ព័ត៌មាន
ឯកអគ្គរដ្ឋទូតប្រទេសអូស្រ្តាលីទទួលបន្ទុកសមភាពយេនឌ័រ ធ្វើទស្សនកិច្ចនៅគ្លីនិកម៉ារីស្តូបសែនសុខ ដើម្បីផ្សព្វផ្សាយលើកកម្ពស់សិទ្ធិសុខភាពផ្លូវភេទ និងសុខភាពបន្តពូជនៅកម្ពុជា
Vuthea Morn
October 28 2024
22 views

 រាជធានីភ្នំពេញ – ថ្ងៃទី២៥ ខែតុលា ឆ្នាំ២០២៤ – ឯកអគ្គរដ្ឋទូតប្រទេសអូស្រ្តាលីទទួលបន្ទុកសមភាពយេនឌ័រ លោកស្រី STEPHANIE COPUS CAMPBELL AM បានធ្វើទស្សនកិច្ចនៅគ្លីនិកម៉ារីស្តូបសែនសុខ ដើម្បីគួសបញ្ជាក់ពីការតាំងចិត្តរបស់រដ្ឋាភិបាលអូស្រ្តាលីក្នុងការគាំទ្រសិទ្ធិសុខភាពផ្លូវភេទ និងសុខភាពបន្តពូជនៅព្រះរាជាណាចក្រកម្ពុជា។ ដំណើរទស្សនកិច្ចនេះបញ្ជាក់ពីកិច្ចសហការរវាងរដ្ឋាភិបាលប្រទេសអូស្រ្តាលី និងអង្គការម៉ារីស្តូបអន្តរជាតិកម្ពុជា(MSIC)  ដើម្បីធានាថា ស្រ្តី ជាពិសេសក្រុមជនដែលត្រូវការការគាំទ្រ អាចទទួលសេវាសុខភាពផ្លូវភេទ និងសុខភាពបន្តពូជគ្រប់ជ្រុងជ្រោយ និងមានគុណភាពខ្ពស់។  

ជាមួយនឹងការគាំទ្រពីរដ្ឋាភិបាលប្រទេសអូស្រ្តាលី គម្រោងសំខាន់ៗពីរដែលកំពុងតែអនុវត្តដោយអង្គការម៉ារីស្តូបអន្តរជាតិកម្ពុជា(MSIC)  គឺគម្រោង 'ការឆ្លើយតបតាមរយៈការផ្តល់សេវាសុខភាពផ្លូវភេទ និងសុខភាពបន្តពូជសំខាន់ៗ និងសិទ្ធិ និងយន្តការថ្មីក្នុងការផ្តល់សេវាសុខភាព' ដែលហៅកាត់ថា (RESPOND) ដំណាក់កាលទី២ និងគម្រោងមួយទៀតតាមរយៈ កម្មវិធីសហប្រតិបត្តិការអង្គការមិនមែនរដ្ឋាភិបាលអូស្ត្រាលី (ANCP)។ គម្រោង RESPOND ដំណាក់កាលទី២ គឺធ្វើឡើងដើម្បីគាំទ្រស្រ្តីក្នុងវ័យបន្តពូជ ចាប់ពីវ័យមករដូវ រហូតដល់វ័យអស់រដូវ ដោយផ្តល់សេវាសុខភាពបន្តពូជដែលចាំបាច់។ ការផ្តួចផ្តើមនេះផ្តល់អទិភាពទៅលើក្មេងជំទង់ យុវវ័យ ជនរងគ្រោះដោយអំពើហិង្សាយេនឌ័រ និងក្រុមប្រឈមហានិភ័យផ្សេងៗទៀត ដោយធានាថា ស្រ្តីគ្រប់រូបអាចមានស្វ័យភាពទៅលើរាងកាយ និងសុខភាពរបស់ពួកគាត់។ 

គម្រោង ANCP បន្តបង្ហាញពីការខិតខំប្រឹងប្រែងរបស់អង្គការម៉ារីស្តូបអន្តរជាតិកម្ពុជា(MSIC) ក្នុងការផ្តល់សេវារៀបចំផែនការគ្រួសាររួមមានមធ្យោបាយពន្យារកំណើត និងសេវាសុខភាពបន្តពូជជូនដល់ស្រ្តី និងយុវវ័យ តាមរយៈដំណោះស្រាយឧបសគ្គហិរញ្ញវត្ថុ និងការលើកកម្ពស់បរិយាបន្ន-ការរួមបញ្ចូលបុគ្គលគ្រប់រូបនៅក្នុងសង្គម។

