ប្រសិនបើអ្នកចង់ការពង្រីកអាយុជីវិតរបស់អ្នកឱ្យអាយុវែង និងមានសុខភាពល្អ។ អ្នកត្រូវមានលំហាត់ប្រាណដែលឈរលើមូលដ្ឋានបែបធម្មជាតិឱ្យច្រើនមានបន្លែ និងផ្លែឈើឱ្យច្រើនជាងសាច់។ ពីព្រោះអាហារប្រភេទទាំងអស់នេះ សម្បូរដោយប្រូតេអ៊ីន និងវីតាមីន...។ បើតាមលោកវេជ្ជបណ្ឌិត Amir Khan បានបញ្ជាក់នៅលើទូរទស្សន៍ Lorraineគ្រាន់តែអ្នកធ្វើរឿងមួយនេះ ចំនួន១០នាទី ជួយឱ្យអ្នកកាត់បន្ថយការស្លាប់ ១០% គឺការធ្វើលំហាត់ប្រាណនេះឯង។
នេះជាពេលវេលាដែលមនុស្សគ្រប់គ្នាអាចធ្វើបានទាំងអស់គ្នា គ្រាន់តែចំណាយពេល១០នាទីប៉ុណ្ណោះក្នុងមួយថ្ងៃ។ អ្នកសួរថា លំហាត់ប្រាណបែបណាល្អចំពោះសុខភាព? លំហាត់ប្រាណមានច្រើនណាស់ សម្រាប់អ្នកទាំងអស់គ្នានិយមចូលចិត្តធ្វើវា មានដូចជា ការហែលទឹក ការដើរ និងការរត់ជាដើម។ ហើយលោកវេជ្ជបណ្ឌិត Amir បាននិយាយថា “ការធ្វើលំហាត់ប្រាណនេះ ចំនួន ១០នាទី ជួយកាត់បន្ថយកការស្លាប់របស់អ្នកបាន១០%។ ហើយការមានចលនានេះ ល្អសម្រាប់មនុស្សគ្រប់គ្នា។”
ការលំហាត់ប្រាណ ដើម្បីពង្រឹងរាងកាយ កុំឱ្យឆាប់ចុះខ្សោយតាមអាយុ និងប្រឆាំងជំងឺផងដែរ។ លោកវេជ្ជបណ្ឌិតបានបញ្ជាក់ថា ការធ្វើលំហាត់ប្រាណដូចជាការរាំ និងការថែសួន ក៏ជួយចង្វាក់បេះដូងរបស់អ្នកបានល្អប្រសើរដែរ។” មានការវាស់ស្ទង់ពីសុខភាពរាងកាយកម្រិតមធ្យមទៅខ្លាំង ដោយផ្អែកលើទិន្នន័យដែលប្រមូលបានពីអ្នកស្ម័គ្រចិត្ត ដែលពាក់ឧបករណ៍វាស់ល្បឿនរយៈពេលមួយសប្តាហ៍ និងរយៈយូរផងដែរថា តើពួកគេសកម្មបានកម្រិតណា?
មានករណីការប៉ាន់ប្រមាណរបស់អ្នកស្រាវជ្រាវបានរកឃើញថា ការបង្កើនសកម្មភាពរាងកាយ ១០នាទីក្នុងមួយថ្ងៃនឹងការពារការស្លាប់ចំនួនមនុស្ស ១១១.១៧៤នៅទូទាំងប្រជាជនអាមេរិកជារៀងរាល់ឆ្នាំ (៦.៩%) ។ ហើយមានអ្នកហាត់ប្រាណរយៈពេល ២០នាទី ជួយមនុស្សគេចពីការស្លាប់ចំនួន ២០៩.៤៥៩នាក់ក្នុងមួយឆ្នាំ(១៣%)។ សម្រាប់អ្នកហាត់ប្រាណ ៣០នាទី ជួយកាតបន្ថយមនុស្សស្លាប់ ២៧២.២៩៧នាក់(១៦.៩%) ក្នុងមួយឆ្នាំ។
ដូចនេះ ការធ្វើលំហាត់ប្រាណជួយឱ្យអ្នកមានអាយុវែង និងសុខភាពរឹងមាំផងដែរ។ សម្រាប់មនុស្សរស់នៅតាមតំបន់អាយុវែង ក៏ធ្វើលំហាត់ប្រាណជាប្រចាំថ្ងៃ និងមានរបបអាហារល្អចំពោះសុខភាពដែរ។ ចូរធ្វើលំហាត់ប្រាណទាំងអស់គ្នា ដើម្បីសុខភាព និងការពារជំងឺផងដែរ៕
អត្ថបទដោយ៖ ទ្រ សុភាព
