ការទទួលទានភេសជ្ជៈកំប៉ុង មានជាតិហ្គាស និងជាតិស្ករច្រើន ប្រសិនបើបងប្អូនទទួលទានជាប្រចាំនឹងធ្វើឱ្យបងប្អូនប្រឈមមុខនិងជំងឺផ្សេងៗ លើសជាតិស្ករ ធ្វើឱ្យគីឡូ ថែទាំងធ្វើឱ្យបាត់បង់ខូឡូចេននៅក្នុងខ្លួនឆាប់ចាស់មុនអាយុ។

ថ្ងៃនេះចាបបៃតងនិងនាំបងប្អូនមកស្គាល់ពីភេសជ្ជៈធម្មជាតិទាំង៣ប្រភេទ ងាយស្រួលរកទិញ ងាយស្រួលធ្វើ អាចធ្វើលក់បាន ហើយជួយឱ្យសុខភាពល្អផងដែរ។

ប័រក្រឡុក៖ ផ្លៃប័រជាផ្លែឈើមួយប្រភេទដែលបានគុណសម្បត្តិមហាសាលសម្រាប់សុខភាព។ ផ្លែប័រ ពោរពេញទៅដោយ វីតាមីន C, E, K និង B6 ដែលជួយធ្វើឱ្យស្បែករលោងស្អាត។ អាចយកផ្លែប័រក្រឡុកជាមួយទឹកដោះគោឆៅ ឬទឹកដោះគោសស្រស់ ឬបន្ថែមគ្រាប់ធញ្ញជាតិទទួលទានជារាងរាល់ថ្ងៃអាចជួយឱ្យសម្រក់គីឡូបាន។ គួរចៀសវៀងការបន្ថែមស្ករ ឬទឹកដោះគោខាប់ច្រើន ព្រោះសារជាតិផ្អែមនិងធ្វើឱ្យបងប្អូនងាយនឹងលើសគីឡូ។

ទឹកល្ពៅ ៖ ផ្លែល្ពៅសម្បូរដោយ វីតាមីន A វីតាមីនC ប៉ូតាស្យូម ជាតិកាកសរសៃ មានកាឡូរីទាបផងដែរ។ បងប្អូនអាចយកល្ពៅមកស្ងោរ ដោយលាយជាមួយអំបិល និងស្ករក្នុងបរិមាណតិចបំផុត ទទួលទានជាប្រចាំផ្ដល់ផលល្អដល់សុខភាព និងស្បែក សម្រួលដល់ការបន្ទោបង់ផងដែរ។ ម្យ៉ាងវិញទៀត អាចយកល្ពៅស្ងោរ ទៅក្រឡុកជាមួយ ទឹកដោះគោស្រស់ក៏បាន។

ទឹកក្រូច ៖ ផ្លែក្រូចត្រូវបានគេដឹងថាសម្បូរដោយជាតិវីតាមីនC ជួយឱ្យស្បែកភ្លឺថ្លា ភ្លឺរលោង ពន្យាភាពចាស់។ សម្រាប់សុខភាពវិញទទួលទានផ្លែក្រូចឬទឹកក្រូចស្រស់ជាប្រចាំ ជួយកាត់បន្ថយការឡើងសម្ពាធឈាម កាត់បន្ថយជំងឺសរសៃឈាមខួរក្បាល និងការពារមហារីផងដែរ។ ​បន្ថែមពីនោះក្រូចសម្បូរដោយជាតិកាកសរសៃ អាចជួយសម្រួលដល់ការរំលាយអាហារ កាត់បន្ថយជំងឺក្រពះពោះវៀន។ ផ្លែក្រូចក៏អាចយកទៅច្នៃជាទឹកក្រូចច្របាច់ក៏បាន ទទួលទានសាច់ក្រូចស្រស់ៗ ឬយកទៅក្រឡុកបញ្ជូលគ្នាជាមួយផ្លែឈើផ្សេងទៀតក៏បាន។

ភេសជ្ជៈទាំង៣ខាងលើនេះ បងប្អូនអាចទទួលទានជំនួសឱ្យភេសជ្ជៈកំប៉ុងបាន តែសូមកុំព្យាយាមបន្ថែមជាតិស្ករច្រើនខ្លាំងពេក ព្រោះវាមិនត្រឹមតែបាត់បងសារប្រយោជន៍ធម្មជាតិរបស់ផ្លែឈើទេ ជាតិស្ករថែទាំងអាចធ្វើឱ្យប៉ះពាល់ដល់សុខភាពបងប្អូនផងដែរ។ បងប្អូនគួរសិក្សាពីវិធីក្នុងការកែច្នៃទឹកផ្លែឈើស្រស់ៗបែបនេះឱ្យបានច្រើន មិនត្រឹមតែអាចជួយដល់សុខភាព តែក៏អាចធ្វើលក់រកចំណូលបន្ថែមបានផងដែរ៕

ប្រភព៖ herbeauty

អត្ថបទដោយ៖ Senghong