ប្រហែលជា ២០ ភាគរយនៃកាឡូរីដែលយើងប្រើប្រាស់ត្រូវបានផ្គត់ផ្គង់ឱ្យខួរក្បាល។ ក្រៅពីតំរូវការថាមពលឥតឈប់ឈរប្រព័ន្ធសរសៃប្រសាទដ៏ស្មុគស្មាញរបស់យើងត្រូវការបរិមាណយ៉ាងច្រើននៃសារធាតុចិញ្ចឹម ក៏ដូចជាទម្លាប់ល្អៗផ្សេងទៀត ដើម្បីរក្សាខួរក្បាលឱ្យមានដំណើរការល្អ ពិសេសកាន់តែយកចិត្តទុកដាក់បន្ថែមទៀតនៅពេលឈានដល់វ័យចំណាស់។

ក្រៅពីវីតាមីនបេ ១២ និងជាតិដែកមានសារធាតុប្រឆាំងអុកស៊ីតកម្មនិងមីក្រូសារជាតិផ្សេងៗទៀតដែលជួយឱ្យខួរក្បាលដំណើរការបានដល់កម្រិតកំពូល។ សារធាតុចិញ្ចឹមទាំងនេះត្រូវបានបាត់បង់យ៉ាងខ្លាំងពីអាហារកែច្នៃ។ ប្រសិនបើអ្នកចង់ធ្វើឱ្យខួរក្បាលរបស់អ្នកមានសុខភាពល្អនិងរីករាយសូមប្រាកដថាញ៉ាំអាហារមានជីវជាតិគ្រប់គ្រាន់ពិតៗ។

នេះគឺជាគន្លឹះខ្លះៗដើម្បីជួយខួរក្បាលមានសុខភាពល្អ៖

ធ្វើចលនាបញ្ចេញញើស៖ ការហាត់ប្រាណមិនត្រឹមតែសំខាន់សម្រាប់សុខភាពរាងកាយរបស់អ្នកប៉ុណ្ណោះទេ។ វាក៏អាចជួយឱ្យខួរក្បាលអ្នកកាន់តែមានភាពមុតស្រួចផងដែរ។

គេងឱ្យបានគ្រប់គ្រាន់ មិនត្រឹមតែជួយឱ្យខួរក្បាលដំណើរការល្អទេ សូម្បីការញុំាអាហារដែលមិនល្អក៏ជួយកាត់បន្ថយដែរ។

-ញុំាទឹកឱ្យបានគ្រប់គ្រាន់ ការញុំាទឹកមិនបានគ្រប់គ្រាន់ធ្វើឱ្យប្រព័ន្ធសរសៃប្រសាទខូចខាត ប៉ះពាល់ដល់ការផ្តោតអារម្មណ៍ ការចងចាំ ប៉ះពាល់ដល់ការគេង ធ្វើឱ្យឈឺក្បាល ឆាប់ខឹង និងកើតមានបញ្ហាធ្លាក់ទឹកចិត្តជាដើម។

-ទទួលយកវីតាមីនឌីឱ្យបានគ្រប់គ្រាន់ នេះជាសារធាតុចាំបាច់សម្រាប់ដំណើរការខួរក្បាលណាស់ អ្នកអាចស្រូបយកពីព្រះអាទិត្យ ការញុំាផ្សិត ខ្លាញ់ត្រី ឬថ្នាំគ្រាប់ដែលមានស្ដង់ដាត្រឹមត្រូវជាដើម។

-កាត់បន្ថយអាហារដែលមានផ្ទុកជាតិស្កខ្ពស់ពិសេសប្រភេទស្កផ្អែមដែលកែច្នៃ។ជាតិផ្អែមមានសមត្ថភាពបំផ្លាញខួរក្បាលខ្ពស់ ហេតុនេះត្រូវជៀសវាងឱ្យបាន។

-ជៀសវាងប្រភេទអាហារខ្លាញ់ដែលមិនល្អ ហើយផ្តោតលើប្រភេទខ្លាញល្អដែលបានពីគ្រាប់ធញ្ញជាតិ ផ្លែប៊រ និងត្រីជាដើម។

-បរិភោគផ្លែឈើនិងបន្លែចម្រុះពណ៌។ ពណ៌នីមួយៗនៃបន្លែផ្លែឈើ តំណាងឱ្យសំណុំនៃសារធាតុប្រឆាំងអុកស៊ីតកម្មផ្សេងៗគ្នា។ ជាពិសេសពពួកផ្លែប៊ឺរី(ប៊្លូប៊ឺរី ឈើរី ស្រ្តប៊ឺរី..)មានសារធាតុប្រឆាំងអុកស៊ីតកម្មបានខ្ពស់ ជួយកម្ចាត់ជាតិពុលដែលមានក្នុងខួរក្បាល។

-បន្ថែមប្រភេទគ្រឿងទេស(Spices) ដែលជំនួយដល់សុខភាពបន្ថែមទៅក្នុងម្ហូបអាហារ ឬឆុងជាតែជាដើម ដូចជារមៀត ម្រេច ខ្ញី ឈើក្រអូប ប្រភេទគ្រឿងទេសទាំងនេះក៏រួមចំណែកជួយឱ្យប្រព័ន្ធភាពសុំាកាន់តែរឹងមាំផងដែរ។

ការទទួលទានអាហារអាចមានការទាក់ទងច្រើនទៅនឹង សុខភាពខួរក្បាល ហេតុនេះក្រៅពីទទួលទានទឹក គេង និងហាត់ប្រាណគ្រប់គ្រាន់ សូមចាប់អារម្មណ៍លើរបបអាហារ ហើយការញុំានេះផងដែរក៏ ជួយរក្សារាងកាយយើងឱ្យមានសុខភាពល្អមិនឡើងគីឡូផងដែរ។

អត្ថបទដោយ៖ ភោគ ម៉ារី