ថ្ងៃនេះ យើងពិសារភេសជ្ជៈជាប្រចាំថ្ងៃ ហើយមានភេសជ្ជៈខ្លះប៉ះពាល់សុខភាព នាំឱ្យកើតជំងឺទឹកនោមផ្អែម និងខូចតម្រោងនោមទៀត។ ការពិសារភេសជ្ជៈធម្មជាតិបង្កើតគុណភាពជីវិត និងសុខភាពរឹងមាំ ឱ្យរស់នៅបានយូរ។ ថ្ងៃនេះ ចាបបៃតងសុំលើកភេសជ្ជៈចំនួន ៣កម្ចាត់ជាតិឱ្យរាងកាយស្អាត និងអាយុវែង៖

១. តែទឹកឃ្មុំ និងក្រូចឆ្មា៖ ការសិក្សាបង្ហាញថ្មីមួយចុះផ្សាយក្នុងគេហទំព័រ femina.in ស្តែងពីប្រសិទ្ធភាព តែទឹកឃ្មុំក្រូចឆ្មា ជួយដោះស្រាយបញ្ហាលើសទម្ងន់ បណ្តេញជាតិពុល និងជាតិខ្លាញ់ចេញពីរាងកាយ និងសម្រួលដល់ប្រព័ន្ធរំលាយអាហារ។ សារជាតិវីតាមីន C ដែលមាននៅក្នុងក្រូចឆ្មា គួបផ្សំជាមួយសារធាតុរ៉ែក្នុងទឹកឃ្មុំជួយរារាំងចំណង់អាហារ និងចូលទៅដុតបំផ្លាញកាឡូរីអាក្រក់ក្នុងសារពាង្គកាយ។

២. កាហ្វេ និងតែបៃតង៖ ការសិក្សាមួយបង្ហាញថា កាហ្វេគឺជាជម្រើសដ៏ល្អក្នុងការបន្សាបជាតិពុលពីថ្លើម ជាមួយនឹងលក្ខណៈសម្បត្តិប្រឆាំងអុកស៊ីតកម្មរបស់វា។ លើសពីនេះទៀត ពួកគេក៏ការពារអ្នកពីជំងឺថ្លើមរ៉ាំរ៉ៃផងដែរ ដោយសារឥទ្ធិពលវិជ្ជមានទៅលើអង់ស៊ីមថ្លើម។ ទន្ទឹមនឹងនេះទៀតសោត សម្រាប់អ្នកចូលចិត្តតែ ក៏ជួយកាត់បន្ថយបរិមាណជាតិខ្លាញ់សរុបនៅក្នុងថ្លើម និងធ្វើឱ្យអ្នកនៅឆ្ងាយពីជំងឺខ្លាញ់រុំថ្លើម និងបញ្ហាមហារីកថ្លើមដោយសារជាតិអាល់កុល។

៣. គ្រាប់ជី៖ សម្បូរជាតិកាកសរសៃជួយសម្រួលដល់ការបន្ទរបង់, ជួយដុតរំលាយជាតិខ្លាញ់អាក្រក់,ជួយទប់ស្កាត់ហានិភ័យនៃជំងឺបេះដូង,ជួយបង្កើនប្រព័ន្ធភាពស៊ាំនៃរាងកាយ និងលើសពីនេះវាជួយទប់ស្កាត់ចំណង់អាហារបានល្អបំផុត៕

អត្ថបទដោយ៖ ទ្រ សុភាព