ការសម្រេចកាម​ដោយខ្លួនឯង គឺជារឿងធម្មតារបស់មនុស្សប្រុសគ្រប់គ្នាទៅហើយ​ ដែលសាកលវិទ្យាល័យ Indiana បានសិក្សារកឃើញថា បុរសអាយុចាប់ពី១៥ ដល់១៨ ប្រមាណ៥៨ភាគរយបានសម្រេចកាមដោយខ្លួនឯង នេះបើយោងតាមការចុះផ្សាយរបស់​ Jamanetwork ។

មួយវិញទៀត អ្នកគ្រប់គ្នាច្បាស់ជាឆ្ងល់ថា ប្រសិនបើបុរសឧស្សាហ៍សម្រេចកាមដោយខ្លួនឯងញឹកញាប់ តើបង្កផលប៉ះពាល់ដល់ការមានកូនដែរឬទេ? ជាការពិតណាស់ បុរសដែលសម្រេចកាមដោយខ្លួនញឹកញាប់ គឺមិនបង្កគ្រោះថ្នាក់ដល់ការមានកូននោះទេ។ ផ្ទុយការបញ្ចេញទឹកកាមធ្វើឱ្យគុណភាពមេជីវិតឈ្មោលក្នុងទឹកកាមថ្មីល្អជាងមុន នេះបើយោងតាមការចុះផ្សាយរបស់ Mayoclinic។

ជាមួយគ្នានេះដែរ ទិន្នន័យដែលចេញផ្សាយដោយ Mayoclinic បានបង្ហាញផងដែរថា គុណភាពទឹកកាមដែលល្អបំផុតកើតឡើងបន្ទាប់ពីការមិនបញ្ចេញទឹកកាមរយៈពេល ២ទៅ៣ថ្ងៃ។ មានន័យថា ប្រសិនបើអ្នកបញ្ចេញទឹកកាមញឹកញាប់មិនបង្កផងប៉ះពាល់នោះទេ ប៉ុន្តែប្រសិនបើអ្នកចង់ឱ្យទឹកកាមរបស់អ្នកមានគុណភាពក្នុងអំឡុងពេលអ្នកមានគម្រោងយកកូន អ្នកគួរតែផ្អាកការបញ្ចេញទឹកកាមរយៈពេល ២ទៅ៣ថ្ងៃ។

មិនតែប៉ុណ្ណោះទេ បើយោងតាមការចុះផ្សាយរបស់ Healthline បានឱ្យដឹងថា ការបញ្ចេញទឹកកាមផ្ដល់ផលល្អរួមមាន៖

-ជួយឱ្យអ្នកគេងលក់ស្រួល

-ធ្វើឱ្យការផលិតទឹកកាមថ្មីមានគុណភាពល្អ

-បង្កើនប្រព័ន្ធភាពសុំា

-បំបាត់ការឈឺក្បាល និងបង្កើនឱ្យអារម្មណ៍ស្រស់ថ្លាល្អ

-កាត់បន្ថយហានិភ័យនៃការស្លាប់ដោយសារជំងឺបេះដូង។

គួរបញ្ជាក់ផងដែរថា បើយោងតាមសិក្សាលើមនុស្សប្រុសចំនួន ៣២ពាន់នាក់ចន្លោះពីឆ្នាំ១៩៩២ដល់ឆ្នាំ២០១០របស់ Sciencedirect ដែលចុះផ្សាយដោយ Healthline បានឱ្យដឹងថា ការបញ្ចេញទឹកកាមញឹកញាប់អាចកាត់បន្ថយការកើតជំងឺមហារីកក្រពេញប្រូស្ដាត។

អត្ថបទដោយ៖ Daddy_Rath