ការសម្រកគីឡូ ជារឿងពិបាកមួយ ផ្នែកអារម្មណ៍ តែអ្នកត្រូវគិតថា គេអាចធ្វើបាន ​អ្នកក៏អាចធ្វើបានដែរ។ សូម្បីកញ្ញា Yang Soo Bin ធ្លាក់មានគីឡូ ១៣១គីឡូ រហូតស្រកគីឡូឱ្យមានរាងស្អាតបែបនេះ។ ថ្ងៃនេះ healthy-Cambodia សុំលើកពីវិធីសម្រកគីឡូដូចខាងក្រោមននេះ៖

អ្នកធាត់មានការប្រឈមនឹងជំងឺជាច្រើនមុខ។ សូម្បីកញ្ញា Yang Soo Bin ក៏ធ្លាប់មានជំងឺមហារីត្រង់បំពងកផងដែ។ ពេលនាងព្យាយាមសម្រកគីឡូ ក៏ធ្លាប់បរាជ័យជាច្រើនលើកផងដែរ។ អ្នកអាចឆ្ងល់ថា កញ្ញា Yang Soo Bin អាចសម្រកទម្ងន់បានដោយរបៀបណា? ចម្លើយគឺនាងមានគោលដៅចង់បានរាងស្អាត តែវាមិនងាយស្រួលទេ នាងបានចំណាយពេលវេលាហាត់ប្រាណ តមអាហារ និងនាងញ៉ាំអាហារល្មមៗ​ ៧០%នៃក្រពះ។ មនុស្សដែលចង់សម្រកទម្ងន់ អ្នកត្រូវសកម្មជាមួយការហាត់ប្រាណ និងស៊ូទ្រាំនឹងរបបអាហារ កុំហូបអាហារមានជាតិខ្លាញ់ច្រើន។

ចំណែកចំណីអាហារកញ្ញា Yang Soo Bin បានដាក់គោលដៅ ចង់បានរាងស្អាត និងចំអិនអាហារដោយខ្លួនឯង និងបានប្រកាន់ខ្ជាប់ខ្ជនតាមច្បាប់មានដូចជា កំណត់ម្សៅ ស្ករផ្អែម បង្កើនបន្លែបែតងប្រូតេអ៊ីន​ គ្រប់ល្ង ផ្លែបឺរ និងផ្លែឈើ។ មុខម្ហូបរបស់នាងច្រើនមាន​ត្រី ពងមាន់ សាច់មាន់គ្មានជាតិខ្លាញ់ ផ្សិត និងខ្ទឹមបារាំង។ នាងតែងមានទម្លាប់ក្រោយអាហារបីពេលហ្នឹង នាងមានផ្ទុកនៅភេសជ្ជៈប្រូតេអ៊ីនជានិច្ច។ នាងមិនបរិភោអាហារពេលយប់នោះទេ ពីព្រោះវាគ្មានពេលរលាយអាហារបានល្អ។

មុនពេលនាងសម្រកគីឡូ មុនដំបូង នាងមានអារម្មណ៍ពិបាកដែរ។ ពេលនាងព្យាយាមម្តងបន្តិចៗ រាងកាយរបស់នាងអាចសម្របខ្លួនបាន។ ពេលថ្ងៃនាងតែងផឹកទឹកយ៉ាងតិច ៣លីត្រជាង ដើម្បីឱ្យរាងកាយបំបាត់ជាតិពុល ជួយរំលាយអាហារ និងជួយដុតជាតិជាតិខ្លាញ់ផងដែរ។ មិនត្រឹមតែប៉ុណ្ណោះទេ នាង Yang Soo Bin ក៏ដាក់គោលដៅព្យាយាមហាត់ប្រាណដែរ។ នាងមានគ្រូបង្វឹកផ្ទាល់ខ្លួន ពេលនាងហាត់ប្រាណបានមួយរយៈ នាងបានរកឃើញលំហាត់ប្រាណដែលសមស្របនឹងខ្លួននាង។

ហើយនាងចាប់ផ្តើមហាត់ប្រាណបន្ថែមនៅផ្ទះ ពេលណាទំនេរ។ ហើយបានចំណាយពេលវេលា រយៈពេល ១០ ខែ ពី១៣១គីឡូក្រាម បានសម្រក នៅសល់គីឡូ ៩៣ គីឡូក្រាម។ នាង Yang Soo Bin តែងតែអនុវត្តចលនាចំនួន ៧ នៅរាល់វគ្គបណ្តុះបណ្តាល(របៀបហាត់ប្រាណ)។ លើសពីនេះនាងក៏ចំណាយពេលហាត់ប្រាណឱ្យបានច្រើននៅពេលល្ងាច និងធ្វើលំហាត់ប្រាណតាមបែបរ៉ូបូតក្នុងពេលទំនេររបស់នាង។

បំរាម៖ បើអ្នកចង់សម្រកគីឡូ អ្នកកុំហាត់ប្រាណដោយខ្លួនឯង មានហេតុពីរ ទីមួយ អ្នកហាត់តែម្នាក់ឯងមិនបានយូរទេ(មិនសូវមានផលទេ) ទីពីរ អ្នកកុំព្យាយាមហាត់ប្រាណដោយខ្លួនឯង ពីព្រោះការហាត់ប្រាណក៏មានរបៀបហាត់ដែរ។ អ្នកត្រូវមានគ្រូ ឬទៅហាត់ក្លឹបហាត់ប្រាណ ដើម្បីមានការណែនាំល្អពីរបៀបហាត់។ ហើយវាមានរបបអាហារ ដើម្បីជួយអ្នកសម្រកគីឡូផងដែរ។

អត្ថបទដោយ៖ ទ្រ សុភាព