អារម្មណ៍ស្រ្តេសតានតឹង អារម្មណ៍មួម៉ៅ កើតទុក្ខ ថប់អារម្មណ៍ មិនស្រណុកក្នុងចិត្ត គឺជាអារម្មណ៍មួយដែលមនុស្សគ្រប់គ្នាមិនចង់ជួប មិនចង់កើតមាន តែគ្រប់គ្នាតែងជួបអារម្មណ៍នេះ ស្ទើរតែគ្រប់ពេលទៅហើយ។ តែធ្វើម៉េចជីវិតនេះ តែងជួបអ៊ីចឹងឯង តែសំខាន់អ្នកអាចមានវិធីបន្ធូរភាពតានតឹង ស្ត្រេសឱ្យចេញពីអ្នកបានដែរឬក៏អត់?
តែមិនថ្វីនោះទេ តាមរយៈប្រភព yourmentalhealthpal បានណែនាំវិធីមួយ ដើម្បីអាចជួយអ្នកឱ្យបាត់ស្រ្តេស បាត់ភាពតានតឹង លឿនឆាប់រហ័ស វិធីនោះគឺការផឹកប្រភេទភេសជ្ជៈ ដែលអាចជួយបំបាត់អារម្មណ៍ស្ត្រេសបាន រួមទាំងជួយសុខភាពល្អមួយចំណែកទៀត តែមិនមែនភេសជ្ជៈទាំងអស់សុទ្ធតែអាចជួយអ្នកបំបាត់ស្រ្តេសបានគ្រប់ភេសជ្ជៈនោះទេ មានន័យថាត្រូវជ្រើសរើសភេសជ្ជៈឱ្យបានត្រឹមត្រូវផងដែរ ទើបអាចជួយកាត់បន្ថយស្ត្រេសបាន។
១.ទឹកបន្លែ៖ ប្រភេទទឹកបន្លែផ្លែឈើស្រស់ដូចជាទឹក ការ៉ុត ទឹកតាសក់ ទឹកស្ពៃ ទឹកស្រ្តបឺរី…ជាដើម។ គឺល្អបំផុត ព្រោះសម្បូរដោយសារធាតុចិញ្ចឹម និងសារធាតុរ៉ែយ៉ាងសម្បូរបែប ដែលជំនួយដល់រាងកាយរបស់អ្នកជួយកាត់បន្ថយអារម្មណ៍តានតឹង ស្រ្តេស ថប់អារម្មណ៍ផឹកជាប្រចាំជួយពង្រឹងប្រព័ន្ធភាពសុំាក្នុងរាងកាយ បង្កើនកម្លាំង កាត់បន្ថយស្រ្តេស ថប់អារម្មណ៍ឡើងមក។
២. ទឹកធម្មតា៖ តើអ្នកដឹងទេ ការខ្វះជាតិទឹកជាប្រចាំថ្ងៃ គឺប៉ះពាល់ដល់រាងកាយយ៉ាងធ្ងន់ធ្ងរ ប្រព័ន្ធដំណើរការក្នុងរាងកាយ មានការចុះខ្សោយ ថែមទាំងប៉ះពាល់ដល់ផ្លូវចិត្តយ៉ាងធ្ងន់ធ្ងរផងដែរ។ តែផ្ទុយទៅវិញប្រសិនអ្នកផឹកទឹកបានគ្រប់គ្រាន់ជាប្រចាំថ្ងៃវិញ គឺអាចជួយដល់សុខភាពផ្លូវចិត្តអ្នកបានច្រើនបំផុត អាចជួយកាតបន្ថយកម្រិតស្រ្តេស ថប់អារម្មណ៍បានច្រើនណាស់ ។
៣.ទឹកដូង៖ ដឹងអត់?ទឹកដូងជាភេសជ្ជៈធម្មជាតិជួយទាំងសុខភាពផ្លូវចិត្ត និងសម្រស់របស់អ្នកផឹកផងដែរ។ ក៏ព្រោះទឹកដូងសម្បូរដោយជាតិប៉ូតាស្យូម គ្មានកូលេស្តេរ៉ុលនិងខ្លាញ់អាក្រក់ ផឹកជួយកាត់បន្ថយហានិភ័យលើសសម្ពាធឈាម កាត់បន្ថយជំងឺបេះដួង ជួយបំពេញជាតិទឹកក្នុងខ្លួន ជួយទាំងជួយប្រឆាំងអុកស៊ីតកម្មផងដែរ៕
អត្ថបទដោយ៖ ប៉ែត ធីតា
.