យោងតាមសេចក្តីប្រកាសក្រសួងសុខាភិបាល បានរកឃើញករណីអ្នកឆ្លងវីរុសកូរ៉ូណា ២ថ្មីបន្ថែមនៅក្រុងភ្នំពេញ មុននេះបន្តិច។

យោងតាមសេចក្តីប្រកាសដដែលបានឱ្យដឹងថា ករណី២នាក់ទៀត(មិនមានពាក់ព័ន្ធនឹងនាវា Wiking Crusie Journeyទេ) គឺត្រូវបានរកឃើញវិជ្ជមានវីរុសកូវីដ១៩ លើបុរសជនជាតិកាណាដា អាយុ៤៩ឆ្នាំ និងបុរសជនជាតិប៊ែកហ្សិក អាយុ៣៣ឆ្នាំ នៅរាជធានីភ្នំពេញ ដែលលទ្ធផលចេញនៅវេលាម៉ោង១៦៖០០រសៀល នាថ្ងៃទី១៣ ខែមីនា ឆ្នាំ២០២០ ហើយបុរសវិជ្ជមានវីរុសកូវីដ១៩ទាំង២នេះ ត្រូវបានយកមកដាក់ឱ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។

សម្រាប់ការងារដែលត្រូវធ្វើបន្ត គឺត្រូវស្រាវជ្រាវរកអ្នកដែលប៉ះពាល់ផ្ទាល់ ឬប្រយោលជាមួយបុរសជាតិកាណាដា និងជនជាតិប៊ែកហ្សិក វិជ្ជមានវីរុសកូវីដទាំង២នេះ ដែលក្រុមការងារខាងលើកំពុងតែសកម្មធ្វើ។