អ្នករាល់គ្នាដឹងថាពេលអ្នកហាត់ប្រាណឬបែកញើសច្រើនអ្នកត្រូវផឹកទឹកឱ្យបានច្រើនដើម្បីបំប៉នជាតិទឹក។ ហើយវាអស្ចារ្យណាស់។ ប៉ុន្តែយើងមិនអាចភ្លេចអំពីការជំនួសអេឡិចត្រូលីតដែលបាត់បង់ទេ។ អេឡិចត្រូលីលីតគឺជាអំបិលនិងសារធាតុរ៉ែដូចជាសូដ្យូមប៉ូតាស្យូមកាល់ស្យូមម៉ាញ៉េស្យូមនិងក្លរីតនៅក្នុងខ្លួនដែលរក្សាតុល្យភាពជាតិទឹកនិងសម្ពាធឈាម។ ប្រសិនបើអ្នកមានជាតិអេឡិចត្រូលីតតិចពេកអ្នកអាចជួបប្រទះខ្វះជាតិទឹកឬអតុល្យភាពផ្សេងទៀតដរាបណាមិនបានបំពេញបន្ថែមយ៉ាងឆាប់រហ័ស។ ហើយអាហារទាំង ៥ នេះដែលបំពេញបន្ថែមអេឡិចត្រូលីតឱ្យអ្នកបានលឿន៖
១. ទឹកដោះគោ
ទឹកដោះគោស្រស់និងទឹកដោះគោជូរគឺជាប្រភពដ៏ប្រសើរបំផុតនៃកាល់ស្យូមនៃអេឡិចត្រូលីត។ ទឹកដោះគោមួយពែងមានជាតិកាល់ស្យូមប្រហែល ៣០០ មីលីក្រាម និងទឹកដោះគោយ៉ាអួ ១ ពែងមានប្រហែល ៤៥០ មីលីក្រាម។ អាហារទាំងពីរនេះបង្កើតបានជាអាហារសម្រន់ដ៏ល្អដើម្បីបំពេញអេឡិចត្រូលីតនិងជំរុញប្រូតេអ៊ីនដល់រាងកាយយ៉ាងរហ័ស។
២. ផ្លែចេក
ចេកត្រូវបានគេដឹងថាជាស្តេចនៃប៉ូតាស្យូមក្នុងចំណោមផ្លែឈើទាំងអស់។ ក្នុងចេកមួយផ្លែមានប្រហែល ៤២២ មីលីក្រាមនៃប៉ូតាសូ្យមដែលជួយគ្រប់គ្រងសាច់ដុំនិងសម្ពាធឈាមរាល់ពេលដែលបាត់បង់អេឡិចត្រូលីត។ អ្វីដែលពិសេសនោះចេកជាអាហារដែលបំពេញអេឡិចត្រូលីត និងជាអាហារសម្រន់ដ៏ពិសេសមុនពេលការហាត់ប្រាណរបស់អ្នក។
៣. ទឹកដូង
ដើម្បីទទួលបានថាមពលលឿននិងអេឡិចត្រូលីតជម្រុញក្នុងកំឡុងពេលឬក្រោយពេលហាត់ប្រាណសូមសាកល្បងញុំាទឹកដូង ព្រោះទឹកដូងមានផ្ទុកប៉ូតាស្យូមប្រហែល ៦០០ មីលីក្រាម និងសូដ្យូម ២៥២ មីលីក្រាមក្នុងមួយពែងដែលវាជួយបំពេញស្ករធម្មជាតិ និងជាតិទឹករាល់ពេលដែលអ្នកកំពុងហាត់ប្រាណខ្លាំង។
៤.ផ្លែឪឡឹក
មិនថារដូវក្ដៅឬរដូវត្រជាក់ទេអ្នកគួរតែញុំាផ្លែឪឡឹកឱ្យបានច្រើនព្រោះក្នុងផ្លែឪឡឹកជាផ្លែឈើដ៏ពិសេសក្នុងការបំពេញជាតិទឹកដល់រាងកាយរបស់អ្នកយ៉ាងប្រសើរ។ ផ្លែឪឡឹកផ្ទុកទៅដោយសារធាតុចិញ្ចឹមល្អសម្រាប់អ្នកដូចជាស្ករធម្មជាតិប៉ូតាស្យូមនិងអេឡិចត្រូលីតនៅពេលដែលអ្នកហត់បាត់បង់នូវថាមពលផងដែរ។
៥. ផ្លែប៊រ
ផ្លែប៊រជាប្រភពនៃប៉ូតាសូ្យមដ៏ល្អ ក្នុងផ្លែប៊រ១តែផ្លែប៉ុណ្ណោះវាមានផ្ទុកប៉ូតាសូ្យមប្រមាណ៩៧៥ មីលីក្រាមដែលជួយដល់រាងកាយរបស់អ្នលបានយ៉ាងល្អ។ រាល់ពេលអ្នកបាត់បង់ជាតិទឹក ឬខ្វះអេឡិចត្រូលីត អ្នកអាចបរិភោគនូវផ្លែប៊រមួយទៅផ្លែរបាន។
ដូច្នេះដើម្បីបំពេញអេឡិចត្រូលីតដល់រាងកាយបានយ៉ាងឆាប់រហ័ស សូមអ្នកកុំភ្លេចធ្វើការញុំានូវអាហារដែលក្រុមការងារយើងរៀបរាប់ខាងលើ ជាពិសេសក្នុងអំឡុងពេលដែលអ្នកធ្វើការហាត់ប្រាណតែម្ដងវាត្រូវការជាចាំបាច់នូវអេឡិចត្រូលីតនេះ៕
អត្ថបទដោយ៖ ភី សៅឌី