កាលពីថ្ងៃទី៣០ ខែវិច្ឆិកា ឆ្នាំ២០២១កន្លងទៅ ប្រភពChannelnewsasiaបានឱ្យដឹងថា សកលវិទ្យាល័យ Oxfordបាននិយាយថា មិនទាន់មានភ័ស្តុតាងណាមួយបញ្ជាក់ច្បាស់នៅឡើយនោះទេថា វ៉ាក់សុំាំងដែលបានចាក់កន្លងមកគ្មានប្រសិទ្ធភាពក្នុងការទប់ទល់ជាមួយនឹងវីរុសបំប្លែងថ្មី អូមីក្រុង។
យ៉ាងណាមិញ WHOក៏បានលើកឡើងផងដែរថា វ៉ាក់សុំាង គឺជាអាវក្រោះក្នុងការជួយទប់ស្កាត់និងរារាំងអ្នកពីការរាតត្បាតនៃជំងឺ ឬវីរុសផ្សេងៗ។ ត្បិតតែអ្នកចាក់វ៉ាក់សុំាងរួចនៅតែអាចឆ្លងក៏ពិតមែន ក៏ប៉ុន្តែពួកគេគឺមិនស្ថិតក្នុងស្ថានភាពធ្ងន់ធ្ងរដូចក្រុមមនុស្សដែលមិនចាក់វ៉ាក់សុំាងនោះទេ។ WHOសូមក្រើនរម្លឹកថាសូមកុំអាលស្លន់ស្លោជាមួយនឹងការកើតឡើងនៃវីរុសប្រភេទអូមីក្រុងនេះ ពីព្រោះខណៈពេលនេះមានក្រុមហ៊ុនផលិតវ៉ាក់សុំាងជាច្រើនដូចជា Pfizer , AstraZeneca,Modernaបានកំពុងតែព្រួតដៃគ្នាក្នុងការជួយទប់ស្កាត់វីតរុសនេះទៅស្ងប់ស្ងាត់ទៅវិញផងដែរ។
លើសពីនេះ ក្រុមហ៊ុនAstrazenecaបានចេញមុខអះអាងថា កម្រិតប្រសិទ្ធភាពវ៉ាក់សុំាងរបស់ខ្លួន គឺបានផលិតឡើងមកក្នុងការប្រឆាំងនឹងវីរុសកាចសាហាវ ដូច្នេះខ្លួនៅតែមានការជឿជាក់យ៉ាងមុតមាំថា កម្រិតវ៉ាក់សុំាងខ្លួនគឺអាចទប់ទល់ជាមួយវីរុស អូមីក្រុងនេះបាន។ ទោះជាយ៉ាងណាក៏ដោយ ក្រុមហ៊ុនផលិតវ៉ាក់សុំាងធំៗទាំងនេះនឹង ពង្រឹងទៅលើការផលិតវ៉ាក់សុំាងដែលមានប្រសិទ្ធភាពបន្ថែមទៀត ដើម្បីប្រឆាំងនឹងវីរុសដែលបានកើតឡើង។
អត្ថបទដោយ៖ តឹក ស៊ីថា