ការទទួលទានរបបអាហារមានជីវជាតិមានសារៈសំខាន់សម្រាប់សុខភាពផ្លូវភេទ និងការមានកូន។ ទុរេនដែលគេស្គាល់ថាជា “ស្តេចផ្លែឈើ” នៅអាស៊ីអាគ្នេយ៍ទទួលបានកេរ្តិ៍ឈ្មោះថាជាថ្នាំជំរុញលទ្ធភាពបង្កកំណើត និងមានសារធាតុចិញ្ចឹមសម្បូរបែប។ ក្រៅពីអត្ថប្រយោជន៍ទូទៅសម្រាប់សុខភាព ទុរេនក៏ត្រូវបានគេជឿជាក់ថាមានសក្តានុពលក្នុងការជួយបង្កើនចំណង់ផ្លូវភេទ និងសមត្ថភាពផ្លូវភេទផងដែរ។
ផ្នែកតាមការស្រាវជ្រាវរបស់គេហរទំព័រ VeryWellHub បានលើកឡើងថា ផ្លែទុរេនមិនត្រឹមតែមានរសជាតិឆ្ញាញ់ តែវាក៏អាចបង្កើនថាមពល និងចំណង់ផ្លូវភេទខ្លាំង។ ក្នុងទុរេនមានជាតិដែកប្រហែល 2% នៃតម្រូវការប្រចាំថ្ងៃក្នុង 100 ក្រាម។ ជាតិដែកមានតួនាទីសំខាន់ក្នុងការផលិត អេម៉ូក្លូប៊ីន (Hemoglobin) ដែលជួយដឹកអុកស៊ីសែនតាមឈាមទៅកាន់កោសិការាងកាយ។ បើកង្វះជាតិដែក អ្នកអាចប្រឈមនឹងភាពអស់កម្លាំង ការថយចុះថាមពល និងកង្វះចំណង់ផ្លូវភេទ។
ចំពោះបុរស កង្វះជាតិដែកត្រូវបានផ្សារភ្ជាប់ទៅនឹងការថយចុះ កម្រិតតេស្តូស្តេរ៉ូន និងការថយចុះ ចំនួនមេជីវិតឈ្មោល។ ផ្លែទុរេនជួយកាត់បន្ថយបញ្ហាលិង្គងាប់៖ ក្នុងទុរេនមានប្រូតេអ៊ីនប្រហែល 1.5 ក្រាមក្នុង 100 ក្រាម ដែលផ្តល់នូវអាស៊ីតអាមីណូ arginine។ សារធាតុនេះជួយបង្កើនការផលិត នីទ្រីកអុកស៊ីដ (Nitric Oxide) ដែលមានតួនាទីក្នុងការពង្រីកសរសៃឈាម និងជំរុញលំហូរឈាម។ សម្រាប់បុរស ការរីកចម្រើននៃលំហូរឈាមនេះជួយឱ្យលិង្គមានភាពរឹងប៉ឹង និងរួមភេទបានយូរ។ ការសិក្សាជាច្រើនបានបង្ហាញថា ការទទួល arginine ជាថ្នាំអាចជួយព្យាបាលបញ្ហាលិង្គងាប់ (Erectile Dysfunction) កម្រិតស្រាលទៅមធ្យម។
ទោះបីជាការស្រាវជ្រាវបន្ថែមនៅត្រូវការ ប៉ុន្តែការទទួល arginine ពីអាហារធម្មជាតិដូចជា ទុរេន ក៏អាចជាជម្រើសបន្ថែមដើម្បីពង្រឹងសមត្ថភាពផ្លូវភេទ។ ទុរេនមិនត្រឹមតែជាផ្លែឈើមានរសជាតិឆ្ងាញ់ទេ ប៉ុន្តែថែមទាំងមាន សារធាតុចិញ្ចឹមដែលអាចជួយកែលម្អសុខភាពផ្លូវភេទ តាមរយៈ ការបង្កើនថាមពល និងចំណង់ផ្លូវភេទ ការប្រយុទ្ធប្រឆាំងនឹងភាពស្លេកស្លាំង ការជំរុញលំហូរឈាម ដើម្បីជួយកាត់បន្ថយបញ្ហាលិង្គងាប់។ ទោះយ៉ាងណា គួរទទួលទានទុរេនក្នុង បរិមាណសមរម្យ ព្រោះវាមានកាឡូរី និងជាតិស្ករខ្ពស់។ ការបរិច្ឆេទជាមួយអាហារសុខភាពផ្សេងទៀត និងរបបជីវិតមានសមតុល្យ នឹងជួយឱ្យទទួលបានអត្ថប្រយោជន៍ពេញលេញពីផ្លែទុរេន៕