លោកសេង មង្គលគឺជាតារាល្បីចាស់វស្សាមួយរូបដែលមានរូបរាងខ្ពស់សង្ហារ និងទទួលបានប្រជាប្រិយភាពខ្លាំងតាំងពីសម័យជំនាន់លោកមានរូបរាងស្គមមិនទាន់មានសាច់ដុំ និងរូបរាងសង្ហារដូចសព្វថ្ងៃមកម្លេះ ហើយតារាដែលគ្មានរឿងអាស្រូវមួយរូបនេះ គឺមានទាំងសមត្ថភាពនិង ចំណេះដឹង ដែលសាកសមនឹងអ្នកគាំទ្រហៅថាជា”Idol”របស់ខ្លួន។ យ៉ាងណាមិញ នៅក្នុងបទសម្ភាសជាមួយក្រុមការងារ(Healthy Cambodia)លោក សេង មង្គលប្រាប់ថា តាមពិតកាលពីដើមឡើយ គឺលោកមានរូបរាងស្គមគ្មានសាច់ដុំអ្វីនោះទេ ក៏ប៉ុន្តែនៅពេលប្រលងចូលសិល្បៈឃើញគេមានសាច់ដុំស្អាតៗ ពាក់ខោអាវទៅសាកសមនិងសង្ហារ ទើបធ្វើឱ្យលោកសម្រេចចិត្តទៅហាត់ប្រាណដែរ។

សូមចុចlike Page: Healthy Cambodia ដើម្បីទទួលបានអត្ថបទថ្មីៗ

ក៏ប៉ុន្តែការចាប់ដើមផ្ដើមហាត់ដំបូងគឺ លោកមិនបានទៅក្លឹបហាត់ប្រាណថ្លៃអ្វីនោះទេ ហើយក៏គ្មានគ្រូចាំប្រាប់នោះដែរ ក៏ប៉ុន្តែលោកសម្រេចចិត្តហាត់ដោយខ្លួនឯងបន្តិចម្ដងៗជារៀងរាល់ថ្ងៃដោយពេលខ្លះហាត់ខុស មិនទំនង ប៉ុន្តែបានបងៗអ្នកហាត់ជាមួយប្រាប់ខ្លះៗ ក៏ហាត់បន្តទៀត។បើទោះជាគ្មានគ្រូណែនាំក្ដី ក៏ប៉ុន្តែសម្រាប់លោក គឺលោកមានក្បួននិងរបៀបហាត់ត្រឹមត្រូវ និងក្រឹតក្រមច្បាស់លាស់នឹងខ្លួនឯង ទើបលោកអាចមានរូបរាងដូចសព្វថ្ងៃនេះ។

ទី១គឺលោកផ្ដោតលើរបបអាហារ៖ លោកប្រាប់ថា​បើទោះជាខំហាត់យ៉ាងណាក៏គ្មានលទ្ធផលនោះដែរ ប្រសិនបើអ្នកញ៉ាំមិនគិត ដូចនេះអំឡុងពេលហាត់លោកពិតជាគិតគូរឿងអាហារខ្លាំងណាស់។ សម្រាប់លោក គឺជ្រើសរើសញ៉ាំអាហារដែលគ្មានជាតិខ្លាញ់កក អាហារដែលសម្បូរប្រូតេអ៊ីន ដូចជាពងទា សាច់ត្រី សាច់ទ្រូងមាន់ សាច់គោគ្មានខ្លាញ់ ទឹកដោះDutch Milk Selected  ទឹកផ្លែឈើស្រស់ បន្លែបៃតង ដែលសម្បូរជាតិកាកសរសៃហ្វៃប័រជួយសម្រួលដល់ការបន្ទរបង់មិនធ្វើឱ្យបងប្អូនទល់លាមក និងគ្មានក្បាលពោះឡើយ។ ទន្ទឹមនឹងនេះ អាហារទាំងអស់នេះ គឺជួយបំប៉ន់សុខភាពឱ្យរឹងមាំមានកម្លាំង ជួយសន្លាក់ឆ្អឹង ជាពិសេសទឹកដោះគោ Dutch Milk Selected គឺល្អបំផុតសម្រាប់អ្នកហាត់ប្រាណ។ ជាមួយគ្នានេះ គឺត្រូវកាត់បន្ថយស្រា ប៊ីយ៉ែ គ្រឿងកំប៉ុងសម្បូរជាតិផ្អែម និងអាហារសម្បូរជាតិខ្លាញ់ដូចជា សាច់ជ្រូក៣ជាន់ គ្រឿងបំពង អាហារកែច្នៃដែលមានជាតិម្សៅ គ្រឿងកំប៉ុងជាដើម។

