មតិជាច្រើនតែងនិយាយថាមនុស្សយើងត្រូវការរស់ពឹងគ្នាទៅវិញទៅមក ប៉ុន្តែពេលខ្លះអ្នកប្រហែលមានអារម្មណ៍ថាមិនចង់ឱ្យអ្នកដទៃមកលំបាកចិត្តជាមួយតើបចង់រកវិធីធ្វើឱ្យខ្លួនឯងរីករាយ កាត់ភាពតានតឹងចោលខ្លះ។

ថ្ងៃនេះចាបបៃតងសូមណែនាំ ក្បួន ដើរ ញញឹម ម្នាក់ឯង ដែលអាចជួយឱ្យអារម្មណ៍មមិត្តអ្នកអានបានប្រសើរឡើង។

ក្បួនថ្មីក្នុងការកាត់ភាពតានតឹង ដើរ ញញឹម ម្នាក់ឯង រួមមាន៖

១.ដើរ

ការដើរជាសកម្មភាពរបស់រាងកាយដែលអាចជួយកាត់បន្ថយការបាក់ទឹកចិត្ត ជាបញ្ហាមួយដែលមនុស្សជុំវិញពិភពលោកកំពុងជួបប្រទះ។តាមការឱ្យដឹងរបស់verywell​ ការដើរ ២០០ នាទីក្នុងមួយសប្តាហ៍ (អាចតិចជាង ៣០ នាទីក្នុងមួយថ្ងៃ) ជួយកាត់បន្ថយការធ្លាក់ទឹកចិត្តនិងបង្កើនគុណភាពជីវិត។ ការពិតការស្រាវជ្រាវខ្លះបង្ហាញថាការដើរអាចមានប្រសិទ្ធភាពដូចថ្នាំប្រឆាំងនឹងជំងឺធ្លាក់ទឹកចិត្តដែរ។ហើយបើយើងពុំមានជំងឺនេះទេ គឺអាចជួយឱ្យអារម្មណ៍យើងស្រស់ថ្លាបាន ខុសពីអ្នកមិនបានហាត់ដើរជាប្រចាំ។

២.ញញឹម

ប្រសិនបើអ្នកឈឺចាប់ការញញឹមអាចជួយអ្នកឱ្យមានអារម្មណ៍ថាឈឺចាប់តិចជាងមុន។ ស្នាមញញឹមអាចបន្ថយចង្វាក់បេះដូងរបស់អ្នកក្នុងកំឡុងពេលសកម្មភាពតានតឹង ទោះបីជាអ្នកមិនមានអារម្មណ៍រីករាយឬតានតឹងក៏ដោយ។សូមគិតដល់រឿងរីករាយ ដែលធ្លាប់មាន ដើម្បីបង្កើនស្នាមញញឹមនៅពេលអ្នកមានអារម្មណ៍មិនល្អ នោះទើបជាតម្រូវការបេះដូងរបស់យើង។

៣.ម្នាក់ឯង

ពាក្យថា ម្នាក់ឯងនេះ គឺសម្ដៅដល់ការស្ថិតក្នុងទីស្ងប់ស្ងាត់មួយដើម្បីសមាធិ ឬឱ្យខួរក្បាលយើងបានសម្រាប់តាមរយៈលំហាត់ដង្ហើម ចេញចូល ដោយតម្រូវឱ្យផ្តោតលើតែដង្ហើម មិនគិតខ្វល់រឿងផ្សេង។ការធ្វើបែបនេះនឹងធ្វើឱ្យអ្នកមានអារម្មណ៍ថាធូរស្រាលបន្តិចម្ដងៗ ។

ត្រូវចាំថាវិធីនេះត្រូវអនុវត្តឱ្យបានជាប្រចាំ បូកផ្សំអារម្មណ៍វិជ្ជមានបន្ថែមដើម្បីទទួលបានប្រសិទ្ធភាពកាន់តែល្អ។