នៅក្នុងឱកាសបុណ្យចូលឆ្នាំខ្មែរឆ្នាំថ្មីប្រពៃណីជាតិរបស់យើងនឹងខិតចូលមកដល់នាប៉ុន្មានថ្ងៃខាងមុខនេះ ហើយកម្មវិធីសង្ក្រាន្តក៏កំពុងតែប្រារព្ធឡើងជាបន្តបន្ទាប់ អ៊ីចឹងគ្រប់គ្នាដឹងស្រាប់ហើយថា ខែចេត្រចូលឆ្នាំជាខែក្ដៅ រសៀលមិនទាន់ទេពន្លឺថ្ងៃចាប់ផ្ដើមបញ្ចេញកម្ដៅជាខ្លាំង ដែលជាហេតុអ្វីឱ្យគ្រប់គ្នាត្រូវមានវិធីការពារខ្លួនពីការត្រូវពន្លឺថ្ងៃដ៏ក្ដៅមួយនេះ។

បើយោងតាមការចុះផ្សាយរបស់សាកលវិទ្យាល័យRamthibodi Hospitalរបស់ប្រទេសថៃបានណែនាំអំពីគន្លឹះក្នុងការការពារខ្លួនពីកម្ដៅថ្ងៃដ៏សែនក្ដៅរួមមាន៖

១.ច្បាប់សម្រោល៖ អ្នកត្រូវចេះមើលស្រមោលខ្លួនឯងដែលប៉ះជាមួយពន្លឺព្រះអាទិត្យបញ្ចេញជាសម្រោល អ៊ីចឹងអ្នកត្រូវការពារខ្លួនអ្នកពីព្រះអាទិត្យ ដោយអ្នកត្រូវចៀសវាង ប្រសិនបើអ្នកឈរក្រោមពន្លឺព្រះអាទិត្យឃើញប្រមោលរបស់អ្នកវែងជាងរាងកាយរបស់អ្នក។ ពោលគឺ នៅពេលព្រឹកមុនម៉ោង១១ព្រឹក និងពេលល្ងាចបន្ទាប់ពីម៉ោង២រសៀល គឺជាពេលដែលពន្លឺព្រះអាទិត្យល្អ និងមានសុវត្ថិភាពចំពោះស្បែក ពីព្រោះវាមានពន្លឺUVBតិច។

២.សម្លៀកបំពាក់៖ អ្នកត្រូវស្លៀកពាក់ខោអាវវែងៗ និងក្រាស់ៗល្មម ដើម្បីការពារខ្លួនពីការប៉ះជាមួយពន្លឺព្រះអាទិត្យ ដែលអាចការពារបានរហូតដល់៩០%។

៣.ឆ័ត្រ៖ ក្រណាត់របស់ឆ័ត្រភាគច្រើនអាចបិទបាំងពន្លឺព្រះអាទិត្យបានប្រហែល៨០ទៅ៩០% ហើយប្រសិទ្ធភាពនៃការការពារកម្ដៅរបស់ឆ័ត្រអាស្រ័យទៅលើទីតាំងរបស់ព្រះអាទិត្យផងដែរ។

៤.មួក៖ មួកធំៗ មួកធំទូលាយ ក៏អាចជួយការពារពីពន្លឺព្រះអាទិត្យផងដែរ។

៥.វ៉ែនតាការពារ៖ ការប្រើប្រាស់វ៉ែនតាការពារពន្លឺព្រះអាទិត្យ គឺពិតជាមានសារៈប្រយោជន៍ជាខ្លាំង ដែលអ្នកគួរមានតាមខ្លួន។ មួយវិញទៀតអ្នកមិនចាំបាច់ទិញវ៉ែនតាការពារពន្លឺព្រះអាទិត្យថ្លៃៗនោះទេ។

៦.លាបឡេការពារកំដៅថ្ងៃ៖ ឡេការពារកម្ដៅថ្ងៃគួរតែមាននជាប់នឹងខ្លួន ដើម្បីលាបរាល់ពេលអ្នកចេញក្រៅដើមក្រោមពន្លឺព្រះអាទិត្យ ហើយត្រូវលាបឱ្យបានក្រាប់ល្មម។ ការលាបឱ្យបានក្រាប់នេះ ដោយសារតែស្បែករបស់អ្នកមិនរលោង បើអ្នកលាបតែមួយស្រទាប់ នោះផ្ទៃឡេការពារមិនអាចការពារពីពន្លឺដ៏ខ្លាំងរបស់ព្រះអាទិត្យឡើយ។ ដូច្នេះអ្នកគួរតែលាបឡេការពារកម្ដៅថ្ងៃឱ្យបានយ៉ាងហោចណាស់ ២ស្រទាប់។