អំឡុងពេលមករដូវមនុស្សស្រីគ្រប់រូបច្រើនតែ ជួបជាមួយនឹងបញ្ហាអារម្មន៍មួម៉ៅ ឈឺចុកចាប់ ខ្សោយកម្លាំង និងទទួលអារម្មណ៍ថាស្អុះស្អាប់ នៅមិនសុខទាល់តែសោះ។ ដូច្នេះដើម្បីជួយបន្ធូរបន្ថយអាការទាំងអស់នេះ បងប្អូននារីគ្រប់រូបគួរតែយកចិត្តដាក់ទៅលើការញុំារបបអាហារសុខភាព និងត្រូវឆ្លៀតញុំាភេសជ្ជៈក្តៅៗជំនួយបន្ថែមផង។
ខាងក្រោមនេះ ជាភេសជ្ជៈក្តៅៗចំនួន៣មុខដែលល្អបំផុតសម្រាប់ស្រីៗនាពេលមករដូវ៖
១. តែខ្ញី៖ តែខ្ញីក្តៅៗ មានផ្ទុកទៅដោយសារធាតុប្រឆាំងអុកស៊ីតកម្មខ្ពស់ ដែលមានប្រយោជន៍ក្នុងការជួយកាត់បន្ថយបញ្ហារលាកផ្សេងនៅក្នុងកោសិកា។ ទន្ទឹមនឹងនេះសារជាតិម្យ៉ាងដែលត្រូវបានរកឃើញមាននៅក្នុងខ្ញីមានប្រសិទ្ធភាពដូចនឹង ibuprofen ដែលអាចជួយកាត់បន្ថយបញ្ហាឈឺចាប់នាអំឡុងពេលមករដូវ និងទប់ស្កាត់បញ្ហាក្អួតចង្អោរបានផងដែរ។ បន្ថែមជាមួយគ្នានេះ តែខ្ញីក្តៅៗ ឬធ្វើទឹកខ្ញីក្តៅៗ ដោយគ្រាន់តែយកខ្ញីត្រាំក្នុងទឹកក្តៅ ហើយផឹកក្តៅឧណ្ហៗ ក៏អាចជួយ១ផ្នែកទៅដល់លំហូរឈាមរត់ ធ្វើឱ្យឈាមរដូវមកបានស្រួលផងដែរ។
២. តែផ្កាហ្គិចហួយ (Chamomile tea)៖ តែផ្កាហ្គិចហួយ ជាប្រភេទតែដែលពេញនិយមខ្លាំងមែនទែនសម្រាប់មនុស្សស្រីពេញនៅក្នុងប្រទេសចិនញុំាជាប្រចាំ ដើម្បីជំនួយដល់ដំណើរមករដូវជាប្រចាំខែ និងធ្វើឱ្យស្បែកភ្លឺថ្លាផងដែរ។ ជាងនេះទៀតសោត តែផ្កាហ្គិចហួយនេះ ក៏ត្រូវបានគេជ្រើសញុំាធ្វើជាភេសជ្ជៈជំនួយអំឡុងពេលមករដូវដូចគ្នា។ នេះគឺដោយសារតែសារជាតិចិញ្ចឹម និងសារជាតិប្រឆាំងអុកស៊ីតកម្មមាននៅក្នុងតែផ្កាហ្គិចហួយ អាចជួយសម្រួលដល់លំហូរឈាមរដូវឱ្យដើរបានល្អ ទប់ស្កាត់អាការឈឺចុកចាប់ពេលមករដូវ និងជួយកែប្រែសកម្មភាពនៃសារធាតុ dopamine និង serotonin ក្នុងរាងកាយស្ត្រីនាអំឡុងពេលមករដូវ ដែលជះឥទ្ធិពលល្អដល់សុខភាពផ្លូវចិត្ត បង្ការកុំឱ្យកើតអារម្មណ៍តានតឹងក្នុងអំឡុងពេកមករដូវ។
ហេតុនេះហើយសម្រាប់តែ ២ប្រភេទខាងលើនេះ ស្ត្រីគ្រប់រូបអាចជ្រើសញុំាបានទៅតាមចំណូលចិត្ត ញុំា១កែវពេល និង១កែវទៀតពេលល្ងាច អំឡុងពេលមករដូវរឹតតែជួយសម្រួលដល់រាងកាយ៕