តាមការសិក្សាស្រាវជ្រាវជាច្រើនបានឱ្យដឹងថា សក់ គឺជាចំណុចទាក់ទាញនិងជាមន្តស្នេហ៍បំផុតមួយសម្រាប់មនុស្សស្រី។ នារីដែលមានសក់ក្រាស់ រលាស់រលោង ភ្លឺស្រស់ស្អាតតែងតែទទួលបានការចាប់បារម្មណ៍ទាក់ភ្នែកមនុស្សដែលបានដើរកាត់ ប៉ុន្តែដោយសារកត្តាអាកាសធាតុ បរិស្ថាន បូករួមជាមួយការជ្រើសរើសសាប៊ូមិនទាន់ត្រឹមត្រូវ ការថែរក្សាសក់បានក្លាយជាបញ្ហាធំមួយសម្រាប់ស្រ្តីសម័យថ្មី។ ថ្ងៃនេះក្រុមការងារចាបបៃតង នឹងពាំនាំនូវរូបមន្តថែរក្សាសក់មួយប្រភេទដែលអាចធ្វើឱ្យសក់នារីគ្រប់រូប ក្រអូបសាយ រលាស់រលោងបន្ទាប់ពីកក់សក់រួចទោះមិនទាន់បានកៀបក៏ដោយ។

ផលិតផលសាប៊ូកក់សក់ Hanrou ដែលជាប្រ៊ែនសាប៊ូលំដាប់ខ្ពស់តែមានតម្លៃសមរម្យ ត្រូវបានម្ចាស់ក្រុមហ៊ុនផ្ទាល់បង្ហាញការមិនទុកចិត្តមុននឹងនាំចូលមកប្រទេសកម្ពុជា តែដោយសារកត្តាជម្រុញជាច្រើនទើប លោក ស្រ៊ាន សំណាង ដែលជាអគ្គនាយកក្រុមហ៊ុន SAMNANGCHOUYISINH IMPORT EXPORT CO LTD សម្រេចចិត្តយកសាប៊ូមួយវ៉ាលីមកលក់នៅប្រទេសកម្ពុជា។ ដោយសារតែមិនសូវមានទំនុកចិត្តទើបធ្វើឱ្យលោកភ្ញាក់ផ្អើលខ្លាំង ក្រោយលក់ឱ្យគេម្តងហើយគេនាំគ្នាសម្រុកមកទិញ ខ្លះទិញជូនគ្រួសារ ឯខ្លះទៀតទិញជូនបងប្អូន ខ្លះទៀតក៏ទិញសម្រាប់ធ្វើអាជីវកម្ម ព្រមទាំងណែនាំបន្តគ្នារហូតធ្វើឱ្យការលក់កើនឡើងខ្លាំង។ ក្រោយពេលឆ្លៀតសាកសួរអតិថិជនរួចមក ទើបលោកទទួលបានចំលើយមួយដ៏ភ្ញាក់ផ្អើល គឺភ្ញៀវនិយាយថា សាប៊ូHanrou ឬហៅកាត់ថា សាប៊ូស្រីស្អាត ពេលកក់រួចហើយស្ទើរតែមិនបាច់កៀបសក់នោះទេ គឺសក់រលាស់រលោង ត្រង់ស្អាតតែម្តង។

បើក្រឡេកទៅមើលប្រវត្តិនៃការចាប់កំណើរនៃសាប៊ូស្រីស្អាតនេះលើទឹកដីកម្ពុជាវិញ គឺដោយសារក្នុងកំឡុងឆ្នាំ២០១៩ អំឡុងខែមេសា ម្ចាស់ក្រុមហ៊ុនផ្ទាល់ លោក ស្រ៊ាន សំណាង កំពុងជួបបញ្ហាផ្នែកធុរៈកិច្ច ដោយសារចាញ់មនោគមន៏ឆបោកធ្វើឱ្យលោករៀបតែនឹងបាត់បង់អាជីវកម្មទាំងអស់ ហើយបង់ខាត ខ្វះបំណុលធនាគារជាច្រើន។ ចៃដន្យអាចរាប់ថាជាសំណាង លោកបានស្គាល់ថៅកែជនជាតិចិន ហើយទទួលបានការគាំទ្រពីថៅកែរោងចក្រ Hanrou ផ្ដល់សិទ្ធផ្ដាច់មុខផលិតផលទាំងអស់របស់រោងចក្រមកកម្ពុជា ។ ពេលនោះលោកគិតក្នុងចិត្តថា “ផលិតផលចិនគឺមិនល្អទេ ហើយប្រជាជនខ្មែរនិយមតែផលិតផលថៃនិងកូរ៉េ”។ មិនស្ទាក់ស្ទើរលោកក៏ប្រាប់ពីទំនោរជនជាតិខ្មែរនិងប្រវត្តិរកស៊ីរបស់លោក ខណៈខ្លួនត្រូវគេបោកដងអស់ពីខ្លួន ហើយចាត់ទុកលើកនេះជាដំណើរចុងក្រោយប្រសិនជានាំយកផលិតផលដែលមិនមានគុណភាពទៅទីផ្សារស្រុកខ្មែរបន្តទៀតនោះលោកនឹងបាត់បង់គ្រប់យ៉ាង ទើបលោកស្នើការសាកល្បងគុណភាពជាមុន។

