(ភ្នំពេញ)៖ ហាងអលង្ការពេជ្រ «សាប្រ៊ីណា» រៀបចណគម្រប់ខួប ១៤ឆ្នាំ របស់ខ្លួនដើម្បីជាការថ្លែងអំណរគុណដល់អតិថិជនគ្រប់រូបទាំងអស់ដែលគាំទ្រ និងផ្តល់ទំនុកចិត្តតាំងពីបើកដំណើរការដំបូង។
ពិធីនេះបានធ្វើឡើងនាថ្ងៃទី៩ ខែមករា ឆ្នាំ២០២៣ ដោយមានការអញ្ជើញចូលរួមពីសំណាក់ថ្នាក់ដឹកនាំក្រុមហ៊ុន ភ្ញៀវកិត្តិយស និងអតិថិជនយ៉ាងច្រើនផងដែរ។
នាឱកាសនោះដែរ អគ្គនាយិកា ហាងអលង្ការពេជ្រ «សាប្រ៊ីណា» បានបង្ហាញសេចក្តីរំភើបឥតឧប្បមា ចំពោះការជឿជាក់របស់អតិថជនដែលនៅតែបន្តគាំទ្រ និងផ្តល់ទំនុកចិត្តលើហាងខ្លួន ទន្ទឹមនឹងទំនុកចិត្តរបស់អតិថិជន នាងខ្ញុំរួមនឹងក្រុមការងារទាំងអស់តែងតែយកចិត្តទុកដាក់នៅលើចំណុចខ្វះខាតដើម្បីកែលម្អឱ្យកាន់តែប្រសើរឡើង។
អគ្គនាយិកា ហាងអលង្ការពេជ្រ «សាប្រ៊ីណា» បានបញ្ជាក់ថា ហាងអលង្ការពេជ្រ «សាប្រ៊ីណា» ផ្តល់នូវគ្រឿងអលង្ការស្អាត ប្រណីត ភាពថ្លៃថ្នូរ និងស៊ីវិល័យសក្តិសមជាមួយនឹងអតិថិជនគ្រប់កម្មវិធី។ គ្រឿងពេជ្រដែលអតិថិជនជាវពីហាងអលង្ការពេជ្រ សាប្រ៊ីណា យកទៅប្រើប្រាស់ គឺមានភាពរឹងមាំ ប្រើប្រាស់បានយូរអង្វែង និងទុកជាមរតកតកូនតចៅ ព្រោះជាពេជ្រស្អាតគុណភាពខ្ពស់ និងជាងមានទឹកដៃល្អក្នុងផលិត និងច្នៃម៉ូតថែមទៀត។ អតិថិជន ក្រៅពីទទួលបានជំនឿចិត្តលើភាពស្រស់ស្អាតរបស់ពេជ្រ ហាងអលង្ការពេជ្រ សាប្រ៊ីណា ក៏មានក្រុមការងារប្រកបដោយវិជ្ជាជីវៈ មានភាពរួសរាយរាក់ទាក់ចំពោះភ្ញៀវដែលមកកាន់ហាងពីគ្រប់មជ្ឈដ្ឋាន។
នាឱកាសនោះដែរ អគ្គនាយិកា ហាងអលង្ការពេជ្រ «សាប្រ៊ីណា» បានគូសបញ្ជាក់ថា៖ «ស្របជាមួយគ្នានេះដែរ អ្វីដែលជាអារម្មណ៍នាងខ្ញុំ ហើយដែលនាងខ្ញុំតែងតែសួរខ្លួនឯងថា តើខ្ញុំបានធ្វើឱ្យល្អសក្តិសមនឹងទំនុកចិត្តរបស់អតិថិជនមកលើរូបនាងខ្ញុំហើយ ឬនៅ? តើនៅមានអ្វីខ្លះដែលយើងខ្ញុំធ្វើមិនទាន់បានល្អ? តើខ្ញុំគួរបន្ថែមអ្វីខ្លះទៀត ដើម្បីជួយអតិថិជនរបស់ខ្ញុំឱ្យបានកាន់តែល្អជាទីបំផុត ហើយសាកសមនឹងទំនុកចិត្តដែលគាត់បានផ្ដល់ឱ្យខ្ញុំ? នាងខ្ញុំ និងក្រុមកាងារ នៅតែបន្តនាំយកនូវបច្ចេកវិទ្យាថ្មីៗ ម៉ាស៊ីនទំនើបៗ ដើម្បីបន្តអភិវឌ្ឍន៍ការផលិតឱ្យកាន់តែប្រសើរឡើងឥតឈប់ឈរ និងបង្កើននូវសេវាកម្មឱ្យកាន់តែល្អបន្ថែម ដើម្បីបម្រើជូនអតិថិជនឱ្យបានល្អជាទីបំផុត»។