លោកស្រី ឡេង ស៊ីវហេង នាយិកាប្រចាំប្រទេសរបស់អង្គការម៉ារីស្តូបអន្តរជាតិកម្ពុជា(MSIC) បានសង្កត់ធ្ងន់ពីសារៈសំខាន់នៃការផ្តួចផ្តើមនេះ៖«ការងាររបស់យើង គឺលើកកម្ពស់ស្រ្តី និងសហគមន៍ដែលត្រូវការការគាំទ្រនៅកម្ពុជា។ ការគាំទ្រពីរដ្ឋាភិបាលប្រទេសអូស្រ្តាលីអាចឱ្យយើងផ្តល់នូវសេវា និងព័ត៌មានដែលចាំបាច់ ដោយធានាថា មិនមានអ្នកណាម្នាក់ត្រូវបានគេបោះបង់ចោលចំពោះការទទួលបានសេវាថែទាំសុខភាពផ្លូវភេទ និងសុខភាពបន្តពូជដែលមានគុណភាពខ្ពស់»

ឯកអគ្គរដ្ឋទូតប្រទេសអូស្រ្តាលីទទួលបន្ទុកសមភាពយេនឌ័រ លោកស្រី STEPHANIE COPUS CAMPBELL AM មានប្រសាសន៍ថា៖ «ខ្ញុំពិតជាមានមោទនភាពជាខ្លាំងលើការងារដែលអង្គការម៉ារីស្តូបអន្តរជាតិកម្ពុជា កំពុងតែធ្វើ ដើម្បីលើកកម្ពស់ការទទួលបានសេវាសុខភាពផ្លូវភេទ និងសុខភាពបន្តពូជ ដែលមានសារៈសំខាន់សម្រាប់សមភាពយេនឌ័រ។ រដ្ឋាភិបាលអូស្ត្រាលីនៅតែប្តេជ្ញាចិត្ត បន្តគាំទ្រកម្មវិធីសុខភាព សម្រាប់ប្រជាជនគ្រប់រូប»

កិច្ចគាំទ្ររបស់រដ្ឋាភិបាលប្រទេសអូស្រ្តាលីមានសារៈសំខាន់ណាស់ក្នុងការលើកកម្ពស់សមភាពយេនឌ័រ និងសិទ្ធិរបស់ស្រ្តី និងក្រុមជនដែលត្រូវការការគាំទ្រ ដោយរាប់បញ្ចូលទាំង អ្នកមានពិការភាព និងអ្នកស្រឡាញ់ភេទដូចគ្នា។ ដំណើរទស្សនកិច្ចនេះមានគោលដៅផ្សព្វផ្សាយអំពីកិច្ចការរបស់គម្រោងទាំងនេះ និងកិច្ចខិតខំ ក្នុងការផ្តល់សេវាសុខភាពផ្លូវភេទ និងសុខភាពបន្តពូជប្រកបដោយសមធម៌នៅកម្ពុជា។

សម្រាប់ជំនួយទាក់ទងនឹងសេវាសុខភាពបន្តពូជ និងការប្រឹក្សាដោយឥតគិតថ្លៃ សូមទាក់ទងមកម៉ារីស្តូបតាមរយៈ៖

✉️ សូមផ្ញើសារហ្វេសប៊ុកមកកាន់ Marie Stopes Cambodia

🕰រៀងរាល់ថ្ងៃ ចាប់ពីម៉ោង ៧ ព្រឹក ដល់ ៥ ល្ងាច

📞 ០១២ ៩៩៩ ០០២ ឬ ០៩៨ ៩៩៩ ១០២

📱 ផ្ញើសារតាមរយៈ LINE, Viber, WhatsApp, WeChat, Telegram ០៩៣ ២៤ ០៨ ២៣

រួមគ្នាដើម្បីគាំទ្រដល់សិទ្ធិសុខភាពរបស់ស្រ្តី!

#WomensRights4Health #AustralianAid #ANCP #GenderEquality #HealthForAll #MarieStopesCambodia #ម៉ារីស្តូប

2024 10 28 12.19.52

2024 10 28 12.19.58

2024 10 28 12.20.02

2024 10 28 12.20.06

2024 10 28 12.20.11

2024 10 28 12.20.16

Vuthea Morn
អំពីអ្នកនិពន្ធ
អ្នកស្រាវជ្រាវ និងនិពន្ធផ្នែកសុខភាព គោលដៅសំខាន់របស់ខ្ញុំគឺ៖ «ផ្លាស់ប្តូរ​ផ្នត់គំនិតពលរដ្ឋខ្មែរឱ្យស្រលាញ់សុខភាព» បើលោកអ្នកចង់ចែករំលែកទាក់ទងប្រធានបទសុខភាព ឬចុះផ្សាយអត្ថបទអាចទាក់ទងមកកាន់ខ្ញុំបានតាមរយៈ085 79 67 04 E-mail: vuthea.businesscambodia@gmail.com

