មជ្ឈមណ្ឌលត្រួតពិនិត្យជាតិពុលនៃមន្ទីរពេទ្យ Bach Mai ទីក្រុងហាណូយ បានធ្វើតេស្តនៅក្នុងបារីអេឡិចត្រូនិច ជាលើកដំបូងដោយបានរកឃើញវីតាមីន E acetate ដែលជាមេរោគ EVALI ភ្នាក់ងារថ្មីបង្កឲ្យមានការបំផ្លាញសួតយ៉ាងធ្ងន់ធ្ងរ។ នេះបើយោងតាមការចុះផ្សាយរបស់សារព័ត៌មាន Vnexpress ។

 បើតាមលោក Nguyen Trung Nguyen នាយកមជ្ឈមណ្ឌលប្រឆាំងជាតិពុល មន្ទីរពេទ្យ Bach Mai បានមានប្រសាសន៏ថា នេះគឺជាលើកទី១ហើយដែលប្រទេសវៀតណាម បានរកឃើញវីតាមីន E acetate នៅក្នុង​បារី​អេឡិចត្រូនិក ដែលវីតាមីននេះគឺជាសារធាតុរាវមានជាតិ Viscous ដែលត្រូវបានលាយជាមួយ tetrahydrocannabinol (THC)។ នៅពេលដែលវីតាមីននេះត្រូវបានកំដៅក្នុងបារីអេឡិចត្រូនិច ពួកវានឹងបង្កើតជាឧស្ម័ន ketene ដែលជាឧស្ម័នពុល ដែលបណ្តាលឲ្យមានការប៉ះពាល់សួតយ៉ាងធ្ងន់ធ្ងរ។

មេរោគ EVALI ត្រូវបានរកឃើញដំបូងនៅសហរដ្ឋអាមេរិកក្នុងឆ្នាំ២០១៩ ដែលបានកើនឡើងយ៉ាងខ្លាំងនៅក្នុងខែសីហា និងឈានដល់កម្រិតខ្ពស់បំផុតនៅក្នុងខែកញ្ញានៃឆ្នាំដដែល។ គិតត្រឹមថ្ងៃទី១៨ ខែកុម្ភៈ ឆ្នាំ២០២០ សហរដ្ឋអាមេរិកបានកត់ត្រាករណីជាង២,៨០០ ដែលក្នុងនោះមានអ្នកស្លាប់ចំនួន៦៨នាក់។ អាយុជាមធ្យមរបស់អ្នកជំងឺ ១៥% នៃការចូលមន្ទីរពេទ្យមានអាយុក្រោម១៨ឆ្នាំ និង ៣៧% មានអាយុចន្លោះពី ១៨ ទៅ ២៤ ឆ្នាំ។

យោងតាមលោក Nguyen Trung Nguyen បានអះអាងថា នេះគឺជាជំងឺដ៏គ្រោះថ្នាក់ អ្នកជំងឺទាំងអស់ត្រូវសម្រាកព្យាបាលនៅមន្ទីរពេទ្យក្នុងអត្រា ៧៦% ត្រូវការជំនួយអុកស៊ីសែន ២២% ខ្យល់មេកានិចមិនរាតត្បាត ២៦% ហើយនៅពេលជាសះស្បើយ ២៥ទៅ៨៥% នឹងវិវត្តទៅជាដុំសាច់ក្នុងសួតនៃកម្រិតផ្សេងៗគ្នា។

 លោកបានបន្តទៀតថា រោគសញ្ញារបស់ EVALI លេចឡើងជាច្រើនម៉ោង និងច្រើនសប្តាហ៍ រួមមាន ពិបាកដកដង្ហើម ក្អក ឈឺទ្រូង រាគ ឈឺពោះ ក្តៅខ្លួន និងអស់កម្លាំង។ បន្ទាប់ពីរោគសញ្ញាទាំងនោះបានកើតឡើង ចំនួនកោសិកាឈាមសកើនឡើង ហើយកាំរស្មី X បង្ហាញថាមេរោគចូលទៅស៊ីសួតឡើងប្រហោង ៕

អត្ថបទដោយ៖ ស្រីណុច