នៅថ្ងៃទី២១ កក្កដា ២០២១ម្សិលមិញនេះ យោងតាមប្រភព The Thaigerបានឱ្យដឹងថា គ្រូបង្រៀនអាយុ ៣៩ ឆ្នាំម្នាក់បានស្លាប់នៅថ្ងៃបន្ទាប់ បន្ទាប់ពីនាង បានចាក់វ៉ាក់ AstraZeneca ជាដូសទី២ ខណៈដូសទី១ គឺវ៉ាក់សាំង Sinovac របស់ចិន។

នៅក្នុងសេចក្ដីលម្អិតបានឱ្យដឹងទៀតថា ក្រោមគោលនយោបាយថ្មីរបស់រដ្ឋាភិបាលថៃដែលហៅថា “វ៉ាក់សាំងលាយបញ្ចូលគ្នា” ការចាក់វ៉ាក់សាំង AstraZeneca គឺត្រូវបានប្រើជាដូសទី ២ និង Sinovac សម្រាប់ប្រើដូសទី១ ។ គេយល់ថាវ៉ាក់សាំង AstraZeneca មានប្រសិទ្ធភាពប្រឆាំងនឹងវីរុសបម្លែងខ្លួនថ្មី Delta ដែលអាចទទួលបានប្រសិទ្ធិភាពខ្ពស់ក្នុងការទប់ស្កាត់ខណៈពេលដែលវីរុសនេះ កំពុងរាលដាលជាង៦០%នៃការឆ្លងក្នុងប្រទេសថៃ។ 

បើតាមបុរសជាស្វាមី អ្នកទាំងពីរបានចាក់វ៉ាក់សាំង AstraZeneca កាលពីថ្ងៃច័ន្ទនៅមន្ទីរពេទ្យ Prachuap ។ ពួកគេទាំងពីរបានចាប់ផ្តើមជួបប្រទះនូវផលប៉ះពាល់ទូទៅនៃអាការៈ ឈឺក្បាល និងក្តៅខ្លួន។ លុះដល់ពេលល្ងាចស្ត្រីជាប្រពន្ធក៏ចាប់ផ្តើមមានអាការៈចង់ក្អួត ចង្កោរ ខុសប្លែកពីធម្មតា ដោយនៅម៉ោងប្រមាណ ៧យប់នាងក៏បានស្លាប់បាត់ទៅ។

យ៉ាងណាមិញ ក្រសួងសុខាភិបាលសាធារណៈត្រូវការស៊ើបអង្កេតបន្ថែមទៀត ខណៈស្រីជាគ្រូបង្រៀនដែលបានស្លាប់រូបនោះ មានជំងឺប្រចាំកាយស្រាប់គឺ លើសឈាម។

គួរបញ្ជាក់ថា រហូតមកដល់ពេលនេះមិនមានអ្នកស្លាប់នៅក្នុងប្រទេសថៃដែលទាក់ទងដោយផ្ទាល់ទៅនឹងវ៉ាក់សាំងកូវីដ១៩ នោះទេ។

យ៉ាងណាមិញ កន្លងមកអង្គការសុខភាពពិភព(WHO)ក៏បានចេញសារព្រមាន មិនអនុញ្ញាតឱ្យប្រទេសណាមួយចាក់វ៉ាក់ស៊ាំងលាយគ្នានោះទេ ជាពិសេស គឺការចាក់វ៉ាក់ស៊ាំងលាយបញ្ចូលគ្នារវាង ក្រុមហ៊ុនវ៉ាក់ស៊ាំងដែលផលិតឡើងពីក្រុមហ៊ុន២ផ្សេងគ្នា ដូចជាក្រុមហ៊ុនPfizer ជាមួយAstrazeneca ឬ Astrazeneca ជាមួយSinovac ជាដើម។ មូលហេតុ គឺមិនទាន់មានការសិក្សាស្រាវពីទិន្ន័យច្បាស់លាស់នៃប្រសិទ្ធភាពវ៉ាក់ បន្ទាប់ពីការលាយបញ្ចូលគ្នា។

អាស្រ័យដូចនេះ សូមបងប្អូនទាំងអស់គ្នាកុំចាក់វ៉ាក់ស៊ាំងាលាយផ្ដេសផ្ដាស ខុសទៅនឹងគោលការណ៍របស់ក្រសួងសុខាភិបាលឱ្យសោះ។

អត្ថបទដោយ៖ តឹក ស៊ីថា