អ្នកចូលចិត្តផឹកស្រាភាគច្រើននាំធាត់ និងមានជំងឺចូលក្នុងខ្លួនដូចជាបញ្ហាធាត់ លើសឈាម និងបញ្ហាថ្លើមជាដើម។ ជាពិសេសនាំឱ្យសម្រស់របស់អ្នកចាស់ជាងវ័យផងដែរ។ បើអ្នកមានសម្រស់ក្មេងជាងវ័យ អ្នកគួរហូបបន្លែភ្លែឈើនិងភេសជ្ជៈមានសុខភាពល្អ។ មានភេសជ្ជៈ ១ ជួយកោសិកាស្បែករបស់អ្នក កុំឱ្យចាស់ជាងវ័យ។
យោងតាមការចុះផ្សាយរបស់គេហទំព័រ www.healthline.com បានលើកឡើងថា ការញ៉ាំតែបៃតងបានផ្ដល់សារៈប្រយោជន៍យ៉ាងច្រើនដល់សុខភាព និងសម្រស់។ យោងតាមការសិក្សាក្នុងឆ្នាំ ២០១៦ សារធាតុដែលមាននៅក្នុងតែបៃតង មានប្រសិទ្ធភាព អាចជួយព្យាបាលកុំឲ្យកើតមុន និងអាចបន្ថយជាតិខ្លាញ់ដែលមានលើផ្ទៃមុខ ដែលវាជាមូលហេតុដ៏សំខាន់មួយធ្វើឲ្យកើតមុនទៀតផង ។
ជាក់ស្ដែងមានការញ៉ាំតែបៃតង អាចជួយកាត់បន្ថយកម្រិតនៃភាពធ្ងន់ធ្ងររបស់ជំងឺមហារីក និងជួយពង្រឹងប្រព័ន្ធភាពស៊ាំឲ្យរឹងមាំជាងមុនបានទៀតផង។ ហើយតែបៃតងមានផ្ទុកសារធាតុដូចជា catechins ដែលអាចដុតកាឡូរីបានល្អ ដែលជាមូលហេតុសំខាន់ធ្វើឲ្យស្រកទម្ងន់បានយ៉ាងល្អ។ ព្រោះវាមានសារធាតុ EGCG ដែលមាននៅក្នុងតែបៃតង ត្រូវបានរកឃើញថា អាចជួយឲ្យអ័រម៉ូន អាំងស៊ុយលីនធ្វើការបានល្អ និងជួយលៃតម្រូវកម្រិតជាតិស្ករក្នុងចរន្ដឈាមឲ្យមានស្ថេរភាពល្អ៕ អត្ថបទដោយ៖ ទ្រ សុភាព