កាលពីថ្ងៃទី៧ ខែសីហា ឆ្នាំ២០២២កន្លងទៅនេះ មន្ទីរសម្រាកព្យាបាល អេស ភី បានធ្វើការសម្ពោធសាខាទី២ របស់ខ្លួនឱ្យបើកដំណើរការជាផ្លូវការ ដើម្បីកាន់តែផ្ដល់ភាពងាយស្រួលដល់អតិថិជន ក្រោយពីទទួលបានការគាំទ្រ និងទទួលបានជោគជ័យទៅលើសាខាទី១របស់ខ្លួន។

សូមជម្រាបថា គ្លីនិក អេស ភី ជាគ្លីនិកឯកទេសផ្នែកសុខភាពបន្តពូជបុរសស្ត្រី និងការជួយឱ្យអ្នកពិបាកក្នុងការមានបុត្រ អាចមានឱកាសក្នុងការមានបុត្រធីតាបានដោយប្រើក្បួនធម្មជាតិ។ លោកស្រី សាត ស្រីពៅ ដែលជាអគ្គនាយិកាមន្ទីរសម្រាកព្យាបាល អេស ភី បានឱ្យដឹងថា អេស ភី គឺបានបង្កើតឡើងជាង២ឆ្នាំមកហើយ ដែលទីតាំងទី១ គឺនៅខាងខណ្ឌជ្រោយចង្វា​ ដោយសង្កេតឃើញថា ការបើកដំណើរការគ្លីនិកទី១របស់ខ្លួនកន្លងមកទទួលបានការគាំទ្រ ពីសំណាកអតិថិជន មានទំនុកចិត្ត​និង អាចមានលទ្ធភាពក្នុងការមានកូនជាច្រើនគ្រួសារ លោកស្រីបានសម្រេចចិត្តបើកសាខាទី២​ដែលមានទីតាំងនៅ ផ្លូវវែងស្រេង ទល់មុខនឹងផ្សារទំនើបK Mall។ ចំពោះការបើកសម្ពោធសាខាទី២នេះ គឺដើម្បីផ្ដល់ភាពងាយស្រួលដល់គូស្វាមីដែលមានគម្រោងក្នុងការយកបុត្រ និងជាពិសេសសម្រាប់អ្នកដែលពិបាកក្នុងការមានកូន អាចងាយស្រួលក្នុងការទៅទទួលការប្រឹក្សាពីបញ្ហាសុខភាពដោយផ្ទាល់ ជាមួយក្រុមគ្រូពេទ្យជំនាញ និងអាចពិនិត្យសុខភាពនៅមន្ទីរពេទ្យបាន។

នៅក្នុងកម្មវិធីសម្ពោធគ្លីនិកថ្មីនេះដែរ លោកស្រី សាត ស្រីពៅ ដែលជាអគ្គនាយិកា អេសភី បានថ្លែងឱ្យដឹងថា ការបង្កើត គ្លីនិក អេស ភីនេះឡើង គឺមានចក្ខុវិស័យធំៗចំនួន៣យ៉ាង៖

ទឺ១​គឺ ដោយសារតែលោកស្រីធ្លាប់ជាមនុស្សស្រីម្នាក់ដែលពិបាកក្នុងការមានកូន ក្នុងរយៈពេល៥ឆ្នាំបន្ទាប់ពីរៀបការរួច គឺគាត់មិនអាចមានកូន ពេលនោះហើយដែលគាត់បានយល់ពីអារម្មណ៍មនុស្សដែលពិបាកមានកូន គ្រួសារដែលចង់មានកូន ថាកូនគឺពិតជាសំខាន់សម្រាប់ជីវិតជាប្ដីប្រពន្ធ កូនគឺជាផ្នែកមួយនៃសុភមង្គលក្នុងគ្រួសារ។

ទី២គឺ ដោយសារលោកស្រីមានក្រុមការងារដែលល្អ ក្រុមការងារដែលយកបេះដូងមកបម្រើសេវាកម្មក្នុងការធ្វើការ ក្រុមការងារដែលចង់ឃើញគូស្វាមីដែលពិបាកក្នុងការមានកូនអាចមានកូនដូចគេ ទើបលេចចេញគ្លីនិកនេះឡើង។

ទី៣ គឺ លោកស្រីបានមើលឃើញថា កត្តាបញ្ហាអត់កូន បានធ្វើឱ្យគ្រួសារមួយចំនួនខ្វះខាតក្ដីសុខសុភមង្គល និងជាពិសេសឃើញថាស្ត្រីនិងបុរសភាគច្រើនជួបបញ្ហាពិបាកក្នុងការមានកូន ទើបលោកស្រីនិងក្រុមការងារបានបង្កើតគ្លីនិកនេះឡើង ដើម្បីជួយឱ្យពួកគាត់មានកូនដូចគេ។ លោកស្រីបន្ថែមថា អាជីវកម្មមួយនេះ គឺជាអាជីវកម្មដែលយកទាំងបេះដូងកម្លាំងកាយចិត្តមកធ្វើ ធ្វើទាំងស្នាមញញឹម ក្ដីស្រឡាញ់ ដោយមិនមែនពឹងផ្អែកលើតែប្រាក់ចំណូលតែម្យ៉ាងឡើយ។

លោកស្រីសាត ស្រីពៅ បានបញ្ជាក់ថា​រយៈពេល២ឆ្នាំកន្លងមកនេះ គឺគ្លីនិក អេសភី បានជួយឱ្យគូស្វាមីជាច្រើនគូអាចមានលទ្ធភាពក្នុងការមានកូនដោយក្បួនធម្មជាតិ។ នេះហើយជាបេសកម្មដ៏ស្វិតស្វាញដែលលោកស្រីបានធ្វើកន្លងមកដោយទទួលបានជោគជ័យ និងបន្តបេសកម្មនេះឱ្យកាន់តែមានសក្ដានុពលបន្ថែមទៀត។

គួរបញ្ជាក់ថា គ្លីនិក អេស ភី គឺមានទទួលការពិគ្រោះយោបល់ពាក់ព័័ន្ធនឹងបញ្ហាពិបាកក្នុងការមានកូន ពិនិត្យមាត់ស្បូន ពិនិត្យរកមូលហេតុនៃការពិបាកមានកូន នឹងជួយឱ្យលោកអ្នកអាចមានលទ្ធភាពក្នុងការមានកូន។ បន្ថែមពីនេះ អេស ភី ក៏មានទទួលចាក់វ៉ាក់សុំាងការពារជំងឺមហារីកមាត់ស្បូនក្នុងតម្លៃពិសេសជូនអតិថិជនផងដែរ ក្នុងឱកាសនៃការសម្ពោធគ្លីនិកថ្មីនេះ ដូច្នេះសម្រាប់បងប្អូនចង់ចាក់វ៉ាក់សុំាង សូមទាក់ទងតាម Facebook Page: SP Clinic

អត្ថបទដោយ៖ កញ្ញា តឹក ស៊ីថា