អគ្គនាយិកា ហាងអលង្ការពេជ្រ «សាប្រ៊ីណា» បានលើកឡើងថា អតិថិជនដែលបានជាវគ្រឿងអលង្ការពី ហាងអលង្ការពេជ្រ សាប្រ៊ីណា គឺបានរួមចំណែកដ៏ធំធេងបំផុតក្នុងការជួយសង្គម ដោយកម្មវិធីគ្រឿងអលង្ការនៃក្តីស្រឡាញ់របស់ហាង សាប្រ៊ីណា តែងតែមានរៀងរាល់ខែដែលការបរិច្ចាគមួយផ្នែកជាចំណូលពីការគាំទ្ររបស់អតិថិជន ហើយហាងអលង្ការពេជ្រ សាប្រ៊ីណា ផ្តល់ជាសប្បុរសធម៌ដល់មណ្ឌលកុមារកំព្រា អង្គការ សមាគម សហគមន៍ និងមន្ទីរពេទ្យគន្ធបុប្ផាជាដើម។ ការចូលរួមចែករំលែកក្តីស្រឡាញ់ក្នុងការបង្កើតកម្មវិធីនេះឡើង គឺដើម្បីចែករំលែកក្តីស្រឡាញ់ ក្តីសង្ឃឹម និងភាពកក់ក្ដៅទៅដល់កុមារកំព្រាដែលកំពុងខ្វះខាត និងកំពុងត្រូវការជំនួយកាន់តែច្រើនឡើងពីយើងទាំងអស់គ្នា។
«ការគាំទ្រហាងយើងខ្ញុំពីសំណាក់អតិថិជនគ្រប់រូប ពិតជាមានសារៈសំខាន់ខ្លាំងណាស់ដើម្បីឱ្យកម្មវិធីសប្បុរសធម៌នានា អាចលេចចេញជារូបរាងបាន»។ នេះជាការលលើកឡើងបន្ថែមរបស់អគ្គនាយិកា ហាងអលង្ការពេជ្រ «សាប្រ៊ីណា»។
ស្ថិតនៅក្នុងឱកាសនោះដែរ អតិថិជន ហាងអលង្ការពេជ្រ «សាប្រ៊ីណា» បានកោតសសើរចំពោះទឹកចិត្តដ៏ប្រពៃចំពោះហាងអលង្ការពេជ្រ «សាប្រ៊ីណា» ដែលបានរួមចំណែកបំពេញការងារមនុស្សធម៌នានា តាមរយៈប្រាក់ចំណូលមួយផ្នែកពីការជាវរបស់អតិថិជន ដើម្បីជួយដល់មណ្ឌលកុមារកំព្រា អង្គការ សមាគម សហគមន៍ និងមន្ទីរពេទ្យគន្ធបុប្ផាជាដើម។ល។ ចំណុចនេះនឹងធ្វើឱ្យហាងអលង្ការពេជ្រ «សាប្រ៊ីណា» កាន់តែទទួលបាននូវការគាំទ្របន្ថែមទៀតពីសំណាក់អតិថិជនរបស់ខ្លួន។
បន្ថែមពីនេះ អតិថិជនដដែល ក៏បានកោតសសើរពីគុណភាពពេជ្រភ្លឺស្អាត ជាពិសេសគឺថ្នាក់ដឹកនាំហាង និងបុគ្គលិកមានភាពរួសរាយរាក់ទាក់ ព្រមទាំងមានទំនួលខុសត្រូវខ្ពស់ចំពោះទំនិញរបស់ខ្លួន ដែលភ្ញៀវមកជាវផងដែរ៕