ក្រោយពីការពិភាក្សាគ្នាពេញមួយថ្ងៃថៅកែHanrou បានពោលថា នេះជាសំណាងអ្នកហើយព្រោះHanrouជារោងចក្រល្បីក្នុងស្រុកធំទី១០ដែរផលិតផលល្អបម្រើតម្រូវការក្នុងស្រុកទាំងមូល។ ផលិតផលHanrou មានទីផ្សារបែបទំនើប(Luxury brand) ដោយសារមានការសិក្សាគុណភាពជាចំបងនិងតម្រូវការទីផ្សារយ៉ាងច្បាស់លាស់។ ទោះជាដឹងបែបនេះហើយ តែលោកមិនសូវជឿនៅឡើយទេ ហើយលោកក៏បានប្រាប់ថៅកែHanrouវិញថា “ខ្ញុំចូលចិត្តប្រទេសចិនដែលស្អាតនិងរីកចម្រើនគ្រប់វិស័យ តែចំពោះរឿងផលិតផលខ្ញុំនៅតែមិនច្បាស់ពីគុណភាពនៅឡើយទេ ប្រសិនជាថៅកែអាចអនុញ្ញាតអោយខ្ញុំសាកល្បងនិងសិក្សារពីទីផ្សារ ខ្ញុំនិងនាំផលិតផលHanrouទាំងអស់ទៅកម្ពុជាអោយតែពិតជាមានគុណភាព ត្រូវត្រឹមតែ80%គឺខ្ញុំអាចទទួលយកបានហើយ។”

ក្រោយមកលោកក៏ត្រលប់មកកម្ពុជាវិញ ជាមួយសាប៊ូHanrou មួយវ៉ាលីធំ និងសាប៊ូកញ្ចប់តូចមួយចំនួន។ ដោយសារគ្មានជំនឿ ក៏ចែកគេសាកប្រើសិន លុះក្រោយមកលោកឃើញថា អ្នកប្រើកញ្ចប់តូចបានមករកដបធំជាបន្តបន្ទាប់ ទើបលោកបន្តជំហានមួយទៀត គឺដាក់ការកាហ្មង១០០០ឈុតសាកល្បង។ ក្រុមហ៊ុនHanrouចិន ជឿជាក់លើផលិតផលខ្លួនណាស់ លោកកាហ្មងតែសាប៊ូ១០០០ដប តែទទួលបានការថែមសម្រាប់តេស្តសាកល្បងដូចជាសាប៊ូតូច25mlចំនួន១ម៉ុនកញ្ចប់រួមទាំងក្រេមបន្ទន់ទៀតផង។ កញ្ចប់តូចៗនេះ លោកក៏បានមកចែកចាយហ្វ្រីតាមបណ្តាផ្សារ តាមខេត្ត តាមផ្លូវនិងតាមហាងសាឡនជាច្រើន។ នេះហើយជាការចាប់កំណើតសាប៊ូកក់សក់Hanrouនៅកម្ពុជា ភ្ញៀវដែលចូលកក់ហើយភ្លាម ក៏បាននិយាយថា “ដូចជាល្អប្រើរបស់គេគេព្រោះផ្លុំសក់ស្ងួតរួច សក់ទន់ រលាស់រលោងហើយក្រអូបឈ្ងុយ”។

