ក្រសួងសុខាភិបាលកម្ពុជាក្រោមអធិបតីយភាពរបស់ឯកឧត្តមបណ្ឌិតសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល កាលពីព្រឹកថ្ងៃច័ន្ទ ទី២២ ខែមិថុនា ឆ្នាំ២០២០ បានធ្វើបច្ចុប្បន្នភាពមន្ទីរពេទ្យ ដាក់ឲ្យដំណើរជាផ្លូវការនូវកម្មវិធី Smart Hospital នៃ e-Health Yoeung ដំបូងបង្អស់នៅមន្ទីរពេទ្យព្រះអង្គឌួង
ហើយបន្តទៅមន្ទីរពេទ្យផ្សេងៗទៀតទូទាំងប្រទេស នេះបើការចុះផ្សាយនៅក្នុងវីដេអូរមួយក្នុង Blog របស់គេហទំព័រពេទ្យយើង នៅថ្ងៃច័ន្ទនេះ។
សូមជម្រាបថា កម្មវិធី Smart Hospital នៃ e-Health Yoeung របស់ ”ពេទ្យយើង” គឺជាកម្មវិធីគ្រប់គ្រងកំណត់ត្រាប្រវត្តិព្យាបាលនិងការណាត់ជួបរបស់អ្នកជម្ងឺជាមួយវេជ្ជបណ្ឌិតនៅលើទូរស័ព្ទដៃ និងកាត Smart Digital ដោយគ្រាន់តែអ្នកជម្ងឺភ្ជាប់ App e-Health Yoeung នៅលើទូរស័ព្ទដៃ និងកាត Smart Digital ពួកគេអាចគ្រប់គ្រងទិន្នន័យសុខភាពទាំងអស់របស់ពួកគេបានយ៉ាងងាយស្រួល គ្រប់ពេលវេលានិងគ្រប់ទីកន្លែង។
កម្មវិធីនេះបង្កើតឡើងដោយស្ថាបនិកលោកស្រី ពង្ស លឹមសាន ក្នុងចក្ខុវិស័យរួមចំណែកអភិវឌ្ឃសេវាសុខាភិបាលឌីជិថលនៅកម្ពុជាតាមរយៈការប្រើប្រាស់បច្ចេកវិទ្យាទំនើបជាមួយនឹងរាជរដ្ឋាភិបាលតាមរយៈក្រសួងសុខាភិបាល និងមន្ទីរពេទ្យរដ្ឋ ឯកជននានាដើម្បីសុខភាពពលរដ្ឋនិងអ្នកមកទទួលសេវាព្យាបាលទាំងអស់
នៅតាមមន្ទីរពេទ្យរដ្ឋនិងឯកជននៅកម្ពុជា។ ហើយកម្មវិធីត្រូវបានទទួលស្គាល់ដោយក្រសួងសុខាភិបាលនិងជ្រើសរើសជាដៃគូផ្តល់ដំណោះស្រាយផ្នែកប្រព័ន្ធគ្រប់គ្រងមន្ទីរពេទ្យបែបឌីជីថល ចាប់តាំងពីក្រោយពីធីបុណ្យចូលឆ្នាំខ្មែរ។
ឯកឧត្តមបណ្ឌិតម៉ម ប៊ុនហេងបានមានប្រសាសន៍ក្នុងពេលចូលរួមកម្មវិធីថា “Smart Hospital របស់ e-Health Yoeung អាចអោយមន្ទីរពេទ្យគ្រប់គ្រងអ្នកជម្ងឺប្រកបដោយប្រសិទ្ធភាពខ្ពស់ដូចជាដឹងពីប្រវត្តិអ្នក ជម្ងឺ រំលឹកអ្នកជម្ងឺមកជួបគ្រូពេទ្យ និងអាចឲ្យអ្នកជម្ងឺណាត់ជួបគ្រូពេទ្យតាមប្រព័ន្ធឌីជីថលដើម្បីពិគ្រោះជម្ងឺបានទៀតផង”។ “បើចង់ទៅពេទ្យ ឥឡូវនេះមិនចាំបាច់កាន់ឯកសារពេទ្យទៅច្រើនទេ កាន់តែកាតនេះមួយទៅបានហើយ”។ “នេះជាប្រយោជន៍នៃកម្មវិធីនេះ”។
គួរបញ្ជាក់ថា កម្មវិធីថា “Smart Hospital របស់ e-Health Yoeung នេះជាការអភិវឌ្ឍន៍រីកចម្រើនថ្មីមួយទៀតនៃសេវាសុខាភិបាលនៅកម្ពុជា។
ប្រភព www.pethyoeung.com
អត្ថបទដោយ ហៃ សុចិន្តា
