សព្វថ្ងៃនេះ មានមនុស្សជាច្រើនកើតបញ្ហាផ្លូវចិត្តក៏ព្រោះតែការលេងទូរស័ព្ទច្រើនដែរ។ អ្នកព្យាយាមធ្វើការងារពេញមួយថ្ងៃ មកដល់បន្ទប់លេងទូរស័ព្ទថែមទៀត ធ្វើឱ្យរាងកាយអត់បានសម្រាកសោះ។ មានបុគ្គលខ្លះ លេងទូរស័ព្ទលើសម៉ោង១១ហើយ ការកើតបញ្ហាផ្លូវចិត្តលឿនបំផុត។ តាមលោក Shawn Stevenson ជាអ្នកស្រាវជ្រាវនិងនិពន្ធសៀវភៅគេងលក់ បានលើកឡើងថា អ្នកគប្បីចូលគេងម៉ោង១០ ឬ១០.៣០នាទី ហើយចូលសម្រាកលេងទូរស័ព្ទ ១ម៉ោងមុនចូលគេង នេះជាការបង្កើនគុណភាពការគេងបានល្អបំផុត។ ហើយក្នុងមួយថ្ងៃលេងទូរស័ព្ទកុំឱ្យលើសពី៤ទៅ៥ម៉ោង បើមិនចង់កើតជំងឺផ្លូវចិត្ត។ កត្តាខាងក្រោមនេះជាការលេងទូរស័ព្ទលើគ្រែច្រើនវាស៊ីផ្លូវចិត្តអ្នកឱ្យប្រហោងក្នុង ហៅថា “រស់គ្មានទឹកចិត្ត”។
១. ឥទ្ធិពលពន្លឺពណ៌ខៀវ៖ ពន្លឺពណ៌ខៀវដែលបញ្ចេញពីទូរសព្ទដៃរបស់អ្នល វាសែនរំខានការគេងខ្លាំងណាស់។ តាមការសិក្សាចេញពីសាលាHarvard Health បង្ហាញថា ការលេងទូរស័ព្ទដល់យប់ជ្រៅជាកត្តារំខានដល់ចង្វាក់អរម៉ូន circadian ធ្វើឱ្យអ្នកអស់អារម្មណ៍ និងស្រ្តេសនឹងរឿងគេង។ មូលហេតុនេះឱ្យអ្នកគេង ងើបអស់កម្លាំងពេលព្រឹកដែរ។
២. កម្រិតស្ត្រេស៖ ការសម្លឹងមើលមាតិកាតាមអនឡាញលើទូរស័ព្ទដៃដោយមិនដឹងខ្លួន អ្នកងាយបង្កើនកម្រិតអរម៉ូនស្ត្រេស។ ការហត់នឿយព្រោះតែខួរក្បាលរបស់អ្នកមានការផ្ទុកព័ត៌មានដ៏ច្រើនលេងទូរស័ព្ទដែរ។ បើខួរក្បាលចេះតែគ្មានពេលគេងបានគ្រប់គ្រាន់ទេ វាមានទំនាក់ទំនងធ្វើឱ្យអារម្មណ៍អ្នកចេះតែធុញថប់។
៣. កង្វះការផ្តោតអារម្មណ៍៖ ការប្រើទូរស័ព្ទរបស់អ្នកនៅលើគ្រែអាចនាំឱ្យខ្វះការផ្តោតអារម្មណ៍ទាំងពេលយប់ និងពេលថ្ងៃជាអំឡុងពេលអ្នកធ្វើការងារផងដែរ។ ដោយសារតែអ្នកមិនបានទទួលបានការគេងឱ្យបានស្កប់ស្កល់ ជាការរក្សាឱ្យមានផលិតភាពពេលថ្ងៃ។ ទោះបីជាអ្នកមិនមានអារម្មណ៍នឿយហត់ក៏ដោយ កង្វះការគេងគ្មានគុណភាពអារម្មណ៍អ្នកកំពុងតែវិវត្តទៅជំងឺផ្លូវចិត្តហើយ។
៤. ចុះខ្សោយផ្លូវចិត្ត៖ តាមការសិក្សាថ្មីមួយត្រូវបានចេញផ្សាយដោយ Journal of Experimental Psychology: Applied បានរកឃើញថា អ្នកញៀនលេងទូរស័ព្ទនាំឱ្យប៉ះពាល់ផ្លូវចិត្តខ្លាំង បានប្រែក្លាយទៅជាមនុស្សឆាប់ខឹង និងអារម្មណ៍ខ្សោះៗក្នុងខ្លួន។ ដើម្បីកុំឱ្យប៉ះពាល់ផ្លូវចិត្តខ្លាំងបែបនោះ អ្នកត្រូវកាត់បន្ថយការប្រើប្រាស់លេងទូរស័ព្ទដៃដោយកំណត់ម៉ោងលេង ទើបសុខភាពអ្នកប្រសើរឡើងវិញ៕
អត្ថបទដោយ៖ ទ្រ សុភាព