ក្រោយមក ក៏ចាប់ផ្ដើមមានហាងសាឡនផ្សេងៗតេមកកាហ្មង នាំអោយទីផ្សាររបស់សាប៊ូHanrou ចាប់ផ្ដើមកើតជារូបរាងមានតម្រូវការអតិថិជនដែលធ្លាប់ប្រើរួច ហើយតែងតែកាហ្មងប្រើបន្តរហូត លោកក៏បន្តកាហ្មងពីចិនរហូតដល់៥ពាន់ឈុត។ ទោះពេលនោះមានវិបត្តិទីផ្សារOnline ល្បីផ្ទុះផលិតផលជាច្រើនធ្វើឱ្យទីផ្សារចង្អៀតតែសាប៊ូHanrou សាប៊ូស្រីស្អាតនៅតែមានអ្នកគាំទ្រមិនចាញ់សាប៊ូកូរ៉េ អាឡឺម៉ងឬអាមេរិចល្បីៗដែលមានតម្លៃថ្លៃនោះដែរ។ រហូតកំឡុងឆ្នាំ២០២០ អំឡុងខែ២ និងខែ៣ ដែលកម្ពុជាជួបទុក្ខខ្លាំងដោយសារតែវីរុសកូវីដ១៩ ប្រទេសចាប់ផ្ដើមបិទដែលលោកគិតថាប្រហែលជាអាជីវកម្មនេះត្រូវចប់ហើយ តែផ្ទុយទៅវិញបែរជាមានអ្នកគាំទ្រកាន់តែច្រើន បើទោះជាផលិតផលដទៃបន្តផ្ទុះពេញទឹកពេញដីFacebook ។

សាប៊ូHanrou សាប៊ូស្រីស្អាត នៅតែមានអតិថិជនគាំទ្រមកដល់សព្វថ្ងៃនេះគឺមិនមែនដោយសារកត្តាអ្វីផ្សេងនោះទេ គឺដោយសារតែគុណភាពផលិតផលផ្ទាល់, សាប៊ូហានរូជាសាប៊ូផលិតពីធម្មជាតិ75% ក្លិនក្រអូបពីផ្កាធម្មជាតិដែលមានសារធាតុផ្សំពីរុក្ខជាតិនិងសារធាតុជួយកាត់បន្ថយសក់ខូច សក់សំពោង សក់ស្អិត សក់បែកចុង សក់លាងពណ៍ហើយខូចដូចសំបុកមាន់ ហើយអាចប្រើជាទ្រណាប់មុនលេងពណ៍សក់និងអ៊ុតសក់ថែមទាំងជួយកាត់បន្ថយសក់ជ្រុះបានយ៉ាងមានប្រសិទ្ធទៀតផង។

ជាចុងក្រោយលោកក៏បានបន្ថែមប្រាប់ក្រុមការងារចាបបៃតងដែរថា ដោយសារទីផ្សារគ្រឿងសំអាង ជាពិសេសសាប៊ូកក់សក់ មានសភាពបែបទីផ្សារសេរី មានអ្នកជំនួញជាច្រើនមានលុយតែងតែផលិតប្រេនឈ្មោះខ្លួនឯងដោយមិនបានគិតពីបញ្ហារបស់អតិថិជននិងអ្នកប្រើប្រាស់ផ្ទាល់ ដោយសារប្រាក់ចំនេញដាក់តម្លៃលេងក្បាច់តាមក្បួនMarketing ផ្សេងៗធ្វើតំលៃអោយខ្ពស់តែគុណភាពមានកំរិត។ ខណៈលោកផ្ទាល់នាំចូលផលិតផលពីក្រៅប្រទេស គឺជារោងចក្រលំដាប់ថ្នាក់ប្រចាំប្រទេស ហេតុនេះហើយ សាប៊ូហានរូ រូបស្រីស្អាតដែលអតិថិជនតែហៅថាសាប៊ូស្រីស្អាតសក់ចាប់មិនជាប់អាចឈរជើងបានកាន់តែរឹងមាំតាមរយះការគាំទ្រពីអតិថិជនចាស់និងថ្មីជាច្រើនដែរប្រើហើយបន្តប្រើរហូតមិនដូរសាប៊ូផ្សេង៕

ផេកផ្លូវការរបស់ក្រុមហ៊ុន៖ Yisinh.com