យោងតាមសេចក្ដីប្រកាសរបស់អប់រំនៅមុននេះបន្តិចបានប្រកាសថានឹងមានការប្រលងបាក់ឌុបនៅខែធ្នូ ឆ្នាំ២០២១នេះហើយ សូមប្អូនៗសិស្សថ្នាក់ទី១២ត្រៀមខ្លួនប្រលងទាំងអស់គ្នា។
នារាត្រីថ្ងៃទី៥ខែវិច្ឆិកាឆ្នាំ២០២១នេះ តាមការបង្ហោះលើផេកផ្លូវការរបស់ក្រសួងអប់រំបានបញ្ជាក់ថា “២៧ ធ្នូ ២០២១ កាលបរិច្ឆេទប្រឡងសញ្ញាបត្រមធ្យមសិក្សាទុតិយភូមិ
គួររំលឹកដែរថាថ្មីៗនេះ សម្ដេចតេជោ ហ៊ុន សែន បានបញ្ជាក់យ៉ាងថា សុំផ្ដាំផ្ញើទៅចៅសិស្សានុសិស្ស សុំធ្វើការយោគយល់ផង ពីព្រោះថាការប្រលងបាក់ឌុបនេះប្រលងដើម្បីអនាគតរបស់ចៅប៉ុណ្ណោះ ជាក់ស្ដែងការប្រលងនេះធ្វើឡើងមិនមែនអ្នកផ្សេងនោះទេ។
ជាមួយគ្នានេះដែរ កាលពីថ្ងៃទី០៣ ខែវិច្ឆិកា ឆ្នាំ២០២១នេះ បើយោងតាមប្រសាសន៍ ឯកឧត្ដម ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ពាក់ព័ន្ធនឹងការបើកគ្រឹះស្ថានសិក្សា ឡើងវិញ និងការពន្យារពេលប្រឡងបាក់ឌុបផងដែរ។ ដើម្បីឱ្យសិស្សមានពេលគ្រប់គ្រាន់ដើម្បីរៀនបន្ថែម ដូច្នេះចំណុចសំខាន់នោះ គឺសិស្សានុសិស្សត្រូវតែខិតខំរៀនឱ្យបានគ្រប់ៗគ្នា។
ដោយមានការសម្រេច បែបនេះសូមប្អូនៗខិតខំរៀន ដើម្បីត្រៀមយកលំដាប់ពន្ទុល្អ និងជូនពរប្រលងបានលទ្ធផលទាំងអស់គ្នា យ៉ាងណាកុំភ្លេចថែសុខភាពឱ្យបានល្អ កុំប្រហែយឱ្យកើតមានជំងឺឱ្យសោះ ។
