កាលពីថ្ងៃទី​ ៧ខែមេសា កាលពីម្សិលមិញនេះ តារាសម្ដែងប្រុសថៃដ៏ល្បីលោក​ Bank និងត្រូវបានគេស្គាល់ថាជាតារាសម្ដែងនៅក្នុងរឿង” បងស្អាតមេបោក” ​ត្រូវបានរកឃើញវិជ្ជមានកូវីដ១៩ នេះបើយោងតាមការបញ្ជាក់របស់លោកផ្ទាល់។

កាលពីយប់ថ្ងៃទី៧ខែមេសា ឆ្នាំ២០២១នេះ លោក Bankបានផុសជាផ្លូវការនៅក្នុងគណនី អ៊ិនស្ត្រាក្រាម(Instargram)​ របស់ខ្លួនថា លោកបានឆ្លងកូវីដ១៩ហើយ ។ លោកបានបញ្ជាក់ថា កាលពីថ្ងៃទី៣​និងទី៤ខែមេសា លោកបានទៅធ្វើការនៅ Villa De ua ជាមួយមិត្តរួមការងារម្នាក់ទៀតឈ្មោះ ប៉ម ក្រោយមកលោកប៉មបានទទួលដំណឹងថាមានផ្ទុកកូវីដ១៩កាលពីថ្ងៃទី៥ខែមេសា ក្រោយមកលោកក៏បានទៅបញ្ជាក់ឈ្មោះនៅបន្ទាយទាហាននៅខេត្ត ខន់កែន រួចលោកក៏ប្រយ៉ាប់ត្រឡប់មកផ្ទះវិញ ដើម្បីធ្វើចត្តាឡីស័កដោយមិនមានអាការៈអ្វីគួរឱ្យកត់សម្គាល់នោះទេ ក៏ប៉ុន្តែលោកក៏បានក៏បន្តទៅទីក្រុងបាំងកក ដើម្បីធ្វើការត្រួតពិនិត្យរកជំងឺកូវីដ១៩ នៅថ្ងៃទី៧ ហើយលទ្ធផលពីការធ្វើតេស្ត គឺបានទទួលតេស្តវិជ្ជមានកូវីដ១៩ ។

ក្រោយពីរកឃើញតេស្តកូវីដ១៩ លោក Bankបានសម្ដែងការសោកស្ដាយជាខ្លាំង និងសូមជូនពរឱ្យបងប្អូនទាំងអស់គ្នាចៀសឆ្ងាយពីជំងឺកូវីដ១៩ និងមានសុវត្ថិភាពទាំងអស់គ្នា។

អត្ថបទដោយ ៖ តឹក ស៊ីថា