PPE មានពាក្យកាត់មកពី Personal protective equipment គឺជា សម្លៀកបំពាក់ការពារ មួកសុវត្ថិភាព វ៉ែនតា ឬឧបករណ៍ផ្សេងទៀតដែលត្រូវបានគេរចនាឡើង ដើម្បីការពាររាងកាយពីការរងរបួស ឬការឆ្លងមេរោគ។ ជាទូទៅសម្ភារៈការពារទាំងនោះធ្វើឡើងសម្រាប់ការពារផ្នែកសំខាន់ៗនៃសរីរាង្គដោយរួមមានដូចជា ផ្លូវដង្ហើម ភ្នែក មុខ ក្បាល ត្រចៀក និងរាងកាយ។

យោងតាមរយៈប្រភព osha.gov បានលើកបង្ហាញឱ្យដឹងដែរថា សម្លៀកបំពាក់PPE ដែលគេបានលើកឡើងក្នុងសម័យកូវីដ១៩ គឺសំដៅលើសម្លៀកបំពាក់ និងសម្ភារៈប្រើប្រាស់របស់ក្រុមគ្រូពេទ្យសកម្មដែលចុះទៅយកសំណាក តេស្តសុខភាពប្រជាជន ឬមើលថែសុខភាពអ្នកជំងឺ...ជាដើម ក្នុងគោលបំណងការពារពីការឆ្លង ឬប៉ះពាល់ផ្ទាល់ជាមួយអ្នកជំងឺ។

យ៉ាងណាមិញកម្រិតនៃការប្រើប្រាស់PPE ក៏ត្រូវបានគេបែងចែកចេញជា ៣កម្រិតទៀត ដោយរួមមានដូចជា៖

កម្រិតទី១ ៖ ម៉ាសការពារមេរោគឆ្លងតាមផ្លូវដង្ហើម។

កម្រិតទី២ ៖ ម៉ាសការពារមេរោគឆ្លងតាមផ្លូវដង្ហើម វែងតា ឬរបាំងការពារភ្នែក អាវការពារ និង ស្រោមដៃ។

កម្រិតទី៣ ៖ ប្រភេទម៉ាសអាចការពារមេរោគឆ្លងតាមផ្លូវដង្ហើមកម្រិតខ្ពស់ វែងតា ឬរបាំងការពារភ្នែក សម្លៀកបំពាក់ការពារពេញមួយតួខ្លួន និង ស្រោមដៃ។