ត្បិតរុស្សីជាប្រទេសជឿនលឿនមួយ ដែលំណាចគ្រាន់បើក្នុងពិភពលោក ក៏នៅតែរងផលប៉ះពាល់ពីកូវីដ១៩ ដោយឥតប្រាប្រណី ហើយរហូតមកដល់ថ្ងៃនេះ មានករណីឆ្លងថ្មីរហូតដៅដល់ជាង២ម៉ឺននាក់ដែលជាចំនួនឆ្លងច្រើនជាងគេបំផុតក្នុងពិភពលោកនៅថ្ងៃទី១៣ខែមករានេះ។
យោងតាមការឱ្យដឹងរបស់ worldometer នាថ្ងៃទី១៣ខែ មករា ឆ្នាំ២០២០ នេះបានឱ្យដឹងថា ប្រទេសរុស្សីមានប្រជាជនសរុបចំនួន ២២ ៨៥០ នាក់រកឃើញផ្ទុកកូវីដ១៩ និង៥៦៦នាក់ទៀតបានស្លាប់បាត់បង់ជីវិតដោយសារជំងឺកាចសាហាវនេះ។
ទន្ទឹមជាមួយគ្នានេះដែរ ប្រទេស៣ទៀតក៏មានប្រជាជនឆ្លងកូវីដ១៩ លើស១ ម៉ឺននាក់ផងដែរ ដូចជា ប្រទេស ម៉ិកស៊ិក មានករណីឆ្លងជាង១.៤ម៉ឹននាក់ ឥណ្ឌូនេស៊ី ជាង១.១ ម៉ឺននាក់ និង ប្រទេសឆែក ជាង១ម៉ឹននាក់។
គួរជម្រាបដែរថា ប្រទេសរុស្សីកំពុងឈរនៅលេខរាងទី ៤ ធៀបនឹងករណីឆ្លងនៅទូទាំងពិភពលោក ដែលមានប្រជាជនឆ្លងនិងស្លាប់ដោយសារជំងឺកូវីដ១៩នេះ។
គួរបញ្ជាក់ដែរថា គិតមកដល់ថ្ងៃនេះ តាមប្រភពដដែលបានបង្ហាញថា នៅទូទាំងពិភពលោកមានករណីឆ្លងសរុបចំនួន៩២០៧៥១៥១នាក់ និង ស្លាប់សរុប១៩៧១៧២៤នាក់។
ដោយមានករណីឆ្លងនិងស្លាប់បាត់បង់ជីវិតកើនឡើង ជារាងរាល់ថ្ងៃ លើប្រជាជននៅទូទាំងសាកលលោក បែបនេះសូមប្រជាជនយើងបន្តការប្រុងប្រយ័ត្នជានិច្ចកុំប្រហែសឱ្យសោះ តាមរយៈការណែនាំរបស់ក្រសួងសសុខភិបាល ដើម្បីប្រទេសជាតិក៏ដូចជាសង្គមមានសុវត្ថិភាពមិនរងការវាយប្រហារពីជំងឺនេះជាបន្តបន្ទាប់។