ក្រោយផ្អាកជាបណ្តោះអាសន្ននូវផ្សារអូរឫស្សីបន្ទាប់ពីរកឃើញមានអាជីវករឆ្លងកូវីដ១៩ មកដល់ថ្ងៃនេះការឆ្លងក៏កាន់តែវិវត្តច្រើនឡើងរហូតដល់មានអ្នកពាក់ព័ន្ធឆ្លងដល់ជាង១០០នាក់ត្រឹមរយៈពេល៤ថ្ងៃប៉ុណ្ណោះ។
អាស្រ័យហេតុនេះអាជ្ញាធរបានធ្វើសេចក្តីប្រកាសអំពីដើម្បីកុំឱ្យមានការផាកពិន័យនិងប្រឈមមុខច្បាប់ដែលបានចែងរួច សូមអំពាវនាវឱ្យប្រជាជនទាំងអស់ដែលពាក់ព័ន្ធមិនថាអាជីវករឬអតិថិជនដែលបានចូលផ្សារចាប់ពីថ្ងៃទី១ មេសា ២០២១ ដែលមិនទាន់បានយកសំណាកទេត្រូវប្រញាប់ទៅយកសំណាកធ្វើតេស្តជាបន្ទាន់។ ចំពោះអ្នកដែលពាក់ព័ន្ធមិនព្រមសហការ អាជ្ញាធរនឹងមិនឱ្យបុគ្គលទាំងនោះចូលលក់វិញនោះទេ បន្ទប់ពីផ្សារបើកដំណើរការវិញ។
ចំពោះប្រជាជនដែលនៅក្បែរផ្សារសូមធ្វើចត្តាឡីស័កនៅក្នុងផ្ទះ ហើយតាមដានអាការរបស់ខ្លួនឱ្យបានខ្ពស់ ករណីសង្ស័យណាមួយកើតឡើងត្រូវប្រញាប់ធ្វើតេស្តនិងរាយការណ៍ជាបន្ទាន់៕
សូមអានលិខិតដើម្បីឱ្យកាន់តែច្បាស់៖
