដែក និងរាំជាដើម។

អនុវត្តការគិតក្នុងភាពស្ងប់ស្ងាត់បង្កើនថាមពលក្នុងចិត្តលុបបំបាត់ភាពស្មុគស្មាញចេញពីចិត្តមានប្រសិទ្ធភាពបំផុត។ ​​ការ​ផ្ដោតចិត្តគំនិតក្នុង​ពេល​បច្ចុប្បន្ននាំឱ្យអារម្មណ៍របស់អ្នកមូលហើយស្ងប់ពេញមួយថ្ងៃ។ ដើម្បីអនុវត្តសតិអារម្មណ៍នេះ អ្នកគួរតែជ្រើសរើសកន្លែងស្ងប់ស្ងាត់ ដូចជាបន្ទប់គេង ឬបន្ទប់ទឹករបស់អ្នកដោយដក​ដង្ហើមមួយៗ ​ដោយមាន​សតិ​អារម្មណ៍ដើម្បី​ធ្វើ​ឲ្យ​ចិត្ត​របស់​អ្នក​ស្ងប់ និង​កាត់​បន្ថយអារម្មណ៍​ភាព​តាន​តឹង។

ទម្លាប់ចុងក្រោយគឺអាន។ ការអានសៀវភៅពេលព្រឹក ពិតជាមានប្រយោជន៍ដល់ខួរក្បាលខ្លាំង ពីព្រោះខួរក្បាលត្រូវការចំណោះដឹង និងធ្វើឱ្យការគិតបានល្អ។ ពេលអ្នកក្រោពីគេង​ កុំលេងទូរស៍ព្ទ វាធ្វើឱ្យប៉ះពាល់ដល់ខួរក្បាល និងមានជំងឺស្រ្តេសផង(អក់ម៉ូនផលិតមិនទន់)។ អ្នកគួរចំណាយពេលអានសៀវភៅ ត្រឹមតែ១៥ ទៅ៣០ នាទីបានហើយ៕ អត្ថបទដោយ៖ ទ្រ សុភាព