អត្ថបទសរុប៖ 1481

អត្ថបទទាក់ទង

#ព័ត៌មាន

ក្រសួងសុខាភិបាល៖ កុមារីអាយុ ៣ឆ្នាំឆ្លងវីរុសផ្តាសាយបក្សី ៤របៀបការពារវីរុសនេះ
Tror Sopheap
October 17 2025
168 views

#ព័ត៌មាន

អត់ដឹងខាតលុយ! ចាប់ពីពេលនេះ អ្នកមាន ប.ស.ស ប្រើសេវាសុខភាពទាំង៦ ដោយឥតគិតថ្លៃ
Tror Sopheap
October 15 2025
4.1 K views

#ព័ត៌មាន

ញ៉ាំរាប់ឆ្នាំ! ប្រហិតរាប់តោនហួសដឺឡេ ត្រូវសមត្ថកិច្ចខាងគយចុះបង្ក្រាបហើយ
Tror Sopheap
October 8 2025
316 views

#ព័ត៌មាន

វិស័យ​ព្យាបាលដោយចលនានៅកម្ពុជា កាន់តែវិវត្តរីកចម្រើនទៅមុខគួរឱ្យគត់សម្គាល់ ដែលស្តែងឡើងតាមរយៈលទ្ធផល របស់សន្និបាត​ព្យាបាលដោយចលនាកម្ពុជា​លើកទី២៣
Vuthea Morn
October 1 2025
35 views

#ព័ត៌មាន

មន្ទីរពេទ្យខ្មែរ ១នេះ៖ វះកាត់មុខ មាត់ ឆ្អឹងថ្គាម និងជំងឺមាត់ធ្មេញដោយឥតគិតថ្លៃ
Tror Sopheap
October 1 2025
3.3 K views

#ព័ត៌មាន

ដំណឹងល្អ!មន្ទីរពេទ្យកូនខ្មែរមួយនេះ ផ្តល់ការប្រឹក្សាយោបល់ និងពិនិត្យស្វែងរកជំងឺមហារីកសុដន់ឥតគិតថ្លៃ ជូនដល់ស្ត្រីខ្មែរ
Vuthea Morn
October 1 2025
336 views
អត្ថបទពេញនិយមប្រចាំខែ
អត្ថបទថ្មីៗ
#កីឡាOctober 19 2025
លោកគ្រូ សំណាង ថា៖ ៣ទម្លាប់នេះ ជាគ្រឹះសម្រកគីឡូឱ្យប្លែកលឿន កម្ចាត់ជាតិពុលឱ្យសម្រស់ក្មេងជាងវ័យ
#កុមារOctober 19 2025
អ្នកចិត្តសាស្ត្រ៖ កុមារអាចប្រឈមបញ្ហាផ្លូវចិត្តច្រើន បើឪពុកម្ដាយនៅតែបណ្ដោយកូនឱ្យធ្វើទាំងនេះ
#អាហារOctober 19 2025
ហូបបាយរួច! ញ៉ាំផ្លែឈើខ្មែរ ១នេះ ពង្រឹងសុខភាពបេះដូង សម្រកគីឡូ និងកម្ចាត់បាក់តេរីចេញពីក្រពះពោះវៀន
#ចិត្តសាស្ត្រOctober 18 2025
អ្នកគេង ១យប់តិចម៉ោងដូចជាប្រធានាធិបតីត្រាំ តើមានអ្វីកើតឡើងចំពោះសុខភាពអ្នក?
#កីឡាOctober 18 2025
មានទម្លាប់ ៣នេះ កម្ចាត់ខ្លាញ់ក្នុងថ្លើមការពារគ្រួសក្នុងថង់ទឹកប្រមាត់
#ជំងឺOctober 18 2025
កុំឆ្ងាញ់មិនឈប់! អាហារ ៣ នេះគួរចៀសដាច់ខាន បើមិនចង់ខូច ក្រលៀន និង ស្បូន ទាំងវ័យក្មេង

Cambodia most reliable health website aiming to help Cambodian people spend less and live more out of life.

ទំនាក់ទំនងពួកយើង

#HH36, St 265, Sangkat Teok Laok III, Khan Toul Kork

sam.businesscambodia@gmail.com

(+855) 98 850 854 / (+855) 17 300 755 / 93 300 755

©2024 Healthy Cambodia. All Rights Reserved.

Developed by: Technology Cambodia