យើងបានដឹងហើយថា កូវីដ១៩នេះ នៅតែបន្តឆ្លងមនុស្សជុំវិញពិភពលោក។ ទោះបីមានវ៉ាក់សុំាងប្រឆាំងកូវីដ១៩ វាគ្រាន់តែមានប្រសិទ្ធភាពមួយរយៈពេលតែប៉ុណ្ណោះ(ពី៦ទៅ៩ខែ)។ យោងតាម Thenationalnews បានចុះផ្សាយថា អ្នកវិទ្យាសាស្រ្តជប៉ុនកំពុងតែបង្កើតវ៉ាក់សុំាងកូវីដ ១៩ ចាក់វ៉ាក់សុំាងតែមួយម្តង អាចប្រឆាំងកូវីដ១៩ បានទាំងអស់៖
នេះជាយុទ្ធសាស្ត្ររបស់អ្នកស្រាវជ្រាវនៅប្រទេសជប៉ុន ដើម្បីការពារប្រឆាំងនឹងវីរុសរាតត្បាតនេះ។ អ្នកស្រាវជ្រាវ ត្រូវការបំប៉នជាតិប្រូតេអ៊ីន និងពង្រឹងអង់ទីករឱ្យរឹងមាំ ប្រឆាំងកូវីដ១៩នេះ ដែលរួមបញ្ចូលជាមួយការភ្ជាប់កោសិការបស់មនុស្សហៅថា ACE២។
ហើយវ៉ាក់សុំាងកូវ១៩ របស់ជប៉ុននេះនឹងបង្កើតប្រព័ន្ធភាពសុំាដែលមានការពាក់ព័ន្ធនឹងការផលិតអង្គបដិប្រាណ ដើម្បីប្រឆាំងកូវីដ ១៩បានយ៉ាងជាក់លាក់។ ដើម្បីទទួលបានលទ្ធផលបែបនេះ ក្រុមអ្នកស្រាវជ្រាវសាកលវិទ្យាល័យអូសាកា នៅប្រទេសជប៉ុនបានបង្កើតហ្សែន ដើម្បីភ្ជាប់សម្ព័ន្ធជាមួយប្រូតេអ៊ីនបង្កើនឱ្យមានម៉ូលេគុលជាតិស្ករនៅនឹងតំបន់ក្បាល។
អ្នកវិទ្យាសាស្រ្តបានយកសត្វកណ្តុរ ធ្វើការពិសោធន៍ថា វ៉ាក់សុំាងនេះ អាចផលិតនូវអង់ទីករប្រឆាំងកូវីដកម្រិតណា។ ពេលបច្ចុប្បន្ននេះ មានខ្លះមិនសូវមានប្រសិទ្ធភាពការពារកូវីដ១៩ ពិសេសកូវីដឌែលតា។
អ្នកវិទ្យាសាស្រ្តជប៉ុនថា វ៉ាក់សាំងដែលកំពុងតែធ្វើពេលបច្ចុប្បន្នភាពនេះ អាចទប់ទល់នឹងកូវីដ ១៩ ទាំងអស់ ប៉ុន្តែការផលិតវាត្រូវការពេលវេលា ហើយបន្ទាប់មកមនុស្សត្រូវចាក់វ៉ាក់សាំងឡើងវិញ។ អ្នកស្រាវជ្រាវនៅប្រទេសជប៉ុនព្យាយាមផ្តោតលើអង់ទីហ្សែន (ជាសារធាតុជំរុញការឆ្លើយតបនឹងប្រព័ន្ធភាពស៊ាំ) ជាទូទៅចំពោះកូវីដ១៩នេះតែម្តង។
មានអ្នកស្រាវជ្រាវនៅសហរដ្ឋអាមេរិកក៏ធ្វើការលើសត្វកណ្តុរដែរ។ មានបញ្ហាប្រឈមធំមួយ ធ្វើឱ្យប្រព័ន្ធភាពស៊ាំមានភាពរឹងមាំ និងមានសមត្ថភាពគ្រប់គ្រាន់ ដើម្បីទប់ទល់នឹងវីរុសនេះ ដើម្បីព្យាយាមឱ្យជា។ ហើយអ្នកវិទ្យាសាស្ត្របានព្យាករណ៍ថា វាអាចចំណាយពេលច្រើនឆ្នាំ ដើម្បីបង្កើតវ៉ាក់សាំងការពារវិរុសឆ្លងសកលនេះ៕
អត្ថបទដោយ៖ ទ្រ សុភាព