សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នឹងរៀបចំ កម្មវិធីពិនិត្យ និងព្យាបាលជំងឺដោយឥតគិតថ្លៃ

យោងតាមរយៈរដ្ឋបាលខណ្ឌកំពូល បានជូនដំណឹង នាថ្ងៃទី១១ ខែ មីថុនា ឆ្នាំ២០២៤នេះបានឱ្យដឹងថា ក្នុងមូលដ្ឋានខណ្ឌកំបូល ឱ្យបានជ្រាបថា សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) នឹងរៀបចំ កម្មវិធីពិនិត្យ និងព្យាបាលជំងឺដោយឥតគិតថ្លៃ ជូនដល់បងប្អូនប្រជាពលរដ្ឋ និងកម្មករ កម្មការិនី នៅក្នុងភូមិសាស្ត្រ ខណ្ឌកំបូល រាជធានីភ្នំពេញ។

កម្មវិធីពិនិត្យសុខភាព ដោយមិនគិតថ្លៃនេះ គឺ ប្រព្រឹត្តទៅនៅថ្ងៃអាទិត្យ ទី២៣ ខែមិថុនា ឆ្នាំ២០២៤ ចាប់ពីវេលាម៉ោង ៧:០០នាទីព្រឹក រហូតដល់វេលាម៉ោង ១២:០០នាទីថ្ងៃត្រង់ ស្ថិតក្នុងបរិវេណសាលាបឋមសិក្សាទ្រនំប្រឹង ផ្លូវលេខ៤២ ភូមិខ្ចៅ សង្កាត់បឹងធំ ខណ្ឌកំបូល រាជធានីភ្នំពេញ ។

ចំពោះប្រភេទជំងឺមានដូចខាងក្រោមនេះ៖

១.ជំងឺទូទៅ

២.ជំងឺភ្នែក

៣.ជំងឺត្រចៀក ច្រមុះ និងបំពង់ក

៤.ជំងឺសើស្បែក

៥.ជំងឺក្រពះ ពោះវៀន និងឫសដូងបាត

៦.ពិនិត្យឈាម

៧.អេកូទូទៅ អេកូពោះ អេកូផ្ទៃពោះ

៨.ជំងឺបេះដូង

៩.ជំងឺវះកាត់តូច

១០.ព្យាបាលជំងឺសន្លាក់

១១.ពិនិត្យ និងព្យាបាលជំងឺមាត់ធ្មេញ

១២.មានថត Xray: សួត និងឆ្អឹង

១៣.ជំងឺផ្សេងៗ។

អាស្រ័យហេតុនេះ សូមបងប្អូនប្រជាពលរដ្ឋ និងកម្មករ កម្មការិនី ដែលមានបញ្ហាសុខភាព និងជំងឺ ដូចបានជម្រាបជូនខាងលើ សូមមេត្តារួសរាន់អញ្ជើញមកពិនិត្យ និងព្យាបាលជំងឺដោយឥតគិតថ្លៃពីសមាគម គ្រូពេទ្យស្ម័គ្រចិត្តយុវជនសម្តេចតេជោ (TYDA) នៅទីកន្លែង និងកាលបរិច្ឆេទដែលបានកំណត់ខាងលើ ព្រមទាំង សូមអញ្ជើញមកដល់ទីតាំងពិធីនៅវេលាម៉ោង ៦:០០នាទីព្រឹកជាកំណត់៕