ការភ័យខ្លាចការចម្លងនៃវីរុសអូមីក្រុងកំពុងមានលើប្រជាជនយើងគ្រប់កាលៈទេសៈដោយសារមួយរយៈចុងក្រោយ វីរុសអូមីក្រុងមានសកម្មភាពយ៉ាងសកម្ម ហើយក៏បាននឹងកំពុងឆក់យកជីវិតពលរដ្ឋក្នុងសហគមន៍ជាបន្តបន្ទាប់។

ខាងក្រោមជាអាហារដែលអាចជួយពង្រឹងប្រព័ន្ធភាពសុំាកាន់តែរឹងមាំប្រឆាំងទប់ទល់នឹងជំងឺដែលដកស្រង់ពី medicalnewstoday ដែលអាហាររួមមាន៖ផ្លែប៊្លូប៊រី សូកូឡាខ្មៅ មើមល្មៀត ខ្លាញ់ត្រី ដំឡូង ខ្ញី ខ្ទឹមស តែបៃតង គ្រាប់ផ្កាឈូករ័ត្ន គ្រាប់អាល់ម៉ុន ផ្លែក្រូច ផ្លែគីវី ផ្ទេសហាវៃធំឬម្ទេសប្លោកធំ ស្ពៃស្ពីណាច។ អាហារទាំងអស់នេះសុទ្ធផ្ទុកសារធាតុសំខាន់ៗសម្រាប់រាងកាយ ដែលត្រូវការជាចាំបាច់ ដូចជាវីតាមីនអ៊ី ស៊ី អូមេហ្គា៣ សារធាតុប្រឆាំងបញ្ហារលាក carotenoids

 ជាដើមល្អសម្រាប់សុខភាពតាមបែបធម្មជាតិ។

ក្រៅពីការញុំាអាហារខាងលើដើម្បីពង្រឹងសុខភាពប្រព័ន្ធភាពសុំា បងប្អូនក៏ត្រដឹងពីរឿងសំខាន់ៗបន្ថែមដើម្បីរក្សាពង្រឹងប្រព័ន្ធភាពសុំាបន្ថែមដូចជា៖

-ជៀសវាងការជក់បារី

-ធ្វើលំហាត់ប្រាណឱ្យបានទៀងទាត់

-ការរក្សាទម្ងន់កុំឱ្យលើស

-ជៀសវាងគ្រឿងស្រវឹង

-គេងឱ្យបានគ្រប់គ្រាន់

-កាត់បន្ថយភាពតានតឹងក្នុងចិត្ត

-អនុវត្តការលាងដៃសម្អាតអនាម័យឱ្យបានត្រឹមត្រូវ និងសម្លាប់មេរោគក្នុងច្រមុះមាត់ឱ្យល្អ។

តាមការបញ្ជាក់របស់លោកវេជ្ជបណ្ឌិត James Taylor  បានបញ្ជាក់ដែរថាការពង្រឹងសុខភាពពីខាងក្នុងតាមរយៈការញុំា ការគេង ឱ្យបានគ្រប់នេះគឺសំខាន់ណាស់ដោយមិនអាចខ្វះបានឡើយដើម្បីទប់ទល់ជាមួយអូមីក្រុង ក្រៅពីការពាក់ម៉ាស់ការពារ និងចាក់វ៉ាក់សុំាង។ហេតុនេះសូមបងប្អូនព្យាយាមបង្កើនទម្លាប់ល្អខាងលើឱ្យបាន ដើម្បីសុខភាពរឹងមាំពីខាងក្នុង។