មន្ត្រីសុខាភិបាលអាមេរិក លោកវេជ្ជបណ្ឌិត Vivek Murthy បានព្រមានថាការប្រើការប្រព័ន្ធផ្សព្វផ្សាយបណ្ដាញសង្គមអាចបង្កគ្រោះថ្នាក់ដល់កុមារនិងមនុស្សវ័យជំទង់នេះបើតាមការឱ្យដឹងពីប្រភព Abcactionnews។

លោកវេជ្ជបណ្ឌិត Vivek Murthy និយាយថា ប្រើពេលវេលាច្រើនពេកនៅលើអ៊ីនធឺណិតមានផលប៉ះពាល់អវិជ្ជមានលើសុខភាពផ្លូវចិត្តរបស់កុមារ និងក្មេងជំទង់ រួមទាំងជំងឺធ្លាក់ទឹកចិត្ត និងការថប់បារម្ភ ហើយកំពុងអំពាវនាវឱ្យក្រុមហ៊ុនបច្ចេកវិទ្យា និងសមាជិកសភាចាត់វិធានការជាបន្ទាន់ដើម្បីការពារសុខភាពរបស់ពួកគេ។

ដោយបានបន្ថែមទៀតថា ក្មេងជំទង់ដែលចំណាយពេលលើសពី ៣ម៉ោងក្នុង១ថ្ងៃ នៅលើប្រព័ន្ធផ្សព្វផ្សាយសង្គមប្រឈមនឹងហានិភ័យទ្វេដងនៃរោគសញ្ញាថប់បារម្ភ និងជំងឺធ្លាក់ទឹកចិត្ត ហើយជិតពាក់កណ្តាលនៃមនុស្សវ័យជំទង់ដែលប្រើប្រាស់ប្រព័ន្ធផ្សព្វផ្សាយសង្គមនិយាយថាការប្រើប្រាស់ប្រព័ន្ធផ្សព្វផ្សាយសង្គមរបស់ពួកគេធ្វើឱ្យពួកគេមានអារម្មណ៍មិនល្អចំពោះរាងកាយរបស់ពួកគេ។

ជាការព្រួយបារម្ភរបស់លោក គឺទិន្នក្មេងៗទៅសហរដ្ឋអាមេរិក ១ភាគ៣ ពួកគេកំពុងតែលេងអិនធឺណែតរបស់ដល់យប់អធ្រាត្រ ឬអាចលើសនេះទៀតក្នុងការចំណាយពេលជាមួយ ទូរស័ព្ធរបស់ពួកគេ។ អ្វីដែលគាត់ចង់បានគឺឱ្យក្មេងៗទទួលបានអត្ថប្រយោជន៍ពីបច្ចេកវិទ្យា តែត្រូវប្រាកដថាមិនបង្កគ្រោះថ្នាក់សម្រាប់ពួកគេ ហេតុនេះទើបអាមេរិកជម្រុញឱ្យមានគោលនយោបាយនិងក្រុមហ៊ុនបច្ចេកវិទ្យា ដើម្បីធ្វើអន្តរាគមន៍ករណីនេះឱ្យបានឆាប់រហ័ស៕

អត្ថបទដោយ៖ Senghong