បញ្ហាការគេងនេះ ធ្វើឱ្យអ្នកធុញទ្រាំនឹងការនឿយហត់ និងអស់កម្លាំងចិត្ត ហើយជាពិសេសនាំឱ្យកើតជំងឺផ្សេងៗដូចជា លើសឈាម គាំងបេះដូង និងបាត់ការចង់ចាំ។ ពេលអ្នកគេងមិនលក់នេះ មកពីទម្លាប់អាក្រក់ទាំង ០៥នេះ យោងតាម The Better Sleep Council បញ្ជាក់ដូចខាងក្រោម ។ តើដំណោះស្រាយធ្វើឱ្យអ្នកគេងលក់មានអ្វីខ្លះ?

ទម្លាប់អាក្រក់ទី១៖ ទង្វើរចាប់ផ្តើមមុនចូលគេង

មនុស្សជាច្រើនមានបញ្ហាការគេងមិនលក់នោះ មានទង្វើរមួយ គឺហូបអាហារមុនចូលគេងមានដូចជាអាហារសម្រន់ពេលយប់ នំចំណី និងបង្អែម...ជាដើម។ ពេលអ្នកហូបអាហារមុនចូលគេង វាធ្វើឱ្យមានបញ្ហា ការរំលាយអាហារ និងក្រហាយក្បាលពោះ នេះជាបញ្ហារំខាន់ដល់ដំណេក។ ហេតុអ្វី? មកពីក្រពះរបស់អ្នកបញ្ចេញជាតិអាស៊ីតទៅបំពង់រំលាយអាហារ។

ដំណោះស្រាយទម្លាប់នេះ៖ អ្នកកុំព្យាយាមហូបអាហារ រួចចូលគេងភ្លាមៗ អ្នកត្រូវចំណាយហូបអាហារមុន ២ទៅ៣ម៉ោង មុនចូលគេង ដើម្បីឱ្យក្រពះអ្នករំលាយអាហារបានល្អ។

ទម្លាប់អាក្រក់ទី២៖ ផឹកស្រាមុនចូលគេ

មានមនុស្សជាច្រើនយល់ថា ការផឹកស្រាមុនចូលគេង ធ្វើឱ្យខ្លួនគេងលក់ស្រួល។ នេះជាការយល់ខុសដ៏ធំ ធ្វើឱ្យមានបញ្ហាសុខភាព បង្កឱ្យកើតជំងឺមហារីក។ តាមការសិក្សាបានបញ្ជាក់ថា ការផឹកស្រានេះ ធ្វើឱ្យរំខានដល់សមត្ថភាពការគេងរបស់អ្នក។

ដំណោះស្រាយទម្លាប់នេះ៖ អ្នកត្រូវព្យាយាមកំណត់កម្រិតជាតិអាកុល និងជាតិកាហ្វេ មុនចូលគេង ៥ទៅ៦ម៉ោង កុំឱ្យបំះពាល់ដល់ដំណេករបស់អ្នក។

ទម្លាប់អាក្រក់ទី​៣៖ កុំធ្វើលំហាត់ប្រាណមុនចូលគេងឱ្យសោះ

ការធ្វើលំហាត់ប្រាណខ្លាំងៗ និងចំណាយពេលយូរក្នុងការហាត់ មុនពេលចូលគេង ធ្វើឱ្យសីតុណ្ហភាពរាងកាយរបស់អ្នកកើនកម្តៅ និងបង្កឱ្យមានការបញ្ចេញអរម៉ូន endorphins លើស ហើយវាអាចនឹងបង្កើនកម្រិតអរម៉ូនcortisol (ស្រ្តេស)ពេលក្រោយ (ហួសម៉ោងគេង) ។ បើពេលថ្ងៃ ការធ្វើលំហាត់ប្រាណខ្លាំងបែបនេះ វាធ្វើឱ្យបញ្ចេញអរម៉ូន endorphins ធ្វើឱ្យអ្នកគេងលក់ស្រួលនៅពេលយប់នេះ។

ដំណោះស្រាយទម្លាប់នេះ៖ អ្នកត្រូវហាត់ប្រាណធ្ងន់ៗ រយៈពេល ២ទៅ៣ម៉ោងមុនចូលគេង។

ទម្លាប់អាក្រក់ទី៤៖ អ្នកជាសត្វទីទុយពេលរាត្រី

អ្នកខ្លះគិតថា យប់ជ្រៅ ខ្ញុំធ្វើការងារ និងគិតបានផលច្រើន តែពេលអ្នករក្សាទម្លាប់បែបនេះ ចូលគេងយប់ជ្រៅនោះ។ ពេលក្រោយអ្នកនឹងមានបញ្ហាសុខភាព ចុះខ្សោយប្រព័ន្ធការពាររាងកាយ។ ដូចជាសត្វទីទុយ ពេលយប់វាដេកតិចណាស់។ ដូចគ្នា បើអ្នកគេងតិច អ្នកនឹងមានហានិភ័យខ្ពស់ អាចមានទម្លាប់ញ៉ាំអាហារ(កើតការធាត់) និងកើតជំងឺទឹកនោមផ្អែមប្រភេទទី ២ និងជំងឺបេះដូងផងដែរ។

ដំណោះស្រាយទម្លាប់នេះ៖ អ្នកផ្តាច់ទម្លាប់សត្វទីទុយនេះចោល ដើម្បីរក្សាសុខភាពរបស់អ្នក។ ហើយអ្នកត្រូវរក្សាយុទ្ធសាស្រ្តបង្កើតទម្លាប់ការគេងរបស់អ្នកឱ្យទៀងទាត់។

 ទម្លាប់អាក្រក់ទី៥៖ គេងជាមួយអេក្រង់

ស្មាតហ្វូន ឬទូរសព្ទ គឺជាផ្នែកមួយនៃជីវិតរបស់អ្នក។ ពីព្រោះថា ការរស់នៅរបស់អ្នកត្រូវការព័ត៌មាន ដើម្បីរៀបចំផែនការ និងមើលកម្មវិធីកំសាន្ត... ប៉ុន្តែយើងតែងមានទម្លាប់មួយ មុនចូលគេងតែងចុចមើលអេក្រង់ទូរស័ព្ទ វាធ្វើឱ្យប៉ះពាល់ដល់ប្រសាទខួរក្បាល។ ពន្លឺអេក្រង់ទូរស័ព្ទនេះ វាជាភ្នាក់ងាររំញោចបង្កការរំខានដល់ដំណេករបស់អ្នក។

ដំណោះស្រាយទម្លាប់នេះ៖ មុនចូលគេងប្រហែល ៣០នាទីទៅ១ម៉ោងនោះ អ្នកកុំមើលពន្លឺអេក្រង់ទូរស័ព្ទ វាប៉ះពាល់ផ្លូវអារម្មណ៍ដោយសារព័ត៌មានអាក្រក់ច្រើនលើបណ្តាញសង្គម...។ អ្នកអាចព្យាយាមអានសៀវភៅវិញ ដើម្បីបង្កើតអារម្មណ៍ល្អ និងគេងលក់ស្ងប់ចិត្ត៕

អត្ថបទដោយ៖ ទ្រ​ សុភាព