ក្រពះពោះវៀនគឺជាសរីរាង្គសំខាន់មួយ នៅក្នុងរាងកាយ ក៏ប៉ុន្ដែមានបងប្អូនជាច្រើន មិនសូវយកចិត្តទុកដាក់ថែទាំប៉ុន្មាននោះទេ។ តែសរីរាង្គនេះគឺជាសរីរាង្គមួយដែលទទួលយកអាហារមករំលាយមុនគេ មុនបញ្ជូនសារធាតុចិញ្ចឹមដើម្បីចិញ្ចឹមរាងកាយឱ្យរឹងមាំ លូតលាស់។
ជាមួយគ្នានេះដែរ ដោយសារកត្តារស់នៅជាច្រើន ងាយនឹងធ្វើឱ្យបងប្អូនមានបញ្ហាក្រពះពោះវៀនឡើងមក តែមិនដឹងពីរោគសញ្ញាថាខ្លួនមានបញ្ហាក្រពះពោះវៀនឡើយ។ នេះបើយោងតាមរយៈការចែករំលែករបស់មន្ទីរពេទ្យកាល់ម៉ែត បានប្រាប់
រោគសញ្ញានៃជំងឺខ្សោយពោះវៀន រួមមាន៖
- ការឈឺពោះរ៉ាំរ៉ៃ
- ចុកឆ្អល់ ក្នុងពោះ
- តឹងណែនក្នុងពោះ
- ញ៉ាំឆាប់ឆ្អែត
បញ្ជាក់៖ដោយជំងឺខ្សោយពោះវៀនជាជំងឺមួយដែលគេតែងជួបប្រទះញឹកញាប់ តែរោគសញ្ញានៃជំងឺនេះមានការភាន់ច្រឡំទៅនឹងជំងឺមួយចំនួនដែលអាចមានលក្ខណៈធ្ងន់ធ្ងរ អ្នកជំងឺដែលមានរោគសញ្ញានៃជំងឺខ្សោយពោះវៀន គួរតែជួបពិគ្រោះជាមួយវេជ្ជបណ្ឌិតឯកទេស ផ្នែកថ្លើម-ក្រពះ-ពោះវៀន ដើម្បីធ្វើរោគវិនិច្ឆ័យអោយបានច្បាស់លាស់និងទទួលនូវសេវាព្យាបាលអោយបានត្រឹមត្រូវ។
ដូច្នេះហើយបើសិនបងប្អូនមានរោគសញ្ញាដូចបានរៀបរាប់ខាងលើ ត្រូវប្រយ័ត្នជួបពេទ្យជំនាញដើម្បីពិភាក្សាធ្វើរោគវិនិឆ្ឆ័យឱ្យបានត្រឹមត្រូវ ដើម្បីចៀសវាងបញ្ហាកាន់តែធ្ងន់ធ្ងរឡើងមក៕