ការធ្វើលំហាត់ប្រាណមានគុណប្រយោជន៍ដល់សុខភាពរាងកាយ ផ្លូវចិត្ត និងការរកស៊ីផង។ មនុស្សដែលគ្មានសុខភាពល្អទេ មិនអាចសម្រេចគោលដៅបានទេ។ ការធ្វើលំហាត់ប្រាណអាចជួយអ្នកឱ្យមានមានកាយ និងចិត្តរឹងមាំ។ តើការធ្វើលំហាត់ប្រាណនេះ ជួយដល់ការរស៊ីរបស់អ្នកបែបណា?

១. ភាពជាសហគ្រិនត្រូវរៀនជំនះបញ្ហា

ពេលអ្នកប្រឈមមុខនឹងការហាត់ប្រាណដូចជា ការរត់ម៉ារ៉ាតុង និងការលើទម្ងន់ ដើម្បីឱ្យចិត្តអ្នកមានការហ្វឹកហាត់អត់ធ្មត់ និងការកំណត់គោលដៅ។ ពីព្រោះការហាត់ប្រាណនេះ ជួយសហគ្រិនកាត់ស្រ្តេស និងកាយសម្បទារឹងមាំ។ លំហាត់ប្រាណនេះជួយឱ្យសហគ្រិនយល់ថា អ្វីៗទាំងអស់អាចធ្វើទៅបាន ដែលកើតពីការផ្តោតភាពសំខាន់លើគោលដៅដែលបានកំណត់ទុក។ វិធីតែមួយដែលបង្រៀនអ្នកឱ្យប្រឈមនឹងបញ្ហាសម្បទា គឺជាវិធីដូចគ្នាដែលសហគ្រិនអាចជួបប្រទះបញ្ហាទាំងនេះ។

២. ធ្វើឱ្យខួរក្បាលមានថាមពលប្រសើរឡើង

ការធ្វើលំហាត់ប្រាណជួយដល់សហគ្រិនឱ្យមានចិត្តស្រស់ស្រាយ។ នៅឆ្នាំ ២០១២ the Montreal Heart Institute បានស្រាវជ្រាវរកឃើញថា “ការធ្វើលំហាត់ប្រាណជួយបង្កើតការយល់ដឹង។ នេះជាសកម្មភាពរាងកាយធ្វើឱ្យលំហូរឈាមទៅគ្រប់ផ្នែកនៃរាងកាយរួមទាំងខួរក្បាលផងដែរ។” សហគ្រិន គឺជាមនុស្សម្នាក់ដែលប្រើខួរក្បាលខ្លាំង។

៣. កាន់តែហាត់ប្រាណ កាន់តែថាមពល

នៅឆ្នាំ ២០០៨ មានការស្រាវជ្រាវមួយបានបោះពុម្ពផ្សាយថា “មនុស្សអសកម្មភាគច្រើន​តែងតែត្អូញត្អែ គ្មានកម្លាំងកាយ និងគ្មានថាមពលនៃអារម្មណ៍កើនឡើងជាង ២០% និង៦៥% បន្ទាប់ពីចូលរួមសកម្មភាពរាងកាយទៀងទាត់។” ការធ្វើលំហាត់ប្រាណនេះ ធ្វើឱ្យកាយសម្បទារបស់អ្នករឹងមាំ និងមានថាមពលកាន់តែខ្លាំងឡើង។

៤. បង្កើតទំនុកចិត្ត

នៅពេលសហគ្រិនម្នាក់អាចយកឈ្នះលើកាយសម្បទារបស់ខ្លួន វានឹងធ្វើឱ្យគាត់មានទំនុកចិត្តក្នុងការដឹកនាំក្រុមហ៊ុនបានល្អប្រសើរឡើង។ វាជាវិធីសាស្រ្តក្នុងការជំរុញឱ្យពួកគេបង្កើតគុណប្រយោជន៍។ តាមខ្ញុំស្រាវជ្រាវពីបុគ្គលជោគជ័យធំៗ ជាភាពសហគ្រិន តែងមានទម្លាប់ធ្វើលំហាត់ប្រាណជាប្រចាំ ដើម្បីបង្កើតទំនុកចិត្តរបស់ខ្លួន និងដើម្បីសុខភាពល្អ។

ការហាត់ប្រាណដើម្បីបានរាងកាយរឹងមាំ និងសុខភាពល្អ អ្នកត្រូវផ្តោតទៅលើគោលដៅដែលអ្នកចង់បាន។​ ការហាត់ប្រាណនេះ វាជាការជំរុញទឹកចិត្តដ៏ល្អមួយសម្រាប់សហគ្រិន។ បើអ្នកចង់ក្លាយជាសហគ្រិនជោគជ័យ អ្នកត្រូវថែរក្សាសុខភាពរាងកាយ និងសុខភាពចិត្តឱ្យរឹងមាំ៕

អត្ថបទស្រាវជ្រាវដោយ៖ ទ្រ សុភាព