ទី២ គឺធ្វើលំហាត់ប្រាណ៖ ក្នុងអំឡុងពេលនៅផ្ទះបងប្អូនមានពេលវេលាច្រើនក្នុងការហាត់ប្រាណ ដូច្នេះ ក្នុងមួយថ្ងៃយ៉ាងហោចណាស់ក៏ត្រូវហាត់ប្រាណឱ្យបាន៣០នាទីឬ១ម៉ោងដែរ ដើម្បីជួយឱ្យសាច់ដុំរឹងមាំ ហាប់ណែនល្អ។ ការហាត់ប្រាណជួយឱ្យចលនាឈាមរត់ស្រួល ដុតរំលាយជាតិខ្លាញ់ដែលលើសនៅក្នុងដងខ្លួន ជួយសម្រួលចលនាបេះដូង និងជួយបណ្ដេញជាតិពុលចេញពីរាងកាយបានយ៉ាងល្អបំផុត។ បន្ថែមពីនេះ ការហាត់ប្រាណជួយឱ្យយើងមានរាងស្អាតជាងមុន មានភាពជឿជាក់លើរូបរាងខ្លួនឯងជាងមុន នៅពេលដែលយើងគ្មានដុះខ្លាញ់ក្បាលពោះ មានសាច់ដុំ សាច់ដុំជើង និងមើលទៅសង្ហារ។ ដោយឡែក សម្រាប់លោកផ្ទាល់ ទោះបីជារវល់នឹងការយ៉ាងណាក៏ដោយ ក៏លោកឆ្លៀតពេលយ៉ាងហោចណាស់១ម៉ោង ដើម្បីហាត់ប្រាណដែរ។

ទី៣ គឺការតាំងចិត្ត៖ លោកមង្គលប្រាប់ថា បើទោះបីជាហាត់ជាមួយគ្រូបង្ហាត់ប្រាណឯកទេសជំនាញយ៉ាងណាក៏ដោយ បើគ្មានការតាំងចិត្តហាត់នោះទេ គឺគ្មានថ្ងៃឃើញលទ្ធផលមានសាច់ដុំស្អាតដូចគេឡើយ។ ទៀតសោតក្នុងអំឡុងពេលហាត់ គឺលោកពិតជាអត់ធ្មត់ខ្លាំងណាស់ ព្រោះការហាត់យកសាច់ដុំពិតជាមិនងាយស្រួលនោះទេ គឺត្រូវការលើកដុំដែកធ្ងន់ៗ ចំណាយពេលហាត់យ៉ាងតិចបំផុតក៏១ម៉ោងទៅ២ម៉ោងដែរ មិនមែនហាត់លំៗ១០ឬ២០នាទីហើយ ចង់បានសាច់ស្អាតនោះទេ។

ទី៤គឺទម្លុះពាក្យមើលងាយរបស់អ្នកដទៃ៖ មនុស្សមួយចំនួនតូចតែងតែនិយាយថា តារាស្រុកខ្មែរភាគច្រើន គឺមិនសូវមានរូបរាងសង្ហារនោះទេ ហើយគ្មានសាច់ដុំ ដូចតារាជិតខាងឡើយ ភាគច្រើនគឺ ក្បាលពោះសុទ្ធតែខ្លាញ់។ ហេតុដូចនេះ លោកមិនឱ្យគេវាយតម្លៃនោះទេ លោកព្យាយាមហាត់រហូតមានរូបសង្ហារ មានសាច់ដុំ និងពាក់ខោអាវមើលទៅសាកសមជាអាយដលរបស់គាំអ្នកគាំទ្រពិតៗ។

លោកបញ្ជាក់ថា មានបុគ្គលមួយចំនួនតូចគិតអវិជ្ជមានថា អ្នកហាត់ប្រាណយកសាច់ដុំភាគច្រើនគឺ(ចេកៗ) មានន័យថាប្រុសស្រឡាញ់ប្រុសគ្នាឯង ឬប្រុសមិនពិត ។ក៏ប៉ុន្តែលោក មង្គល សូមផ្ដាំថាសូមកុំគិតបែបនេះអីការហាត់ប្រាណគឺ ដើម្បីចង់មានរូបរាងស្អាត សុខភាពល្អ ជាពិសេសវាជាចំណង់ចំណូលចិត្តរបស់បុគ្គលម្នាក់ៗផងដែរ ហើយលោកលើកទឹកចិត្តឱ្យអ្នកដែលស្រឡាញ់ការហាត់ប្រាណទាំងអស់គ្នា បន្តការហាត់បន្តទៀត​ដើម្បីសុខភាពល្អ និងមានរូបរាងស្អាតផងដែរ។

សូមបញ្ជាក់ថា សម្រាប់វីធី៣នេះប្រសិនបើបងប្អូនអាចធ្វើបាន មិនថាតែការសម្រកគីឡូឬ ការថែរក្សារូបរាងនោះទេ គឺលែងជាបញ្ហាសម្រាប់ប្អូនទៀតហើយ។ ឆ្លៀតក្នុងឱកាសនេះ លោកសេង មង្គល បានសូមផ្ដាំផ្ញើជូនពរបងប្អូនប្រជាជនខ្មែរទាំងអស់ឱ្យជួបតែសេចក្ដីសុខ មានសុខភាពល្អ និងសូមចៀសផុតពីជំងឺទាំងឡាយទាំងពួង។

អត្ថបទដោយ៖ កញ្ញា តឹក ស៊ីថា