ថ្លើមប្រៀបដូចជារោងចក្រដ៏សំខាន់មួយក្នុងរាងកាយរបស់មនុស្សគ្រប់គ្នា។ ព្រោះថ្លើមមានតួនាទីដូចជាលាងសម្អាតឈាម បញ្ចូលជាតិពុលចេញពីរាងកាយ ជួយរក្សាទុកវីតាមីន និងជាតិរ៉ែសំខាន់ៗ ចិញ្វឹមរាងកាយទាំងមូល។ ហើយថ្លើមរបស់អ្នកមានសមត្ថភាពអាចច្រោះឈាម១លីត្រកន្លះក្នុងមួយនាទី។ បើថ្លើមរបស់អ្នកមានជំងឺណាមួយ រាងកាយរបស់អ្នកក៏មានបញ្ហាដែរ។ ភេសជ្ជៈ៣ផឹកពេលព្រឹករនាំងការពារថ្លើមចេញពីជំងឺ៖
១. ផឹកកាហ្វេពេលព្រឹកជួយពង្រឹងសុខភាពមុខងារថ្លើមបានល្អបំផុត។ ព្រោះនៅក្នុងកាហ្វេមានផ្ទុកមកនូវសារធាតុគីមីចំនួន២យ៉ាងគឺសារធាតុ Kahweol និងសារធាតុ Cafestol ជារនាំងការពារថ្លើមរបស់អ្នកឱ្យចេញពីជំងឺមហារីកថ្លើម។ ពេលអ្នកផឹកកាហ្វេសូមកុំដាក់ស្ករច្រើន ឬអត់ស្ករកាន់តែមានប្រសិទ្ធភាពជួយថ្លើម។ ហើយជាតិកាហ្វេអ៊ីននៅក្នុងកាហ្វេក៏ជាផ្នែកមួយជួយកាត់បន្ថយដំណាក់កាលលូតលាស់នៃជំងឺដុះសាច់ក្នុងថ្លើមផងដែរ។ អ្នកឃើញល្អទេ! ការផឹកកាហ្វេពេលព្រឹកឱ្យថ្លើមរបស់អ្នកមានសុខភាពល្អគ្មានបញ្ហាមហារីកនោះទេ។
២. បើយោងតាមរយៈគេហទំព័រ healthline ភេសជ្ជៈល្អសម្រាប់ថ្លើមនិងរាងកាយពេលព្រឹកគឺតែក្រូចឆ្មាក្តៅល្មមនេះឯង។ ជាការពិតណាស់! ការផឹកតែក្រូចឆ្មារក្ដៅៗគឺមានប្រយោជន៍ជួយបន្សាបជាតិពុលចេញពីថ្លើមបានច្រើនណាស់ ជាពិសេសជួយការពារថ្លើមចេញពីការរលាកដោយសារជាតិពុល។ សូមបញ្ជាក់ថាបងប្អូនដែលមានបញ្ហាក្រពះពោះវៀន គួរចៀសវាងផឹកមុនញុំាអាហារព្រោះអាចងាយនឹងចុកឆ្អល់ ក្រហាយក្រពះឡើងមកបាន។
៣. ផឹកទឹកទំបាំងបាយជូរពេលព្រឹកពិតជាជួយសុខភាពថ្លើមរបស់អ្នកបានល្អបំផុត។ ហើយភេសជ្ជៈនេះមានសមត្ថភាពអាចកម្ចាត់ជាតិពុលព្រោះវាមានសារធាតុប្រឆាំងអុកស៊ីតកម្មនិងជាតិសរសៃច្រើននេះឯង។ មិនត្រឹមតែប៉ុណ្ណោះទេ! ផ្លែឈើមួយនេះមានផ្ទុកនូវសារធាតុប្រឆាំងអ៊ុកស៊ីតកម្មពីរយ៉ាងដែលមានប្រសិទ្ធភាពការពាររលាកថ្លើម និងក្រិនថ្លើមគឺមានសារធាតុ Naringin និងសារធាតុ Naringenin ដែលជួយបង្កើតសមត្ថភាពអង់ទីករថ្លើមប្រឆាំងនឹងជំងឺផ្សេងៗ ។ ហើយអ្នកអាចហូបផ្លែទំពាំងបាយជូរស្រស់ៗ ពេលព្រឹកក៏មានប្រសិទ្ធភាពដូចជាការផឹកទឹកទំពាំងបាយជូរដែរ។ បើអ្នកបន្ថែមទម្លាប់ហាត់ប្រាណពេលព្រឹកមួយទៀត កាន់តែធ្វើឱ្យថ្លើមរបស់អ្នកគ្មានជំងឺមហារីកថ្លើម រលាកថ្លើម និងក្រិនថ្លើមនោះទេ៕ អត្ថបទដោយ៖ ទ្រ សុភាព